ਪੰਜਾਬ

ਬਰਨਾਲਾ/ਲੁਧਿਆਣਾ, ਮਈ 2020(ਗੁਰਸੇਵਕ ਸਿੰਘ ਸੋਹੀ/ਮਨਜਿੰਦਰ ਗਿੱਲ ) “ਕੱਲ੍ਹ ਤੜਕੇ ਲੁਧਿਆਣਾ ਦੇ ਹਸਪਤਾਲ ਵਿਚ ਜੇਰੇ ਇਲਾਜ ਅਧੀਨ ਬਰਨਾਲਾ ਜਿ਼ਲ੍ਹੇ ਦੇ ਪ੍ਰਧਾਨ ਸ. ਰਣਜੀਤ ਸਿੰਘ ਸੰਘੇੜਾ ਆਪਣੇ ਮਿਲੇ ਸਵਾਸਾਂ ਦੀ ਪੂੰਜੀ ਨੂੰ ਸੰਪੂਰਨ ਕਰਦੇ ਹੋਏ ਗੁਰੂ ਚਰਨਾਂ ਵਿਚ ਜਾ ਬਿਰਾਜੇ ਹਨ । ਜਿਨ੍ਹਾਂ ਦੇ ਚਲੇ ਜਾਣ ਨਾਲ ਪਰਿਵਾਰ, ਬਰਨਾਲਾ ਨਿਵਾਸੀਆ ਨੂੰ ਤਾਂ ਵੱਡਾ ਘਾਟਾ ਪਿਆ ਹੀ ਹੈ, ਲੇਕਿਨ ਖ਼ਾਲਸਾ ਪੰਥ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ) ਦੀ ਪਾਰਟੀ ਨੂੰ ਵੀ ਗਹਿਰਾ ਸਦਮਾ ਪਹੁੰਚਿਆ ਹੈ । ਜਦੋਂ ਅਸੀਂ 12 ਫਰਵਰੀ ਨੂੰ ਹਰ ਸਾਲ ਦੀ ਤਰ੍ਹਾਂ ਮਰਦ-ਏ-ਮੁਜਾਹਿਦ, ਬਾਬਾ-ਏ-ਕੌਮ ਸੰਤ ਜਰਨੈਲ ਸਿੰਘ ਖ਼ਾਲਸਾ ਭਿੰਡਰਾਂਵਾਲਿਆ ਦਾ ਜਨਮ ਦਿਹਾੜਾ ਫ਼ਤਹਿਗੜ੍ਹ ਸਾਹਿਬ ਦੀ ਪਵਿੱਤਰ ਧਰਤੀ ਤੇ ਮਨਾਉਣ ਲਈ ਤਿਆਰੀਆ ਆਰੰਭਦੇ ਸੀ, ਤਾਂ ਉਨ੍ਹਾਂ ਨੂੰ ਇਸ ਦਿਨ ਲਈ ਇਕ ਵੱਖਰਾ ਹੀ ਚਾਅ ਚੜ੍ਹ ਜਾਂਦਾ ਸੀ ਅਤੇ ਉਹ ਬਰਨਾਲੇ ਤੋਂ ਆਪਣੀ ਪੂਰੀ ਟੀਮ ਨੂੰ ਲੈਕੇ ਦੋ ਦਿਨ ਪਹਿਲੇ ਹੀ ਪੰਡਾਲ ਵਾਲੇ ਸਥਾਂਨ ਤੇ ਪਹੁੰਚ ਜਾਂਦੇ ਸਨ । ਜਿਥੇ ਉਹ ਆਪਣੇ ਦਸਵੰਧ ਅਤੇ ਆਪਣੇ ਸਾਥੀਆਂ ਰਾਹੀ ਇਕੱਤਰ ਕੀਤੀ ਗਈ ਭੇਟਾ ਰਾਹੀ ਜਲੇਬੀਆ ਅਤੇ ਪਕੌੜਿਆ ਦੇ ਲੰਗਰ ਦੀ ਸੇਵਾ ਨਿਭਾਉਣ ਵਿਚ ਅਲੌਕਿਕ ਖੁਸ਼ੀ ਮਹਿਸੂਸ ਕਰਦੇ ਸਨ, ਸ. ਸੰਘੇੜਾ ਇਕ ਚੰਗੀ ਨੇਕ ਨੀਤੀ ਅਤੇ ਸਮਾਜ ਦੀ ਸੇਵਾ ਕਰਨ ਵਿਚ ਅਟੁੱਟ ਵਿਸਵਾਸ ਰੱਖਦੇ ਸਨ । ਅੱਜ ਜਦੋਂ ਉਹ ਸਰੀਰਕ ਤੌਰ ਤੇ ਸਾਨੂੰ ਵਿਛੋੜਾ ਦੇ ਗਏ ਹਨ, ਤਾਂ ਬਰਨਾਲਾ ਨਿਵਾਸੀਆ ਲਈ ਹੀ ਨਹੀਂ, ਬਲਕਿ ਪਾਰਟੀ ਮੈਬਰਾਨ ਵਿੱਚ ਇਕ ਡੂੰਘੀ ਸੋਗ ਦੀ ਲਹਿਰ ਦੌੜ ਗਈ ਹੈ । ਵਾਹਿਗੁਰੂ ਸਾਡੇ ਤੋਂ ਵਿਛੜੀ ਨੇਕ ਆਤਮਾ ਨੂੰ ਆਪਣੇ ਚਰਨਾਂ ਵਿਚ ਨਿਵਾਸ ਬਖਸਣ  ਇਸ ਦੁੱਖ ਦਾ ਪ੍ਰਗਟਾਵਾ ਅਤੇ ਉਨ੍ਹਾਂ ਦੀ ਆਤਮਾ ਦੀ ਸ਼ਾਂਤੀ ਲਈ ਸੀਨੀਅਰ ਯੂਥ ਆਗੂ ਭਾਈ ਹਰਪ੍ਰੀਤ ਸਿੰਘ ਗਰੇਵਾਲ ਸ਼੍ਰੋਮਣੀ ਅਕਾਲੀ ਦਲ (ਅੰਮ੍ਰਿਤਸਰ)ਵੱਲੋ ਕੀਤਾ ਤੇ ਇਸ ਦੁੱਖ ਦੀ ਘੜੀ ਵਿੱਚ ਸਾਰੀ ਲੀਡਰਸਿ਼ਪ ਨੂੰ ਪਹੁੰਚਣ ਦੀ ਅਪੀਲ ਕੀਤੀ

ਮਹਿਲ ਕਲਾਂ-ਬਰਨਾਲਾ-ਮਈ 2020 (ਗੁਰਸੇਵਕ ਸਿੰਘ ਸੋਹੀ)-ਭਾਰਤੀ ਕਿਸਾਨ ਯੂਨੀਅਨ ਰਾਜੇਵਾਲ ਬਲਾਕ ਮਹਿਲ ਕਲਾਂ ਦੀ ਮੀਟਿੰਗ ਬਲਾਕ ਪ੍ਰਧਾਨ ਕੁਲਵਿੰਦਰ ਸਿੰਘ ਗਹਿਲ ਦੀ ਪ੍ਰਧਾਨਗੀ ਹੇਠ ਕੀਤੀ ਗਈ। ਇਸ ਮੀਟਿੰਗ ਵਿੱਚ ਕਰੋਨਾ ਵਾਇਰਸ ਦੀ ਭਿਆਨਕ ਮਹਾਂਮਾਰੀ ਨੂੰ ਮੱਦੇਨਜ਼ਰ ਰੱਖਦਿਆਂ ਜਾਤੇ ਵਿਚ ਰਹਿ ਕੇ ਗੁਰਦੁਆਰਾ ਭੁਆਣਾ ਸਹਿਬ ਛੀਨੀਵਾਲ ਕਲਾਂ ਵਿਖੇ ਮਤੇ ਪਾਸ ਕੀਤੇ ਗਏ। ਇਸ ਮੌਕੇ ਭਾਰਤੀ ਕਿਸਾਨ ਯੂਨੀਅਨ ਰਾਜੇਵਾਲ ਦੇ ਜਿਲਾ ਪ੍ਰਧਾਨ ਨਿਰਭੈ ਸਿੰਘ ਗਿਆਨੀ ਛੀਨੀਵਾਲ ਕਲਾਂ ਨੇ ਕਿਹਾ ਕਿ ਕਿਸਾਨਾਂ ਨੂੰ ਇੱਕ ਜੂਨ ਤੋਂ ਝੋਨਾ ਲਵਾਉਣ ਦੀ ਇਜਾਜ਼ਤ ਦੇਣ ਦੀ ਮੰਗ ਕੀਤੀ ਹੈ।ਉਨ੍ਹਾਂ ਕਿਹਾ ਕਿ ਸਮਾਜਿਕ ਦੂਰੀ ਰੱਖ ਕੇ ਕੰਮ ਹੌਲੀ ਹੁੰਦਾ ਹੈ। ਦੂਸਰਾ ਪਰਵਾਸੀ ਮਜ਼ਦੂਰਾਂ ਦੀ ਘਾਟ ਵੱਡੀ ਸਮੱਸਿਆ ਪੈਦਾ ਕਰੇਗੀ ਜਿਸ ਕਰਕੇ ਸਰਕਾਰ ਇਸ ਫੈਸਲੇ ਨੂੰ ਮੁੜ ਵਿਚਾਰੇ ਤੇ ਝੋਨਾ ਲਾਉਣ ਦੀ ਅਗਾਊਂ ਇਜਾਜ਼ਤ ਇੱਕ ਜੂਨ ਕੀਤੀ ਜਾਵੇ।ਇਸੇ ਤਰ੍ਹਾਂ ਭਾਰਤੀ ਕਿਸਾਨ ਯੂਨੀਅਨ ਦੇ ਆਗੂਆ ਨੇ ਕਿਹਾ ਕਿ ਪੰਜਾਬ ਸਰਕਾਰ ਨੇ 10 ਜੂਨ ਨੂੰ ਝੋਨਾ ਲਾਉਣ ਦੀ ਤਾਰੀਖ ਮਿਥ ਕੇ ਸਹੀ ਫ਼ੈਸਲਾ ਨਹੀਂ ਕੀਤਾ ਅਤੇ ਤਾਲਾਬੰਦੀ ਦੀਆਂ ਪਾਬੰਦੀਆਂ ਦਾ ਅਸਰ ਕਿਸਾਨਾ ਤੇ ਝੋਨਾ ਲਾਉਣ ਵੇਲੇ ਪਵੇਗਾ। ਉਨ੍ਹਾਂ ਕਿਹਾ ਕਿ ਪੰਜਾਬ ਦੇ ਕਿਸਾਨ ਝੋਨੇ ਦੀ ਸਿੱਧੀ ਬਿਜਾਈ ਲਈ ਮਨ ਬਣਾਈ ਬੈਠੇ ਹਨ ਜੋ ਕਿ ਬਿਜਾਈ ਤੋਂ ਪੱਕਣ ਤੱਕ 110 ਤੋਂ 120 ਦਿਨ ਤੱਕ ਦਾ ਸਮਾਂ ਲਵੇਗੀ।ਪੰਜਾਬ ਸਰਕਾਰ ਝੋਨੇ ਦੀ ਸਿੱਧੀ ਬਿਜਾਈ 15 ਮਈ ਤੋਂ ਸ਼ੁਰੂ ਕਰਵਾਏ।ਉਨ੍ਹਾਂ ਨੇ ਕੇਂਦਰ ਤੇ ਪੰਜਾਬ ਸਰਕਾਰ ਤੋਂ ਮੰਗ ਕੀਤੀ ਹੈ ਕਿ ਇਸ ਵਾਰ ਝੋਨੇ ਦਾ ਭਾਅ 3250 ਰੁਪਏ ਕੁਵਿੰਟਲ ਕੀਤਾ ਜਾਵੇ ਤੇ ਕਰੋਨਾ ਵਾਇਰਸ ਦੀ ਭਿਆਨਕ ਮਹਾਂਮਾਰੀ ਦੀ ਲਪੇਟ ਵਿੱਚ  ਆਏ ਦੇਸ ਦਾ ਢਿੱਡ ਭਰਨ ਅੱਜ ਕੇਂਦਰ ਤੇ ਪੰਜਾਬ ਸਰਕਾਰ ਦੀ ਅਣਦੇਖੀ ਦੋਰਾਨ ਕਿਸਾਨ ਖੁਦਕੁਸ਼ੀਆਂ ਕਰ ਰਿਹਾ ਹੈ।ਕਿਸਾਨਾਂ ਨੂੰ ਸਬਜੀ ਤੇ ਦੁੱਧ ਦਾ ਸਹੀ ਮੁੱਲ ਨਾ ਦੇ ਕੇ ਸਰਕਾਰਾ ਅੱਖੋ ਪਰੋਖੇ ਕਰ ਰਹੀਆ ਹਨ।ਕੇਂਦਰ ਦੀ ਮੋਦੀ ਸਰਕਾਰ ਨੇ ਕਾਰਪੋਰੇਸ਼ਨ ਘਰਾਣਿਆ ਦਾ ਕਰਜਾ ਮਾਫ ਕਰ ਦਿੱਤਾ ਹੈ ਅਤੇ ਕਿਸਾਨਾਂ ਤੇ ਮਜ਼ਦੂਰਾਂ ਦਾ ਕੋਈ ਕਰਜਾ ਮੁਆਫ ਨਹੀਂ ਕੀਤਾ।30 ਜੂਨ ਤੋਂ ਘਰੇਲੂ ਸਪਲਾਈ ਬਿਜਲੀ ਚ਼ ਵਾਧਾ ਕਰਨ ਤੇ ਇਸ ਦਾ ਡਟਕੇ ਵਿਰੋਧ ਕੀਤਾ ਜਾਵੇਗਾ। ਉਨ੍ਹਾਂ ਨੇ ਕਿਹਾ ਕਿ ਅੱਜ ਪੰਜਾਬ ਦੇ ਲੋਕਾਂ ਦੇ ਕੰਮ ਠੱਪ ਪਏ ਹਨ ਤੇ ਪੰਜਾਬ ਦਾ ਕਿਸਾਨ ਮੰਡੀਆਂ ਵਿੱਚ ਰੁਲ ਰਿਹਾ ਹੈ।ਮੰਡੀਆਂ ਵਿੱਚ ਲਿਫਟਿੰਗ ਦਾ ਵਧੀਆ ਪ੍ਰਬੰਧ ਨਹੀਂ ਹੈ। ਉਨਾ ਨੇ ਪੰਜਾਬ ਸਰਕਾਰ ਨੂੰ ਅਪੀਲ ਕੀਤੀ ਕਿ ਉਹ ਕਿਸਾਨਾਂ ਤੇ ਮਜ਼ਦੂਰਾਂ ਦਾ ਪੁਆੜੇ ਪਵਾਉਣ ਦੀ ਬਜਾਏ ਝੋਨਾ ਲਾਉਣ ਦਾ ਰੇਟ ਨਿਸਚਿਤ ਕਰੇ।ਇਸ ਮੌਕੇ ਬਲਾਕ ਪ੍ਰਧਾਨ ਕੁਲਵਿੰਦਰ ਸਿੰਘ ਗਹਿਲ ਨੇ ਪੰਜਾਬ ਸਰਕਾਰ ਤੋਂ ਮੰਗ ਕੀਤੀ ਕਿ ਅੈਤਕੀ ਪੂਸਾ -44 ਝੋਨਾ ਲਾਉਣ ਦੀ ਆਗਿਆ ਦਿੱਤੀ ਜਾਵੇ। ਇਸ ਮੌਕੇ ਅਜਮੇਰ ਸਿੰਘ ਜਿਲਾ ਜਨਰਲ ਸਕੱਤਰ, ਜਸਮੇਲ ਸਿੰਘ ਚੰਨਣਵਾਲ, ਮੰਦਰ ਸਿੰਘ ਛੀਨੀਵਾਲ ਕਲਾਂ, ਗੁਰਪ੍ਰੀਤ ਸਿੰਘ ਨੰਬਰਦਾਰ, ਸੁਖਚੈਨ ਸਿੰਘ ਗਹਿਲ,ਹਾਕਮ ਸਿੰਘ ਕੁਰੜ, ਬਹਾਲ ਸਿੰਘ ਕੁਰੜ, ਕਰਤਾਰ ਸਿੰਘ ਛੀਨੀਵਾਲ ਕਲਾਂ, ਅਜੈਬ ਸਿੰਘ, ਹਾਕਮ ਸਿੰਘ, ਸਾਧੂ ਸਿੰਘ ਛੀਨੀਵਾਲ ਕਲਾਂ, ਵਿੰਦਰ ਸਿੰਘ ਤੇ ਰੂਪ ਸਿੰਘ ਚੰਨਣਵਾਲ ਆਦਿ ਕਿਸਾਨ ਹਾਜਰ ਸਨ।

ਕਿਹਾ ਕਿ ਇਸ ਪੀਰੀਅਡ ਦੌਰਾਨ ਸਾਰੇ ਬਿਜਲੀ ਬਿਲ ਅੱਧੇ ਕਰ ਦੇਣੇ ਚਾਹੀਦੇ ਹਨ ਅਤੇ ਸਨਅਤਾਂ ਨੂੰ ਪੱਕੇ ਖਰਚਿਆਂ ਤੋਂ ਛੋਟ ਦੇਣੀ ਚਾਹੀਦੀ ਹੈ

ਡਾਕਟਰ ਦਲਜੀਤ ਸਿੰਘ ਚੀਮਾ ਨੇ ਮੁੱਖ ਮੰਤਰੀ ਨੂੰ ਦਖ਼ਲ ਦੇਣ ਅਤੇ ਪੀਐਸਪੀਸੀਐਲ ਨੂੰ ਇਹ ਨਿਰੇਦਸ਼ ਦੇਣ ਲਈ ਆਖਿਆ ਕਿ ਹਾਲ ਹੀ ਵਿਚ ਲੋਕਾਂ ਨੂੰ ਜਾਰੀ ਕੀਤੇ ਬਿਜਲੀ ਦੇ ਬਿਲ ਰੱਦ ਕੀਤੇ ਜਾਣ

ਚੰਡੀਗੜ੍ਹ, ਮਈ 2020 -(ਇਕਬਾਲ ਸਿੰਘ ਰਸੂਲਪੁਰ/ਮਨਜਿੰਦਰ ਗਿੱਲ)-
ਸ਼੍ਰੋਮਣੀ ਅਕਾਲੀ ਦਲ ਨੇ ਅੱਜ ਕਾਂਗਰਸ ਸਰਕਾਰ ਦੀ ਸਖ਼ਤ ਨਿਖੇਧੀ ਕਰਦਿਆਂ ਕਿਹਾ ਹੈ ਕਿ ਕੋਵਿਡ-19 ਕਰਕੇ ਜਦੋਂ ਗਰੀਬਾਂ ਅਤੇ ਮੱਧ ਵਰਗ ਨੂੰ ਭਾਰੀ ਵਿੱਤੀ ਤੰਗੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ ਤਾਂ ਅਜਿਹੇ ਸਮੇਂ ਵਿਚ ਸਰਕਾਰ ਨੇ ਬਿਜਲੀ ਦੇ ਵੱਡੇ ਬਿਲ ਜੁਰਮਾਨੇ ਦੀਆਂ ਸ਼ਰਤਾਂ ਸਣੇ ਭੇਜਕੇ ਆਮ ਆਦਮੀ ਦੇ ਜ਼ਖ਼ਮਾਂ ਉਤੇ ਨਮਕ ਮਲਿਆ ਹੈ।

ਇੱਥੇ ਇੱਕ ਪ੍ਰੈਸ ਬਿਆਨ ਜਾਰੀ ਕਰਦਿਆਂ ਸਾਬਕਾ ਮੰਤਰੀ ਡਾਕਟਰ ਦਲਜੀਤ ਸਿੰਘ ਚੀਮਾ ਨੇ ਕਿਹਾ ਕਿ ਬਹੁਤ ਹੀ ਦੁੱਖ ਦੀ ਗੱਲ ਹੈ ਕਿ ਸਾਰੇ ਘਰੇਲੂ ਅਤੇ ਸਨਅਤੀ ਖਪਤਕਾਰਾਂ ਨੂੰ ਜੁਰਮਾਨੇ ਦੀਆਂ ਸ਼ਰਤਾਂ ਸਮੇਤ ਬਿਜਲੀ ਦੇ ਬਿਲ ਭੇਜ ਕੇ ਕਾਂਗਰਸ ਸਰਕਾਰ ਨੇ ਆਪਣਾ ਕਠੋਰ ਚਿਹਰਾ ਵਿਖਾਇਆ ਹੈ। ਉਹਨਾਂ ਕਿਹਾ ਕਿ ਸਰਕਾਰ ਲੋਕਾਂ ਨੂੰ ਤੁਰੰਤ ਬਿਜਲੀ ਦੇ ਬਿਲ ਭਰਨ ਲਈ ਮਜ਼ਬੂਰ ਕਰਕੇ ਆਮ ਆਦਮੀ ਉੱਤੇ ਅੱਤਿਆਚਾਰ ਢਾਹ ਰਹੀ ਹੈ। ਉਹਨਾਂ ਕਿਹਾ ਕਿ ਅਕਾਲੀ ਦਲ ਮੰਗ ਕਰਦਾ ਹੈ ਕਿ ਸਾਰੇ ਬਿਜਲੀ ਦੇ ਬਿਲਾਂ ਦੀ ਅਦਾਇਗੀ ਚਾਰ ਮਹੀਨੇ ਲਈ ਮੁਲਤਵੀ ਕਰ ਦਿੱਤੀ ਜਾਵੇ ਅਤੇ ਉਸ ਤੋਂ ਬਾਅਦ ਵੀ ਬਿਲਾਂ ਵਿਚ 50 ਫੀਸਦੀ ਕਟੌਤੀ ਕਰਕੇ ਉਹਨਾਂ ਦੀ ਪੜਾਅਵਾਰ ਅਦਾਇਗੀ ਲਈ ਜਾਵੇ। ਉਹਨਾਂ ਕਿਹਾ ਕਿ ਪਾਰਟੀ ਸਨਅਤੀ ਸੈਕਟਰ ਨੂੰ ਬਿਜਲੀ ਦੇ ਪੱਕੇ ਖਰਚਿਆਂ ਤੋਂ ਛੋਟ ਦੇਣ ਦੀ ਵੀ ਮੰਗ ਕਰਦੀ ਹੈ।

ਮੁੱਖ ਮੰਤਰੀ ਨੂੰ ਇਹਨਾਂ ਸਾਰੀਆਂ ਮੰਗਾਂ  ਉੱਤੇ ਲੋਕ ਹਿੱਤਾਂ ਲਈ ਹਮਦਰਦੀ ਨਾਲ ਵਿਚਾਰ ਕਰਨ ਲਈ ਆਖਦਿਆਂ ਡਾਕਟਰ ਚੀਮਾ ਨੇ ਕਿਹਾ ਕਿ ਲੋਕ ਬੜੇ ਮੁਸ਼ਕਿਲ ਹਾਲਾਤ ਵਿਚੋਂ ਲੰਘ ਰਹੇ ਹਨ। ਉਹਨਾਂ ਕਿਹਾ ਕਿ ਰੁਜ਼ਗਾਰ ਖੁੱਸ ਜਾਣ ਮਗਰੋਂ ਕਈਆਂ ਕੋਲ ਤਾਂ ਆਪਣੇ ਪਰਿਵਾਰਾਂ ਦਾ ਢਿੱਡ ਭਰਨ ਲਈ ਵੀ ਪੈਸੇ ਨਹੀਂ ਹਨ। ਅਜਿਹੇ ਸਮੇਂ ਵਿਚ ਸਰਕਾਰ ਵੱਲੋਂ ਭੇਜੇ ਇੰਨੇ ਵੱਡੇ ਬਿਲ ਉਹ ਕਿਸੇ ਵੀ ਸੂਰਤ ਵਿਚ ਨਹੀਂ ਭਰ ਸਕਦੇ। ਉਹਨਾਂ ਕਿਹਾ ਕਿ ਮੁੱਖ ਮੰਤਰੀ ਨੂੰ ਪੀਐਸਪੀਸੀਐਲ ਨੂੰ ਨਿਰਦੇਸ਼ ਦੇਣਾ ਚਾਹੀਦਾ ਹੈ ਕਿ ਇਹਨਾਂ ਬਿਲਾਂ ਨੂੰ ਤੁਰੰਤ ਵਾਪਸ ਲੈ ਲਵੇ ਅਤੇ ਚਾਰ ਮਹੀਨੇ ਮਗਰੋਂ ਬਿਲਾਂ ਵਿਚ 50 ਫੀਸਦੀ ਕਟੌਤੀ ਕਰਕੇ ਪੜਾਅਵਾਰ ਜਾਰੀ ਕਰੇ।

ਅਕਾਲੀ ਆਗੂ ਨੇ ਕਿਹਾ ਕਿ ਸੂਬੇ ਅੰਦਰ ਕਰਫਿਊ ਲਗਾਏ ਜਾਣ ਤੋਂ ਬੰਦ ਪਈਆਂ ਸਾਰੀਆਂ ਸਨਅਤਾਂ ਅਤੇ ਦੁਕਾਨਾਂ ਕੋਲੋਂ ਕੋਈ ਪੈਸਾ ਨਹੀਂ ਵਸੂਲਣਾ ਚਾਹੀਦਾ। ਉਹਨਾਂ ਕਿਹਾ ਕਿ ਸਨਅਤਾਂ ਨੂੰ ਬਿਜਲੀ ਦੇ ਪੱਕੇ ਖਰਚਿਆਂ ਤੋਂ ਛੋਟ ਦੇਣੀ ਚਾਹੀਦੀ ਹੈ ਅਤੇ ਉਹਨਾਂ ਸਨਅਤਾਂ ਦੇ ਬਿਜਲੀ ਦੇ ਬਿਲ, ਜਿਹੜੀਆਂ ਦੁਬਾਰਾ ਸ਼ੁਰੂ ਹੋ ਚੁੱਕੀਆਂ ਹਨ, ਅੱਧੇ ਕਰ ਦੇਣੇ ਚਾਹੀਦੇ ਹਨ।

ਡਾਕਟਰ ਚੀਮਾ ਨੇ ਕਿਹਾ ਕਿ ਅਜਿਹੀਆਂ ਰਿਪੋਰਟਾਂ ਵੀ ਮਿਲੀਆਂ ਹਨ ਕਿ ਵੱੱਡੀ ਗਿਣਤੀ ਵਿਚ ਲੋਕਾਂ ਨੁੰ ਬਹੁਤ ਵੱਡੇ ਬਿਲ ਭੇਜੇ ਗਏ ਹਨ, ਜਿਹਨਾਂ ਨੂੰ ਆਖਰੀ ਖਪਤ ਦੇ ਅੰਕੜਿਆਂ ਜਾਂ ਇੱਕ ਔਸਤ ਖਪਤ ਨੂੰ ਆਧਾਰ ਬਣ ਕੇ ਤਿਆਰ ਕੀਤਾ ਗਿਆ ਹੈ। ਉਹਨਾਂ ਕਿਹਾ ਕਿ ਪੀਐਸਪੀਸੀਐਲ ਨੂੰ ਖਪਤਕਾਰਾਂ ਨੂੰ ਭੇਜੇ ਇਹ ਸਾਰੇ ਬਿਲ ਵਾਪਸ ਲੈਣੇ ਚਾਹੀਦੇ ਹਨ ਅਤੇ ਅਰਥ ਵਿਵਸਥਾ ਲੀਹ ਉਤੇ ਆਉਣ ਤੋਂ ਬਾਅਦ ਇਹਨਾਂ ਬਿਲਾਂ ਵਿਚ 50 ਫੀਸਦੀ ਕਟੌਤੀ ਕਰਕੇ ਦੁਬਾਰਾ ਜਾਰੀ ਕਰਨੇ ਚਾਹੀਦੇ ਹਨ।

ਅਜੀਤਵਾਲ,ਮਈ 2020 -(ਮਨਜਿੰਦਰ ਗਿੱਲ)-

ਸੰਸਥਾ ਗੁਰੂ ਨਾਨਕ ਮਿਸ਼ਨ ਅਤੇ ਦੇ ਗਰੀਨ ਪੰਜਾਬ ਮਿਸ਼ਨ ਟੀਮ ਵੱਲੋਂ ਦਾਉਧਰ ਪਿੰਡ ਦੀਆਂ ਸੱਤ ਹੱਦਾਂ ਤੱਕ, ਛਾਂ ਦਾਰ ਅਤੇ ਫਲਦਾਰ ਰੁੱਖ ਲਗਾਏ ਜਾ ਰਹੇ ਹਨ, ਤਿੰਨ ਸੌ ਦੇ ਕਰੀਬ ਰੁੱਖ ਲਗਾਏ ਜਾ ਚੁੱਕੇ ਹਨ ਅਤੇ ਬਾਕੀ ਲਗਾਤਾਰ ਲੱਗ ਰਹੇ ਹਨ, ਇਹਨਾਂ ਦੀ ਸੁਰੱਖਿਆ ਲਈ, ਇੱਟਾਂ ਦੇ ਟਰੀ ਗਾਰਡ ਵੀ ਲਗਾਏ ਜਾਣਗੇ, ਵਾਤਾਵਰਣ ਦੀ ਸ਼ੱਧਤਾ ਲਈ ਲੋਕਾਂ ਨੂੰ ਬੇਨਤੀ ਹੈ ਕੇ ਰੁੱਖਾਂ ਨੂੰ ਜਿਉਣ ਦਿਉ, ਇਹ ਤੁਹਾਨੂੰ ਸੁੱਖ ਦੇਣਗੇ। ਹਰ ਮਨੁੱਖ ਨੂੰ ਆਪਣੇ ਜੀਵਨ ਵਿੱਚ ਕਈ ਰੁੱਖ ਲਗਾਉਣੇ ਚਾਹੀਦੇੇ ਹਨ ਤਾਂ ਜੋ ਧਰਤੀ ਹਰੀ ਭਰੀ ਰਹੇ ਅਤੇ ਖੁਸ਼ ਰਹੇ, ਕਿਉਂਕਿ ਅਾਪਾਂ ਧਰਤੀ ਨੂੰ ਮਾਂ ਕਹਿੰਦੇ ਹਾਂ ਅਤੇ ਇਸਦੀ ਖੁਸ਼ੀ ਇਹੀ ਹੈ ਕੇ, ਲੋਕ ਵੱਧ ਤੋਂ ਵੱਧ ਰੁੱਖ ਲਗਾ ਕੇ ਧਰਤੀ ਨੂੰ ਮਨਮੋਹਨਾ ਅਤੇ ਕਹਿਣ ਕੇ ਵਾਹ। ਖਾਲਸਾ ਕੁਲਦੀਪ ਸਿੰਘ ਦਾਉਧਰ, ਸਤਪਾਲ ਸਿੰਘ ਦੇਹੜਕਾ, ਹਰ ਨਰਾਇਣ ਮੱਲੇਆਣਾ, ਧਰਮਰਾਜ ਦਾਉਧਰ ਬੇਟੀ ਗੁਰਜੱਸਪੀ੍ਤ ਕੌਰ, ਪ੍ਰਭਜੋਤ ਕੌਰ, ਫੋਟੋ ਵਿੱਚ ਹਾਜ਼ਰ ਹਨ, ਇਸਤੋਂ ਬਿਨਾਂ ਕੁਝ ਵਲੰਟੀਅਰ ਅਤੇ ਕੁਝ ਮਜਦੂਰ ਦਿਹਾੜੀ ਤੇ ਇਸ ਮਿਸ਼ਨ ਵਿੱਚ ਲੱਗੇ ਹੋਏ ਹਨ ਅਤੇ ਲੋਕਾਂ ਨੂੰ ਅਪੀਲ ਹੈ ਕੇ, ਇਸ ਵਿੱਚ ਸਹਿਯੋਗ ਕਰੋ।

ਦੂਸਰੀ ਰਿਪੋਰਟ ਵੀ ਨੈਗੇਟਿਵ ਆਉਣ ’ਤੇ ਮਿਲੀ ਹਸਪਤਾਲ ਤੋਂ ਛੁੱਟੀ

(ਫੋਟੋ:-ਫਗਵਾੜਾ ਦੀ ਮਰੀਜ਼ ਨੂੰ ਸਿਹਤਯਾਬ ਹੋਣ’ਤੇ ਵਿਦਾਈ ਦਿੰਦੇ ਹੋਏ ਵਿਧਾਇਕ ਰਾਣਾ ਗੁਰਜੀਤ ਸਿੰਘ, ਸਿਵਲ ਸਰਜਨ ਡਾ. ਜਸਮੀਤ ਬਾਵਾ ਅਤੇ ਹੋਰ ਸਿਹਤ ਅਧਿਕਾਰੀ)

ਵਿਧਾਇਕ ਰਾਣਾ ਗੁਰਜੀਤ ਸਿੰਘ ਅਤੇ ਸਿਵਲ ਸਰਜਨ ਨੇ ਦਿੱਤੀਆਂ ਸ਼ੁੱਭ ਕਾਮਨਾਵਾਂ

ਕਪੂਰਥਲਾ ,ਮਈ 2020 - (ਹਰਜੀਤ ਸਿੰਘ ਵਿਰਕ)-

ਸਿਵਲ ਹਸਪਤਾਲ ਕਪੂਰਥਲਾ ਦੇ ਆਈਸੋਲੇਸ਼ਨ ਵਾਰਡ ਵਿਚ ਪਿਛਲੇ 15 ਦਿਨਾਂ ਤੋਂ ਦਾਖ਼ਲ ਦੋ ਕੋਰੋਨਾ ਪੀੜਤਾਂ ਦੀ ਦੂਸਰੀ ਰਿਪੋਰਟ ਵੀ ਅੱਜ ਨੈਗੇਟਿਵ ਆਉਣ ’ਤੇ ਉਨਾਂ ਨੂੰ ਛੁੱਟੀ ਦੇ ਦਿੱਤੀ ਗਈ। ਮਰੀਜ਼ਾਂ ਨੂੰ ਛੁੱਟੀ ਮਿਲਣ ਮੌਕੇ ਵਿਧਾਇਕ ਰਾਣਾ ਗੁਰਜੀਤ ਸਿੰਘ ਅਤੇ ਸਿਵਲ ਸਰਜਨ ਡਾ. ਜਸਮੀਤ ਬਾਵਾ ਵਿਸ਼ੇਸ਼ ਤੌਰ ’ਤੇ ਉਥੇ ਪਹੁੰਚੇ ਅਤੇ ਉਨਾਂ ਨੇ ਦੋਵਾਂ ਨੂੰ ਸਿਹਤਯਾਬ ਹੋਣ ’ਤੇ ਸ਼ੁੱਭ ਕਾਮਨਾਵਾਂ ਦਿੱਤੀਆਂ। ਰਾਣਾ ਗੁਰਜੀਤ ਸਿੰਘ ਨੇ ਇਸ ਔਖੀ ਘੜੀ ਵਿਚ ਜ਼ਿਲਾ ਪ੍ਰਸ਼ਾਸਨ ਅਤੇ ਸਿਹਤ ਵਿਭਾਗ ਵੱਲੋਂ ਕੀਤੀ ਜਾ ਰਹੀ ਦਿਨ-ਰਾਤ ਮਿਹਨਤ ਦੀ ਭਰਪੂਰ ਸ਼ਲਾਘਾ ਕੀਤੀ ਅਤੇ ਆਈਸੋਲੇਸ਼ਨ ਵਾਰਡ ਵਿਚ ਤਾਇਨਾਤ ਮੈਡੀਕਲ ਅਤੇ ਪੈਰਾ ਮੈਡੀਕਲ ਟੀਮ ਨੂੰ ਵਿਸ਼ੇਸ਼ ਤੌਰ ’ਤੇ ਵਧਾਈ ਦਿੱਤੀ। ਉਨਾਂ ਬਾਕੀ ਮਰੀਜ਼ਾਂ ਦੇ ਵੀ ਜਲਦ ਸਿਹਤਯਾਬ ਹੋਣ ਦੀ ਕਾਮਨਾ ਕੀਤੀ। 

  ਸਿਵਲ ਸਰਜਨ ਡਾ. ਜਸਮੀਤ ਬਾਵਾ ਨੇ ਇਸ ਮੌਕੇ ਦੱਸਿਆ ਕਿ ਸ੍ਰੀ ਹਜ਼ੂਰ ਸਾਹਿਬ ਤੋਂ ਫਗਵਾੜਾ ਵਾਪਸ ਪਰਤੇ 14 ਯਾਤਰੀਆਂ ਵਿਚ ਉਕਤ ਦੋਵੇਂ ਮਰੀਜ਼ ਸ਼ਾਮਿਲ ਸਨ, ਜਿਨਾ ਨੂੰ 29 ਅਪ੍ਰੈਲ ਨੂੰ ਫਗਵਾੜਾ ਤੋਂ ਆਈਸੋਲੇਸ਼ਨ ਸੈਂਟਰ ਕਪੂਰਥਲਾ ਵਿਖੇ ਲਿਆਂਦਾ ਗਿਆ ਸੀ। ਉਨਾਂ ਦੱਸਿਆ ਕਿ ਦੋਵਾਂ ਮਰੀਜ਼ਾਂ ਦਾ ਕੱਲ ਟੈਸਟ ਨੈਗੇਟਿਵ ਆਇਆ ਸੀ ਅਤੇ 24 ਘੰਟਿਆਂ ਬਾਅਦ ਵਾਲਾ ਟੈਸਟ ਵੀ ਅੱਜ ਨੈਗੇਟਿਵ ਆਉਣ ’ਤੇ ਉਨਾਂ ਨੂੰ ਛੁੱਟੀ ਦੇ ਦਿੱਤੀ ਗਈ। ਉਨਾਂ ਦੱਸਿਆ ਕਿ ਫਗਵਾੜਾ ਦੇ ਸੁਖਚੈਨ ਨਗਰ ਦੇ ਰਹਿਣ ਵਾਲੇ ਦੋਵੇਂ ਮਰੀਜ਼ ਇਕੋ ਪਰਿਵਾਰ ਨਾਲ ਸਬੰਧ ਰੱਖਦੇ ਹਨ। 

ਦੋਵਾਂ ਮਰੀਜ਼ਾਂ ਨੇ ਆਈਸੋਲੇਸ਼ਨ ਵਾਰਡ ਵਿਚ ਬਿਤਾਏ ਸਮੇਂ ਦੌਰਾਨ ਉਨਾਂ ਦੇ ਵਧੀਆ ਇਲਾਜ ਅਤੇ ਦਿੱਤੀਆ ਸੁਵਿਧਾਵਾਂ ਲਈ ਪੰਜਾਬ ਸਰਕਾਰ, ਸਿਹਤ ਵਿਭਾਗ, ਜ਼ਿਲਾ ਪ੍ਰਸ਼ਾਸਨ ਅਤੇ ਮੈਡੀਕਲ ਸਟਾਫ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਡਾ. ਸੰਦੀਪ ਧਵਨ, ਡਾ. ਸੰਦੀਪ ਭੋਲਾ, ਡਾ. ਮੋਹਨਪ੍ਰੀਤ, ਡਾ. ਰਾਜੀਵ ਭਗਤ, ਗੁਰਬੀਰ ਸਿੰਘ, ਦਵਿੰਦਰ ਸਿੰਘ, ਬਲਜੀਤ ਸਿੰਘ ਤੋਂ ਇਲਾਵਾ ਮੈਡੀਕਲ ਤੇ ਪੈਰਾ ਮੈਡੀਕਲ ਸਟਾਫ ਹਾਜ਼ਰ ਸੀ। 

ਸੂਬੇ 'ਚ ਮੌਤਾਂ ਦੀ ਗਿਣਤੀ 33

ਚੰਡੀਗੜ੍ਹ, ਮਈ 2020 -(ਇਕ਼ਬਾਲ ਸਿੰਘ ਰਸੂਲਪੁਰ/ਮਨਜਿੰਦਰ ਗਿੱਲ)-

ਪੰਜਾਬ ਵਿਚ ਮੰਗਲਵਾਰ ਨੂੰ ਕੋਰੋਨਾ ਦੇ ਕਾਰਨ ਇਕ ਹੋਰ ਮੌਤ ਹੋ ਗਈ। ਅੰਮਿ੍ਤਸਰ ਦੇ ਗੁਰੂ ਨਾਨਕ ਦੇਵ ਹਸਪਤਾਲ ਵਿਚ ਭਰਤੀ 39 ਸਾਲਾ ਇਕ ਵਿਅਕਤੀ ਐੱਚਆਈਵੀ ਪਾਜ਼ੇਟਿਵ ਅਤੇ ਟੀਬੀ ਰੋਗ ਨਾਲ ਪੀੜਤ ਸੀ। ਰੋਗ ਪ੍ਰਤੀਰੋਧਕ ਸਮਰੱਥਾ ਕਮਜ਼ੋਰ ਹੋਣ ਦੀ ਵਜ੍ਹਾ ਨਾਲ ਕੋਰੋਨਾ ਵਾਇਰਸ ਦੀ ਲਪੇਟ ਵਿਚ ਆਉਣ ਤੋਂ ਬਾਅਦ ਉਸਦੀ ਹਾਲਤ ਵਿਗੜ ਗਈ ਸੀ। ਇਹ ਅੰਮਿ੍ਤਸਰ ਵਿਚ ਕੋਰੋਨਾ ਨਾਲ ਚੌਥੀ ਮੌਤ ਹੋਈ ਹੈ, ਜਦਕਿ ਪੰਜਾਬ ਵਿਚ ਹੁਣ ਤਕ 33 ਲੋਕਾਂ ਦੀ ਜਾਨ ਜਾ ਚੁੱਕੀ ਹੈ। ਦੂਜੇ ਪਾਸੇ ਮੰਗਲਵਾਰ ਨੂੰ ਪੰਜਾਬ ਵਿਚ ਪੰਜ ਮਹੀਨੇ ਦੀ ਬੱਚੀ ਸਮੇਤ 11 ਨਵੇਂ ਮਰੀਜ਼ ਸਾਹਮਣੇ ਆਏ। 15 ਦਿਨ ਵਿਚ ਨਵੇਂ ਪਾਜ਼ੇਟਿਵ ਮਰੀਜ਼ਾਂ ਦਾ ਇਹ ਸਭ ਤੋਂ ਘੱਟ ਅੰਕੜਾ ਹੈ। ਇਸ ਤੋਂ ਪਹਿਲਾਂ 28 ਅਪ੍ਰੈਲ ਨੂੰ 14 ਨਵੇਂ ਕੇਸ ਆਏ ਸਨ। ਇਸਦੇ ਨਾਲ ਹੀ ਪੰਜਾਬ ਵਿਚ ਕੁੱਲ ਇਨਫੈਕਟਿਡਾਂ ਦੀ ਗਿਣਤੀ 1950 ਹੋ ਗਈ ਹੈ। ਮੰਗਲਵਾਰ ਨੂੰ ਸਭ ਤੋਂ ਜ਼ਿਆਦਾ ਨੌਂ ਪਾਜ਼ੇਟਿਵ ਕੇਸ ਜਲੰਧਰ ਵਿਚ ਆਏ। ਇਨ੍ਹਾਂ ਵਿਚ ਇਕ ਪੰਜ ਮਹੀਨੇ ਦਾ ਬੱਚਾ ਹੈ। ਜਲੰਧਰ ਵਿਚ ਹੁਣ ਕੁੱਲ ਇਨਫੈਕਟਿਡ ਲੋਕਾਂ ਦੀ ਗਿਣਤੀ 197 ਹੋ ਗਈ ਹੈ। ਇਸ ਤੋਂ ਇਲਾਵਾ ਲੁਧਿਆਣਾ ਦੇ ਡੀਐੱਮਸੀ ਹਸਪਤਾਲ ਦੇ ਵਾਰਡ ਬੁਆਏ ਅਤੇ ਰੂਪਨਗਰ ਵਿਚ ਦਿੱਲੀ ਤੋਂ ਪਰਤੇ ਵਿਅਕਤੀ ਦੀ ਰਿਪੋਰਟ ਪਾਜ਼ੇਟਿਵ ਆਈ ਹੈ। ਰੂਪਨਗਰ ਵਿਚ ਡਾਕਟਰਾਂ ਦੇ ਕੋਰੋਨਾ ਟੈਸਟ ਨੂੰ ਲੈ ਕੇ ਸ਼ਸ਼ੋਪੰਜ ਦੀ ਸਥਿਤੀ ਬਣ ਗਈ ਹੈ। ਸਿਵਲ ਹਸਪਤਾਲ ਦੇ ਸੀਨੀਅਰ ਮੈਡੀਕਲ ਅਫ਼ਸਰ (ਐੱਸਐੱਮਓ) ਸਮੇਤ ਦੋ ਡਾਕਟਰਾਂ, ਸਿਵਲ ਸਰਜਨ ਦੇ ਪੀਏ ਅਤੇ ਲੈਬ ਤਕਨੀਸ਼ੀਅਨ ਦੀ ਰਿਪੋਰਟ ਚੰਡੀਗੜ੍ਹ ਲੈਬ ਵਿਚ ਪਾਜ਼ੇਟਿਵ ਆਈ ਸੀ। ਪਟਿਆਲਾ ਲੈਬ ਵਿਚ ਇਸਨੂੰ ਨੈਗੇਟਿਵ ਕਰਾਰ ਦਿੱਤਾ ਗਿਆ ਹੈ। ਪੰਜ ਮਈ ਨੂੰ ਕੁੱਲ 13 ਮੈਡੀਕਲ ਕਾਮਿਆਂ ਦੀ ਰਿਪੋਰਟ ਪਾਜ਼ੇਟਿਵ ਆਈ ਸੀ। ਹੁਣ ਹੋਰ ਮੁਲਾਜ਼ਮ ਵੀ ਸੈਂਪਲ ਦੀ ਦੁਬਾਰਾ ਜਾਂਚ ਦੀ ਮੰਗ ਕਰ ਰਹੇ ਹਨ।

ਮਹਿਲ ਕਲਾਂ-ਬਰਨਾਲਾ,ਮਈ 2020-(ਗੁਰਸੇਵਕ ਸਿੰਘ ਸੋਹੀ)-ਮੈਡੀਕਲ ਪ੍ਰੈਕਟੀਸ਼ਨਰਜ਼ ਐਸੋਸੀਏਸ਼ਨ ਰਜਿਸਟਰਡ ਦੋ ਸੌ ਪਚੰਨਵੇਂ ਦੇ ਬਲਾਕ ਮਹਿਲ ਕਲਾਂ ਦੇ ਸਮੂਹ ਅਹੁਦੇਦਾਰਾਂ ਵੱਲੋਂ ਲੋੜਵੰਦ ਪਰਿਵਾਰਾਂ ਲਈ ਲੋਕ ਭਲਾਈ ਸੇਵਾ ਸੁਸਾਇਟੀ ਦੇ ਪ੍ਰਧਾਨ ਡਾ ਪਰਵਿੰਦਰ ਸਿੰਘ ਅਤੇ ਅਤੇ ਫਿਰੋਜ਼ ਖਾਨ ਨੂੰ ਪੱਚੀ ਤੋਂ ਤੀਹ ਪਰਿਵਾਰਾਂ ਲਈ ਸੁੱਕਾ ਰਾਸ਼ਨ ਦਾਨ ਕੀਤਾ ਗਿਆ ।

ਸੂਬਾ ਸੀਨੀਅਰ ਮੀਤ ਪ੍ਰਧਾਨ ਡਾਕਟਰ ਮਿੱਠੂ ਮੁਹੰਮਦ ਮਹਿਲ ਕਲਾਂ ਨੇ ਕਿਹਾ ਕਿ ਪੂਰੀ ਦੁਨੀਆਂ ਨੂੰ  ਕਰੋਨਾ  ਦੀ ਮਹਾਂਮਾਰੀ ਨੇ ਆਪਣੀ ਲਪੇਟ ਵਿੱਚ ਲਿਆ ਹੈ। ਲਾਕਡਾਊਨ ਦੇ ਚੱਲਦੇ ਘਰੋਂ ਘਰੀਂ ਸੁੱਕਾ ਰਾਸ਼ਨ ਪੈਕੇਟਾਂ ਰਾਹੀਂ ਲੋੜਵੰਦ ਪਰਿਵਾਰਾਂ ਨੂੰ ਗਰੀਬ ਵਿਅਕਤੀਆਂ ਨੂੰ,ਵਿਧਵਾ ਔਰਤਾਂ ਨੂੰ ,ਅੰਗਹੀਣ ਵਿਅਕਤੀਆਂ ਨੂੰ ਅਤੇ ਬਜ਼ੁਰਗ ਜੋੜਿਆਂ ਨੂੰ ਪਹੁੰਚਾਉਣ ਲਈ ਸਮੂਹ ਡਾਕਟਰ ਸਾਹਿਬਾਨਾਂ ਨੇ ਸੁੱਕਾ ਰਾਸ਼ਨ ਮੁਹੱਈਆ ਕਰਵਾਇਆ ਹੈ। ਡਾ ਪਰਮਿੰਦਰ ਸਿੰਘ ਅਤੇ ਡਾਕਟਰ ਫਿਰੋਜ ਖ਼ਾਨ ਦੀ ਅਗਵਾਈ ਹੇਠ ਪਿਛਲੇ ਲੰਮੇ ਅਰਸੇ ਤੋਂ ਲੋਕ ਭਲਾਈ ਸੇਵਾ ਸੁਸਾਇਟੀ ਮਹਿਲ ਕਲਾਂ ਵਿੱਚ ਬਹੁਤ ਹੀ ਸ਼ਲਾਘਾਯੋਗ ਕੰਮ ਕਰ ਰਹੀ ਹੈ। ਇਸ ਸੁਸਾਇਟੀ ਨੂੰ ਅੱਜ ਇਹ ਰਾਸ਼ਨ ਦਾਨ ਕੀਤਾ ਗਿਆ । ਡਾਕਟਰ ਕੇਸਰ ਖਾਂ ਮਾਂਗੇਵਾਲ ਨੇ ਕਿਹਾ ਕਿ ਦੀਨ- ਦੁਖੀ ਅਤੇ ਜ਼ਰੂਰਤਮੰਦ ਲੋਕਾਂ ਦੀ ਸੇਵਾ ਕਰ ਸੇਵਾ ਕਰਨਾ ਸਭ ਤੋਂ ਵੱਡਾ ਧਰਮ ਹੈ। ਇਹ ਧਰਮ ਸਿਰਫ ਇਨਸਾਨੀਅਤ ਦਾ ਧਰਮ ਹੈ ਜੋ ਕਿ ਸਾਨੂੰ ਕਿਸੇ ਬਿਨਾਂ ਕਿਸੇ ਭੇਦ -ਭਾਵ ,ਜਾਤ -ਮਜ਼ਬ, ਅਮੀਰ -ਗਰੀਬ ,ਰੰਗ -ਨਸਲ ,ਛੋਟੇ- ਵੱਡੇ ਦੀ ਸੇਵਾ ਕਰਨਾ ਕਰਨ ਦਾ ਬਲ ਬਖਸ਼ਿਸ਼ ਕਰਦਾ ਹੈ । ਡਾ ਬਲਿਹਾਰ ਸਿੰਘ ਗੋਬਿੰਦਗੜ੍ਹ ਨੇ ਕਿਹਾ ਕਿ ਮੈਡੀਕਲ ਪ੍ਰੈਕਟੀਸ਼ਨਰ ਬਲਾਕ ਮਹਿਲ ਕਲਾਂ ਹਰ ਖੇਤਰ ਵਿੱਚ ਆਪਣਾ ਬਣਦਾ ਯੋਗਦਾਨ ਪਾ ਰਿਹਾ ਹੈ ।ਪਿਛਲੇ ਸਮੇਂ ਵਿੱਚ ਹੜ੍ਹ ਪੀੜਤਾਂ ਲਈ ਫਰੀ ਮੈਡੀਕਲ ਕੈਂਪ ਲਾਉਣਾ, ਲੋਕਾਂ ਦੀ ਘਰੋਂ ਘਰੋ ਘਰੀਂ ਫ਼ਰੀ ਮੈਡੀਕਲ ਸਹਾਇਤਾ ਅਤੇ  ਹੁਣ ਕਰੋਨਾ ਵਾਇਰਸ ਦੀ  ਦੀ ਮਹਾਂਮਾਰੀ ਦੇ ਲੋਕ ਡਾਊਨ ਵਿੱਚ ਘਿਰੇ ਸਾਡੇ ਲੋੜਵੰਦ ਲੋਕਾਂ ਨੂੰ ਮੁਫਤ ਰਾਸ਼ਨ ਵੰਡਣਾ ਯੂਨੀਅਨ ਦਾ ਮੁੱਢਲਾ ਫ਼ਰਜ਼ ਰਿਹਾ ਹੈ ।ਅਖੀਰ ਵਿੱਚ ਮੈਡੀਕਲ ਪ੍ਰੈਕਟੀਸ਼ਨਰ ਐਸੋਸੀਏਸ਼ਨ ਵੱਲੋਂ ਡਾ ਪਰਮਿੰਦਰ ਸਿੰਘ ਤੇ ਡਾ ਫਿਰੋਜ਼ ਖਾਨ ਦਾ ਸਰੋਪਾ ਪਾ ਕੇ ਹੌਸਲਾ ਅਫਜਾਈ ਦਿੰਦੇ ਹੋਏ ਸਨਮਾਨਿਤ ਕੀਤਾ ਗਿਆ। ਅਤੇ ਉਨ੍ਹਾਂ ਨੇ ਵਿਸ਼ਵਾਸ ਦੁਆਇਆ ਕਿ ਮੈਡੀਕਲ ਪ੍ਰੈਕਟੀਸ਼ਨਰ ਐਸੋਸੀਏਸ਼ਨ ਦੇ ਬਲਾਕ ਮਹਿਲ ਕਲਾਂ ਵੱਲੋਂ ਜੋ ਸਾਮਾਨ ਸਾਡੀ ਸੁਸਾਇਟੀ ਨੂੰ ਦਾਨ ਕੀਤਾ ਹੈ' ਉਹ ਲੋੜਵੰਦ ਲੋਕਾਂ ਤੱਕ ਪੁੱਜਦਾ ਕਰਨਾ ਸਾਡੀ ਜ਼ਿੰਮੇਵਾਰੀ ਹੋਵੇਗੀ । ਹੋਰਨਾਂ ਤੋਂ ਇਲਾਵਾ  ਬਲਾਕ ਦੇ ਪ੍ਰਧਾਨ ਡਾ ਜਗਜੀਤ ਸਿੰਘ ,ਸੀਨੀਅਰ ਮੀਤ ਪ੍ਰਧਾਨ ਡਾ ਸੁਖਵਿੰਦਰ ਸਿੰਘ ਠੁੱਲੀਵਾਲ, ਮੀਤ ਪ੍ਰਧਾਨ ਡਾ ਨਾਹਰ ਸਿੰਘ , ਬਲਾਕ ਜਨਰਲ ਸਕੱਤਰ ਡਾ ਸੁਰਜੀਤ ਸਿੰਘ ਛਾਪਾ ,ਪ੍ਰੈੱਸ ਸਕੱਤਰ ਡਾ ਜਸਬੀਰ ਸਿੰਘ ਮਹਿਲ ਕਲਾਂ , ਵਿੱਤ ਸਕੱਤਰ ਡਾ ਸੁਖਵਿੰਦਰ ਸਿੰਘ ਬਾਪਲਾ.ਚੇਅਰਮੈਨ ਡਾ ਬਲਿਹਾਰ ਸਿੰਘ ਗੋਬਿੰਦਗੜ੍ਹ ਅਤੇ ਡਾ ਬਲਦੇਵ ਸਿੰਘ ਲੋਹਗੜ੍ਹ ਆਦਿ ਹਾਜ਼ਰ ਸਨ ।

ਅਜੀਤਵਾਲ, ਮਈ 2020 -(ਜਨ ਸਕਤੀ ਨਿਉਜ)

ਜਰੂਰੀ ਹੁੰਦਾ ਹੈ ਤੁਹਾਡਾ ਘਰੋਂ ਤੁਰਨਾ, ਮੰਜ਼ਿਲ ਤੇ ਪਹੰਚਣ  ,ਲਈ ਕੋਈ ਨਾ ਕੋਈ ਸਾਧਨ ਮਿਲ ਹੀ ਜਾਂਦਾ ਹੈ ਅਤੇ  ਤੁਹਾਨੂੰ ਇਹ ਵੀ ਪਤਾ ਹੋਣਾ ਚਾਹੀਦਾ ਹੈ ਕੇ, ਮੈਂ ਜਾਣਾ ਕਿੱਥੇ ਹੈ, ਸੰਸਥਾ ਗੁਰੂ ਨਾਨਕ ਮਿਸ਼ਨ ਦਾਉਧਰ ਅਤੇ ਦ ਗਰੀਨ ਪੰਜਾਬ  ਮਿਸ਼ਨ ਟੀਮ ਤਹਿਤ ਅਨੇਕਾਂ ਅਜਿਹੇ ਕਾਰਜ ਹਨ, ਜੋ ਬਗੈਰ ਕਿਸੇ ਪਾਰਟੀ ਬਾਜੀ ਦੇ, ਮਨੁੱਖਤਾ ਨੂੰ ਸਮਰਪਿਤ ਹਨ, ਜਿਵੇਂ ਕੇ, ਬੀਮਾਰ  ਹੋ ਰਹੀ ਮਨੁੱਖਤਾ ਲਈ, ਵੀਟ ਗਰਾਸ ਅਤੇ ਸੁਹੰਜਨਾ ਸਮੇਤ ਕਈ  ਜੜੀ ਬੂਟੀਆਂ ਵਾਲੇ ਜੂਸ ਦਾ ਪ੍ਬੰਧ ਕਰਨਾ, ਜਿਹੜੇ ਲੋਕ ਕਿਸੇ ਵੀ ਹਾਲਤ ਵਿੱਚ ਵੀਟ ਗਰਾਸ ਤਿਆਰ ਨਹੀਂ ਕਰ ਸਕਦੇ, ਉਹਨਾਂ  ਲਈ ਟ੍ਰੇਆਂ ਤਿਆਰ ਕਰਨ ਦਾ ਪ੍ਬੰਧ ਕਰਨਾ, ਛੋਟੇ ਬੱਚਿਆਂ ਨੂੰ ਗੁਰਮਤਿ ਨਾਲ ਜੋੜਨ ਲਈ ਗੁਰਮਤਿ ਕਲਾਸਾਂ ਦਾ ਪ੍ਬੰਧ ਕਰਨਾ,  ਸੋਸਲ ਮੀਡੀਆ ਤੇ ਲੋਕ ਹਿੱਤਾਂ ਤਹਿਤ ਸਰਗਰਮ ਰਹਿਣਾ, ਅਤੀ ਲੋੜਵੰਦ ਲਈ, ਰਾਸ਼ਨ, ਦਵਾਈਆਂ ਅਤੇ ਨਵੇਂ ਪੁਰਾਣੇ ਕੱਪੜਿਆਂ ਦਾ ਪ੍ਬੰਧ ਕਰਨਾ, ਆਦਿ ਕਈ ਕਾਰਜ ਹਨ, ਜੋ ਲੋਕਾਂ ਦੇ ਹੀ ਸਹਿਯੋਗ ਨਾਲ ਸਮੇਂ ਸਮੇਂ ਕੀਤੇ ਜਾਂਦੇ ਹਨ, ਚੱਲ ਰਹੇ ਸਮੇਂ ਵਿੱਚ ਪਿੰਡ ਦਾਉਧਰ ਦੇ ਸੱਤ ਪਾਸਿਆਂ ਤੋਂ ਲੱਗਦੀਆਂ ਹੱਦਾਂ ਤੋਂ ਲੈਕੇ,  ,ਜਿੱਥੇ ਵੀ ਕੋਈ ਦਰੱਖਤ ਨਹੀਂ ਹੈ ਜਾਂ ਲੱਗੇ ਹੋਏ ਦਰੱਖਤਾਂ ਵਿੱਚ  ਬਹੁਤ ਜ਼ਿਆਦਾ ਫਾਸਲਾ ਹੈ, ਉੱਨਾ ਜਗ੍ਹਾ ਤੇ ਅਲੱਗ ਅਲੱਗ ਕਿਸਮ ਦੇ ਰੁੱਖ ਲਗਾ ਰਹੇ ਹਾਂ, ਜਿਸ ਵਿੱਚ ਮੁੱਖ ਤੌਰ ਤੇ ਸੁਹੰਜਨਾ, ਅਰਜਨ, ਕਟਹਲ, ਨਿੰਮ ਆਦਿ ਅਤੇ ਕੁਝ ਫਲਾਂ ਵਾਲੇ ਵੀ  ਦਰੱਖਤ ਲਗਾ ਰਹੇ ਹਾਂ, ਜੋ ਕੇ ਫਿਲਹਾਲ ਗਿਆਰਾਂ ਸੌ ਬੂਟਿਆਂ  ਦਾ ਟੀਚਾ ਰੱਖਿਆ ਹੈ, ਅਸੀਂ ਜਿਸ ਨਰਸਰੀ ਵਿੱਚ ਬੂਟੇ ਬੁੱਕ  ਕਰਵਾਏ ਸੀ ਕੇ ਸਾਨੂੰ ਇੱਕ ਮਹੀਨੇ ਬਾਅਦ ਚਾਹੀਦੇ ਹਨ,  ਉਹ ਹੁਣ ਮੌਕੇ ਤੇ ਕਹਿ ਗਏ ਕੇ, ਅਸੀਂ ਲੌਕਡਾਉਨ ਦੌਰਾਨ ਕੰਮ  ਬੰਦ ਕਰ ਦਿੱਤਾ ਸੀ, ਅਤੇ ਬੂਟੇ ਤਿਆਰ ਨਹੀਂ ਹਨ, ਕਿਸੇ ਹੋਰ  ਨਰਸਰੀ ਤੋਂ ਪੁੱਛਿਆ ਤਾਂ ਰੇਟ ਦਾ ਦਸ ਗੁਣਾ ਫਰਕ ਸੀ ਅਤੇ ਅਸੀਂ  ਟੋਏ ਵੀ ਪੱਟਣੇ ਸ਼ੁਰੂ ਕਰ ਦਿੱਤੇ ਸੀ, ਇਸ ਦੌਰਾਨ ਅਸੀਂ, ਗੁਰੂ ਘਰ ਗਿਆਰਵੀਂ ਵਾਲਿਆਂ ਦੇ ਸੇਵਾਦਾਰਾਂ ਵਿੱਚੋਂ ਬਾਈ ਸੋਹਣ ਸਿੰਘ  ਨਾਲ ਗੱਲ ਕੀਤੀ, ਜੋ ਕੇ ਸਾਡੇ ਹੀ ਪਰਿਵਾਰ ਚੋਂ ਹਨ,ਉਹ ਕਹਿੰਦੇ  ਗੱਲ ਹੀ ਕੋਈ ਨਹੀਂ ਅਤੇ ਉਹਨਾਂ ਬਾਈ ਕੌਲ ਸਿੰਘ ਨੂੰ ਦੱਸਿਆ  ਅਤੇ ਉਹਨਾਂ ਨੇ ਕਿਹਾ ਕੇ, ਜੇ ਲੋਕਾਂ ਦੀ ਭਲਾਈ ਲਈ ਕੁਝ ਵਧੀਆ  ਹੋ ਰਿਹਾ ਹੈ ਤਾਂ,ਅਸੀਂ ਹਾਜ਼ਰ ਹਾਂ ਅਤੇ ਉਹਨਾਂ ਵੱਲੋਂ 550 ਬੂਟੇ ਦੇਣ  ਦੀ ਗੱਲ ਹੋ ਗਈ ਅਤੇ ਅੱਜ ਜਦ ਅਸੀਂ ਬੂਟੇ ਚੱਕਣ ਵਾਸਤੇ ਗਏ  ਤਾਂ ਉਹ ਕਹਿੰਦੇ ਜੇ ਬੂਟੇ ਲਾ ਕੇ ਗੌਰ ਵੀ ਰੱਖੋਗੇ ਤਾਂ ਹੋਰ ਵੀ ਜਿਸ  ਤਰ੍ਹਾਂ ਦੇ ਬੂਟੇ ਚਾਹੀਦੇ ਹੋਏ, ਤੁਹਾਨੂੰ ਬੂਟੇ ਮਿਲ ਜਾਣਗੇ, ਅਸੀਂ   ਇਹਨਾਂ ਦਾ ਤਹਿ ਦਿਲੋਂ ਧੰਨਵਾਦ ਕਰਦੇ ਹਾਂ ਕੇ, ਉਹਨਾਂ ਨੇ ਸਾਡੀ ਮੁਸ਼ਕਿਲ ਨੂੰ ਅਸਾਨ ਕੀਤਾ। ਦੱਸਣ ਯੋਗ ਗੱਲ ਇਹ ਸੀ ਕੇ, ਜੇ  ਤੁਸੀਂ ਕੁਝ ਕਰਨਾ ਚਾਹੁੰਦੇ ਹੋ ਤਾਂ, ਹਰ ਕਾਰਜ ਸਮੇਂ ਦੀ ਮੰਗ ਕਰਦਾ  ਹੈ, ਉਹ ਤੁਹਾਨੂੰ ਦੇਣਾ ਪਏਗਾ ਅਤੇ ਨਾਲ ਹੀ ਲੋਕਾਂ ਦੀ ਵਿਰੋਧਤਾ ਨੂੰ ਸਹਿਣ ਲਈ ਤੁਹਾਨੂੰ ਲਗਾਤਾਰ ਖੁਸ਼ ਰਹਿਣਾ ਪਏਗਾ।  ਇਹ ਗੱਲਾਂ ਦੀ ਜਾਣਕਾਰੀ ਸ ਕੁਲਦੀਪ ਸਿੰਘ ਦਾਉ ਧਰ ਨੇ ਸਾਡੇ ਪ੍ਰਤੀ ਨਿਧ ਨਾਲ ਸਾਜੀ ਕੀਤੀ।

ਮੌਤਾਂ ਦੀ ਗਿਣਤੀ ਹੋਈ 32, ਪੀੜਤਾਂ ਦੀ ਕੁੱਲ ਗਿਣਤੀ 1939 

ਚੰਡੀਗੜ, ਮਈ 2020 -(ਇਕ਼ਬਾਲ ਸਿੰਘ ਰਸੂਲਪੁਰ/ਮਨਜਿੰਦਰ ਗਿੱਲ)-

ਪੰਜਾਬ 'ਚ ਕੋਰੋਨਾ ਨਾਲ ਮੌਤਾਂ ਦਾ ਸਿਲਸਿਲਾ ਰੁੱਕ ਨਹੀਂ ਰਿਹਾ। ਸੋਮਵਾਰ ਨੂੰ ਜਲੰਧਰ ਦੇ ਬਜ਼ੁਰਗ ਦੀ ਲੁਧਿਆਣਾ ਦੇ ਸੀਐੱਮਸੀ ਹਸਪਤਾਲ 'ਚ ਮੌਤ ਹੋ ਗਈ। ਹੁਣ ਪੰਜਾਬ 'ਚ ਕੋਰੋਨਾ ਨਾਲ ਮਰਨ ਵਾਲਿਆਂ ਦਾ ਅੰਕੜਾ 32 ਪਹੁੰਚ ਗਿਆ ਹੈ। ਜਲੰਧਰ ਦੇ ਕਬੂਲਪੁਰ ਦੇ ਰਹਿਣ ਵਾਲੇ ਬਜ਼ੁਰਗ ਦੀ ਰਿਪੋਰਟ ਐਤਵਾਰ ਨੂੰ ਪਾਜ਼ੇਟਿਵ ਆਈ ਸੀ। ਉੱਥੇ ਸੋਮਵਾਰ ਨੂੰ ਪੰਜਾਬ 'ਚ ਦੋ ਪੁਲਿਸ ਮੁਲਾਜ਼ਮਾਂ ਸਮੇਤ 39 ਨਵੇਂ ਮਰੀਜ਼ ਸਾਹਮਣੇ ਆਏ। ਇਨ੍ਹਾਂ 'ਚ ਤਿੰਨ ਹਜ਼ੂਰ ਸਾਹਿਬ ਤੋਂ ਪਰਤੇ ਸ਼ਰਧਾਲੂ ਵੀ ਹਨ। ਇਸਦੇ ਨਾਲ ਹੀ ਪੰਜਾਬ 'ਚ ਕੁੱਲ ਇਨਫੈਕਟਿਡ ਲੋਕਾਂ ਦੀ ਗਿਣਤੀ 1939 ਹੋ ਗਈ ਹੈ। ਇਨ੍ਹਾਂ 'ਚੋਂ 1166 ਹਜ਼ੂਰ ਸਾਹਿਬ ਤੋਂ ਪਰਤੇ ਸ਼ਰਧਾਲੂ ਹਨ। ਸੋਮਵਾਰ ਨੂੰ ਸਭ ਤੋਂ ਜ਼ਿਆਦਾ 15 ਪਾਜ਼ੇਟਿਵ ਕੇਸ ਜਲੰਧਰ 'ਚ ਆਏ। ਉੱਥੇ, ਫ਼ਤਹਿਗੜ੍ਹ ਸਾਹਿਬ 'ਚ ਨੌਂ ਕੇਸ ਆਏ, ਜਿਨ੍ਹਾਂ 'ਚ ਇਕ ਪੁਲਿਸ ਮੁਲਾਜ਼ਮ ਸ਼ਾਮਲ ਹੈ। ਇਸ ਤੋਂ ਇਲਾਵਾ ਮੋਗਾ ਤੇ ਫਾਜ਼ਿਲਕਾ 'ਚ ਦੋ-ਦੋ, ਫਰੀਦਕੋਟ, ਹੁਸ਼ਿਆਰਪੁਰ, ਫਾਜ਼ਿਲਕਾ, ਤਰਨਤਾਰਨ, ਪਟਿਆਲਾ 'ਚ ਦੋ ਤੇ ਨਵਾਂਸ਼ਹਿਰ 'ਚ ਇਕ ਕੇਸ ਰਿਪੋਰਟ ਹੋਇਆ। ਇਸ ਤੋਂ ਇਲਾਵਾ ਅੰਮ੍ਰਿਤਸਰ 'ਚ ਇਕ, ਲੁਧਿਆਣਾ 'ਚ 2 ਅਤੇ ਫਿਰੋਜ਼ਪੁਰ ਵਿੱਚ ਵੀ ਇਕ ਮਾਮਲਾ ਸਾਹਮਣੇ ਆਇਆ ਹੈ। ਮਾਨਸਾ 'ਚ ਤਾਇਨਾਤ ਗੁਰਦਾਸਪੁਰ ਦੇ ਆਈਆਰਬੀ ਜਵਾਨ ਦੀ ਰਿਪੋਰਟ ਵੀ ਪਾਜ਼ੇਟਿਵ ਆਈ ਹੈ।