ਲੁਧਿਆਣਾ

ਕਲੇਰ, ਭਾਈ ਗਰੇਵਾਲ ਤੇ ਮੱਲ੍ਹਾ ਨੇ ਜੈਨ ਨੂੰ ਬਣਾਇਆ ਜ਼ਿਲ੍ਹਾ ਅਕਾਲੀ ਦਲ ਦਾ ਜਨਰਲ ਸਕੱਤਰ
ਜਗਰਾਉਂ, 25 ਨਵੰਬਰ (ਕੁਲਦੀਪ ਸਿੰਘ ਕੋਮਲ ਮੋਹਿਤ ਗੋਇਲ )ਸਮਾਜ ਸੇਵੀ ਸ਼ਖ਼ਸੀਅਤ ਰਜਿੰਦਰ ਜੈਨ ਅਕਾਲੀ ਦਲ ਦੀਆਂ ਨੀਤੀਆਂ ਤੋਂ ਪ੍ਰਭਾਵਿਤ ਹੋ ਕੇ ਅਕਾਲੀ-ਬਸਪਾ ਉਮੀਦਵਾਰ ਐਸ. ਆਰ. ਕਲੇਰ, ਅਕਾਲੀ ਦਲ ਦੇ ਜ਼ਿਲ੍ਹਾ ਪ੍ਰਧਾਨ ਭਾਈ ਗੁਰਚਰਨ ਸਿੰਘ ਗਰੇਵਾਲ ਤੇ ਪੀ. ਏ. ਸੀ. ਕਮੇਟੀ ਦੇ ਮੈਂਬਰ ਕੰਵਲਜੀਤ ਸਿੰਘ ਮੱਲ੍ਹਾ ਦੀ ਅਗਵਾਈ ’ਚ ਅਕਾਲੀ ਦਲ ’ਚ ਸ਼ਾਮਲ ਹੋਏ ਤੇ ਅਕਾਲੀ ਦਲ ਨੇ ਰਜਿੰਦਰ ਜੈਨ ਨੂੰ ਅਕਾਲੀ ਦਲ ਦੀ ਜ਼ਿਲ੍ਹਾ ਜੱਥੇਬੰਦੀ ’ਚ ਜਨਰਲ ਸਕੱਤਰ ਨਿਯੁਕਤ ਕੀਤਾ। ਇਸ ਮੌਕੇ ਕਲੇਰ, ਭਾਈ ਗਰੇਵਾਲ ਤੇ ਮੱਲ੍ਹਾ ਨੇ ਕਿਹਾ ਕਿ ਲੋਕ ਮੁੜ ਸ਼੍ਰੋਮਣੀ ਅਕਾਲੀ ਦਲ ਦੀਆਂ ਨੀਤੀਆਂ ਤੋਂ ਪ੍ਰਭਾਵਿਤ ਹੋ ਕੇ ਅਕਾਲੀ ਦਲ ’ਚ ਸ਼ਾਮਲ ਹੋ ਹਨ ਤੇ ਪਾਰਟੀ ਦੀ ਸੇਵਾ ਕਰ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਪੰਜਾਬ ਦੀ ਖੇਤਰੀ ਪਾਰਟੀ ਸ਼੍ਰੋਮਣੀ ਅਕਾਲੀ ਦਲ ਦੀ ਸਰਕਾਰ ਸਮੇਂ ਹੀ ਪੰਜਾਬ ’ਚ ਵਿਕਾਸ ਹੋਇਆ, ਸੜਕਾਂ ਦੇ ਜਾਲ ਵਿਸ਼ੇ ਤੇ ਸਭ ਧਰਮਾਂ ਦਾ ਸਤਿਕਾਰ ਕਰਦੇ ਯਾਦਗਾਰਾਂ ਬਣਾਈਆਂ। ਉਨ੍ਹਾਂ ਕਿਹਾ ਕਿ 2017 ’ਚ ਝੂਠੇ ਵਾਅਦੇ ਕਰਕੇ ਬਣੀ ਕਾਂਗਰਸ ਸਰਕਾਰ ਨੇ ਸਾਢੇ ਚਾਰ ਸਾਲ ਕੁਝ ਨਹੀਂ ਕੀਤਾ ਤੇ ਹੁਣ ਜਦੋਂ ਸਰਕਾਰ ਦਾ ਸਮਾਂ ਖ਼ਤਮ ਹੋ ਰਿਹਾ ਹੈ ਤਾਂ ਝੂਠੇ ਵਾਅਦੇ ਕਰਕੇ ਲੋਕਾਂ ਨੂੰ ਭਰਮਾਉਣ ਲੱਗੀ ਹੋਈ ਹੈ। ਉਨ੍ਹਾਂ ਕਿਹਾ ਕਿ ਲੋਕ ਕਾਂਗਰਸ ਸਰਕਾਰ ਦੀਆਂ ਚਾਲਾਂ ਤੋਂ ਜਾਣੂ ਹਨ ਤੇ ਇਸ ਵਾਰ ਮੂੰਹ ਨਹੀਂ ਲਗਾਉਣਗੇ। ਇਸ ਮੌਕੇ ਰਜਿੰਦਰ ਜੈਨ ਨੇ ਕਿਹਾ ਕਿ ਉਹ ਅਕਾਲੀ ਦਲ ਵੱਲੋਂ ਕੀਤੇ ਜਾਂਦੇ ਕੰਮਾਂ ਅਤੇ ਵਰਕਰਾਂ ਦੀ ਕੀਤੀ ਜਾਂਦੀ ਕਦਰ ਤੋਂ ਪ੍ਰਭਾਵਿਤ ਹਨ, ਜਿਸ ਕਰਕੇ ਉਹ ਅਕਾਲੀ ਦਲ ’ਚ ਸ਼ਾਮਲ ਹੋਏ ਹਨ। ਇਸ ਮੌਕੇ ਸਾਬਕਾ ਚੇਅਰਮੈਨ ਚੰਦ ਸਿੰਘ ਡੱਲਾ, ਦੀਪਇੰਦਰ ਸਿੰਘ ਭੰਡਾਰੀ, ਹਰਵਿੰਦਰ ਸਿੰਘ ਚਾਵਲਾ, ਗੁਰਿੰਦਰਜੀਤ ਸਿੰਘ ਰੂਮੀ, ਵਰਿੰੰਦਰਪਾਲ ਸਿੰਘ ਪਾਲੀ, ਅੰਕੂਸ਼ ਧੀਰ, ਲੋਕ ਸੇਵਾ ਸੁਸਾਇਟੀ ਦੇ ਚੇਅਰਮੈਨ ਗੁਲਸ਼ਨ ਅਰੋੜਾ, ਅਪਾਰ ਸਿੰਘ, ਸਤੀਸ਼ ਕੁਮਾਰ ਪੱਪੂ, ਸੰਜੂ ਗੋਇਲ, ਮੋਹਿਤ ਗੁਪਤਾ, ਵਰੂਣ ਮਲਹੋਤਰਾ, ਵਿਸ਼ਾਲ, ਵਿਨੋਦ ਕੁਮਾਰ ਬਾਂਸਲ, ਰਜਿੰਦਰ ਗੋਇਲ, ਰਵੀ ਗੋਇਲ, ਡਿੰਪਲ ਤਨੇਜਾ, ਕੁਲਭੂਸ਼ਣ ਗੁਪਤਾ, ਅਮਿਤ ਅਰੋੜਾ, ਰੋਹਿਤ ਵਰਮਾ, ਕਾਕਾ ਵਰਮਾ, ਮੁਨੀਸ਼ ਗੁਪਤਾ ਤੇ ਮਨਪ੍ਰੀਤ ਸਿੰਘ ਆਦਿ ਹਾਜ਼ਰ ਸਨ।

ਜਗਰਾਓਂ 24 ਨਵੰਬਰ (ਅਮਿਤ ਖੰਨਾ) ਬਲੌਜ਼ਮਜ਼ ਕਾਨਵੈਂਟ ਸਕੂਲ ਦੇ ਨਰਸਰੀ ਜਮਾਤ ਦੇ ਬੱਚਿਆਂ ਵੱਲੋਂ ਇਕ ਰੌਚਕ ਗਤੀਵਿਧੀ ਕੀਤੀ ਗਈ ਹੈ ਜੋ ਕਿ ਉਹਨਾਂ ਨੇ ਇਕ ਖੇਡ-ਖੇਡ ਵਿਚ ਕੀਤੀ, ਬੱਚਿਆਂ ਨੇ ਇਹ ਗਤੀਵਿਧੀ ਕਰਦੇ ਹੋਏ ਆਪਣੇ ਉਤਸ਼ਾਹ ਨੂੰ ਬਾਖੂਬੀ ਪੇਸ਼ ਕੀਤਾ। ਇਸ ਮੌਕੇ ਸਕੂਲ ਦੇ ਪ੍ਰਿੰਸੀਪਲ ਡਾ:ਅਮਰਜੀਤ ਕੌਰ ਨਾਜ਼ ਨੇ ਕਿਹਾ ਕਿ ਇਹਨਾਂ ਛੋਟੇ-ਛੋਟੇ ਬੱਚਿਆਂ ਨੇ ਆਪਣੀ ਇਸ ਨਿੱਕੀ ਜਿਹੀ ਗਤੀਵਿਧੀ ਨਾਲ ਆਪਣੇ ਜੀਵਨ ਨੂੰ ਬਰਾਬਰਤਾ ਵਿਚ ਰੱਖਣਾ ਸਿੱਖਿਆ। ਉਹਨਾਂ ਆਪਣੇ ਜੀਵਨ ਦੀਆਂ ਇਹਨਾਂ ਗਤੀਵਿਧੀਆਂ ਦੇ ਨਾਲ-ਨਾਲ ਆਪਣੀ ਪੜ੍ਹਾਈ ਵੀ ਆਸਾਨੀ ਨਾਲ ਕਰ ਸਕਦੇ ਹਨ। ਇਸ ਮੌਕੇ ਸਕੂਲ ਦੇ ਚੇਅਰਮੈਨ ਸ:ਹਰਭਜਨ ਸਿੰਘ ਜੌਹਲ, ਪ੍ਰੈਜ਼ੀਡੈਂਟ ਸ:ਮਨਪ੍ਰੀਤ ਸਿੰਘ ਬਰਾੜ ਅਤੇ ਸ:ਅਜਮੇਰ ਸਿੰਘ ਰੱਤੀਆਂ ਨੇ ਵੀ ਹਾਜ਼ਰੀ ਭਰੀ।

ਜਗਰਾਉਂ 24 ਨਵੰਬਰ(ਜਸਮੇਲ ਗ਼ਾਲਿਬ )ਸ੍ਰੀਮਤੀ ਗੁਰਕੀਰਤ ਕੌਰ ਐਡਵੋਕੇਟ ਸੁਪਰੀਮ ਕੋਰਟ ਅਤੇ ਰਮਨਦੀਪ ਸਿੰਘ ਪਿੰਡ ਸ਼ੇਰਪੁਰਾ ਕਲੇਰ ਪਹੁੰਚੇ ਅਤੇ ਲੋਕਾਂ ਦੀ ਦੁੱਖ ਤਕਲੀਫਾਂ ਸੁਣੀਆਂ ਜਿਸ ਵਿੱਚ ਸ਼ਾਮਿਲ  ਪ੍ਰੇਮ ਚੰਦ ਸਰਪੰਚ  ਹਰਦੀਪ ਸਿੰਘ ਸਾਬਕਾ ਸਰਪੰਚ ਰਣਜੀਤ ਸਿੰਘ ਰਾਣਾ  ਪਰਮਜੀਤ ਕੌਰ ਪਤਨੀ ਅਮਰਜੀਤ ਸਿੰਘ  ਕਮਲਜੀਤ ਕੌਰ ਪਤਨੀ ਅਮਨਦੀਪ ਸਿੰਘ ਚਰਨਜੀਤ ਕੌਰ ਪਤਨੀ ਦਰਸ਼ਨ ਸਿੰਘ  ਜਸਵੀਰ ਕੌਰ ਪਤਨੀ ਨਿਰਮਲ ਸਿੰਘ ਅਮਰਜੀਤ ਕੌਰ ਪਤਨੀ ਬੂਟਾ ਸਿੰਘ ਸਰਬਜੀਤ ਕੌਰ ਪਤਨੀ ਸੁਖਵੰਤ ਸਿੰਘ  ਰਾਣੀ ਕੌਰ ਪਤਨੀ ਬਲਜਿੰਦਰ ਸਿੰਘ  ਸੁਰਜੀਤ ਕੌਰ ਪਤਨੀ ਕਮਲਜੀਤ ਸਿੰਘ ਬਿੱਕਰ ਸਿੰਘ ਪੁੱਤਰ  ਧਰਮਾ ਸਿੰਘ  ਤੀਰਥ ਸਿੰਘ ਪੁੱਤਰ ਸੌਦਾਗਰ ਸਿੰਘ ਮਿਲਨ ਕੌਰ ਪਤਨੀ ਅਜੈਬ ਸਿੰਘ ਜਸਪ੍ਰੀਤ ਕੌਰ ਪਤਨੀ ਬਲਜਿੰਦਰ ਸਿੰਘ ਅਮਨਦੀਪ ਕੌਰ ਪਤਨੀ ਰਸ਼ਪਾਲ ਸਿੰਘ ਸੰਪੂਰਨ ਸਿੰਘ ਪੁੱਤਰ ਮੁਖਤਿਆਰ ਸਿੰਘ  02:00 ਵਜੇ ਸ਼੍ਰੀਮਤੀ ਗੁਰਕੀਰਤ ਕੌਰ  ਭੰਮੀਪੁਰਾ ਮਨਿੰਦਰ ਸਿੰਘ ਕਾਕਾ ਜੀ ਦੇ ਪੁੱਤਰ ਦੇ ਭੋਗ ਤੇ ਅਫ਼ਸੋਸ ਕਰਨ ਪਹੁੰਚੇ 05:00 ਵਜੇ ਫਤਿਹਗੜ੍ਹ ਸਿਵੀਆਂ ਪਿੰਡ ਵਿੱਚ ਸ੍ਰੀਮਤੀ ਗੁਰਕੀਰਤ ਕੌਰ ਜੀ ਨੇ ਲੋਕਾਂ ਨਾਲ ਮੁਲਾਕਾਤ ਕੀਤੀ ਜਿਸ ਵਿਚ ਸਰਪੰਚ ਜਗਦੀਸ਼ ਸ਼ਰਮਾ ਗਾਲਿਬ ਰਣ ਸਿੰਘ  ਬਲਜਿੰਦਰ ਕੌਰ ਜਨਰਲ ਸੈਕੇਟਰੀ ਲੁਧਿਆਣਾ ਦਿਹਾਤੀ ਸੁਖਵਿੰਦਰ ਕੌਰ ਜੀ ਬਲਦੇਵ ਸਿੰਘ ਨੱਥਾ ਸਿੰਘ ਹਰਦਿਆਲ ਸਿੰਘ ਕਾਂਗਰਸ ਆਗੂ ਹਰਦੇਵ ਸਿੰਘ  ਜ਼ਿਲ੍ਹਾ ਪ੍ਰੀਸ਼ਦ ਪਰਮਜੀਤ ਸਿੰਘ ਪੰਮਾ ਪੰਚ ਸੁਰਜੀਤ ਸਿੰਘ ਹਰਨੇਕ ਸਿੰਘ ਚਮਕੌਰ ਸਿੰਘ ਕੌੜਾ  ਸਾਬਕਾ ਸਰਪੰਚ ਭਾਗ ਸਿੰਘ  ਸ਼ਾਮਿਲ ਸਨ ।

ਜਗਰਾਉਂ 23 ਨਵੰਬਰ ( ਕੁਲਦੀਪ ਸਿੰਘ ਕੋਮਲ ਮੋਹਿਤ ਗੋਇਲ) ਪੁਲਿਸ ਅੱਤਿਆਚਾਰਾਂ ਸ਼ਿਕਾਰ ਗਰੀਬ 'ਧੀ' ਨੂੰ ਇਨਸਾਫ਼ ਕਦੋਂ ਮਿਲੇਗਾ? ਇਹ ਸਵਾਲ ਅੱਜ ਸਿਰਫ਼ ਪੰਜਾਬ 'ਚ ਨਹੀਂ ਸਗੋਂ ਵਿਦੇਸ਼ਾਂ 'ਚ ਵੀ ਉਠਿਆ ਹੋਇਆ ਹੈ। ਜਗਰਾਉਂ ਦੇ ਤੱਤਕਾਲੀ ਥਾਣੇਦਾਰ ਵਲੋ ਅੱਧੀ ਰਾਤ ਨੂੰ ਥਾਣੇ 'ਚ ਕਰੰਟ ਲਗਾ ਨਕਾਰਾ ਕੀਤੀ ਕੁਲਵੰਤ ਕੌਰ ਜੋ ਕਿ ਅਸਟਾਂਮ ਪੇਪਰ ਤੇ ਲਿਖ ਕੇ ਮੁੱਖ ਮੰਤਰੀ ਕੈਪਟਨ ਅਤੇ ਹੁਣ ਮੁੱਖ ਮੰਤਰੀ ਚੰਨੀ ਤੋਂ ਮੌਤ ਦੀ ਭੀਖ ਮੰਗ ਚੁੱਕੀ ਹੈ, ਨੂੰ ਇਨਸਾਫ਼ ਦੇਣ ਸਬੰਧੀ ਹਰਪ੍ਰੀਤ ਸਿੰਘ ਕਨੇਡਾ, ਸੁਖਵਿੰਦਰ ਸਿੰਘ ਪੁਰਤਗਾਲ, ਸੱਤਪਾਲ ਸਿੰਘ ਡੁਬਈ ਅਤੇ ਸਰਵਰਿੰਦਰ ਸਿੰਘ ਯੂ.ਐਸ.ਏ. ਨੇ ਸ਼ੋਸ਼ਲ ਮੀਡੀਆ 'ਤੇ ਦੁਖਿਆਰੀ ਭੈਣ ਦੇ ਹੱਕ ਵਿੱਚ ਕੈਪਟਨ ਅਮਰਿੰਦਰ ਤੋਂ ਬਾਦ ਹੁਣ ਮੁੱਖ ਮੰਤਰੀ ਚਰਨਜੀਤ ਚੰਨੀ,ਮੁੱਖ ਮੰਤਰੀ ਅਰਵਿੰਦ ਕੇਜ਼ਰੀਵਾਲ ਅਤੇ ਸਾਬਕਾ ਉ੍ਪ ਮੰਤਰੀ ਸੁਖਬੀਰ ਬਾਦਲ਼ ਨੂੰ ਹਲੂਣਾ ਮਾਰਿਆ ਹੈ। ਇਸ ਸਬੰਧੀ ਪੀੜ੍ਹਤਾ ਦੇ ਭਰਾ ਇਕਬਾਲ ਸਿੰਘ ਰਸੂਲਪੁਰ ਨੇ ਕਿਹਾ ਕਿ 'ਚੰਨੀ' ਆਪਣੇ ਆਪ ਨੂੰ ਆਮ ਲੋਕਾਂ ਦੇ  ਮੁੱਖ ਮੰਤਰੀ ਆਖਦੇ ਅਤੇ ਹਨ ਮਸਲੇ ਦਾ ਹੱਲ ਕਰਨ ਦਾ ਦਾਅਵਾ ਕਰਦੇ ਹਨ ਜਦ ਕਿ ਅਸਲੀਅਤ ਇਹ ਹੈ ਕਿ ਅਨੇਕਾਂ ਯਤਨਾਂ ਦੇ ਬਾਵਯੂਦ ਸਾਨ ਸਾਨੂੰ ਇਨਸਾਫ਼ ਨਹੀਂ ਮਿਲ ਰਿਹਾ ਜਗਰਾਉਂ ਪੁਲਿਸ ਕਮਿਸ਼ਨ ਦੇ ਹੁਕਮਾਂ ਨੂੰ ਰੱਦੀ ਦੀ ਟੋਕਰੀ 'ਚ ਸੁੱਟ ਕੇ ਦੋਸ਼ੀ ਡੀ.ਐਸ.ਪੀ. ਨੂੰ ਬਚਾ ਰਹੀ ਏ। ਉਨ੍ਹਾਂ ਕਿਹਾ ਕਿ ਸਾਡੇ ਦੇਸ਼ ਅੰਦਰ ਗੁਰੂਆਂ ਸੰਤਾਂ ਮਹਾਂਪੁਰਸ਼ਾਂ ਤੇ ਬਾਬਾ ਸਾਹਿਬ ਭੀਮ ਰਾਓ ਅੰਬੇਡਕਰ ਜੀ ਵੱਲੋਂ ਔਰਤਾਂ ਦੀ ਮਹਾਨਤਾ ਦਰਸਾਈ ਪਰ ਔਰਤ ਤੇ ਹੁੰਦੇ ਅਤਿਆਚਾਰਾਂ ਖ਼ਿਲਾਫ਼ ਸੰਘਰਸ਼ ਰਾਹੀਂ ਅਲੱਗ ਅਲੱਗ ਸਮਿਆਂ ਤੇ ਅਵਾਜ਼ ਬੁਲੰਦ ਕਰਕੇ ਔਰਤਾਂ ਦਾ ਮਾਨ-ਸਨਮਾਨ ਬਹਾਲ ਰੱਖਣ ਲਈ ਵਕਾਲਤ ਕਰਕੇ ਬਣਦਾ ਮਾਨ ਸਨਮਾਨ ਦੁਆ ਕੇ ਮਹਾਨ ਕਾਰਜ ਕੀਤਾ ।  ਅੱਜ ਦੀਆਂ ਸਰਕਾਰਾਂ ਵੀ ਔਰਤਾਂ ਨੂੰ ਬਰਾਬਰ ਦੇ ਹੱਕ ਦੇਣ ਦੇ ਵਾਅਦੇ ਤੇ ਦਾਅਵੇ ਕਰ ਰਹੀਆਂ ਹਨ । ਜਿਸ ਲਈ ਸਰਕਾਰਾਂ ਵੱਲੋਂ ਔਰਤਾਂ ਦੇ ਹੱਕਾਂ ਤੇ ਸੁਰੱਖਿਆ ਲਈ ਮਹਿਲਾ ਕਮਿਸ਼ਨ ਵੀ ਬਣਾਏ ਹਨ ਪ੍ਰੰਤੂ ਇਹ ਕਮਿਸ਼ਨ ਦੇ ਹੁਕਮਾਂ ਨੁੰ ਪੁਲਿਸ ਟਿੱਚ ਸਮਝਦੀ ਹੈ। ਇਨਾਂ ਬਾਰੇ 15-16 ਸਾਲਾਂ ਤੋਂ ਮੰਜੇ ਤੇ ਪਈ ਭੈਣ ਕੁਲਵੰਤ ਕੌਰ ਰਸੂਲਪੁਰ ਦੇ ਭਰਾ ਇਕਬਾਲ ਸਿੰਘ ਰਸੂਲਪੁਰ ਨੇ ਦੱਸਿਆ ਕਿ ਉਹ ਅਫਸਰਾਂ ਤੋਂ ਇਨਸਾਫ ਦੀ ਉਮੀਦ ਖਤਮ ਹੋ ਜਾਣ ਤੇ ਸਰਕਾਰਾਂ ਤੋਂ ਇਨਸਾਫ ਦੀ ਆਸ ਨਾਲ ਪੁਲਿਸ ਅਫਸਰ ਡੀ ਐਸ ਪੀ ਬਣ ਚੁੱਕੇ ਬੱਲ ਵੱਲੋਂ ਬੇਗੁਨਾਹ ਹੋਣ ਦੇ ਬਾਵਜੂਦ ਨਜਾਇਜ਼ ਤਸੀਹੇ ਕਰੰਟ ਲਗਾ ਕੇ ਦਿੱਤੇ ਜਖਮਾ ਦੇ ਦਰਦਾ ਤੋਂ  ਤ੍ਰਾਹ-ਤ੍ਰਾਹ ਕਰਦੀ ਅੱਜ ਇਨਸਾਫ ਦੀ ਉਡੀਕ ਛੱਡ ਮੌਤ ਦੀ ਭੀਖ ਮੰਗਣ ਲਈ ਮਜ਼ਬੂਰ ਹੈ। ਹੁਣ ਪੰਜਾਬ ਦੇ ਨਵੇਂ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਦੇ ਬਣਨ ਤੇ ਉਨ੍ਹਾਂ ਵੱਲੋਂ ਗਰੀਬਾਂ ਤੇ ਆਮ ਆਦਮੀ ਦੇ ਮੁੱਖ ਮੰਤਰੀ ਕਹਿਣ ਦੀਆਂ ਵਾਇਰਲ ਹੁੰਦੀਆਂ ਸੋਸਲ ਮੀਡੀਆ ਉੱਪਰ ਵੀਡੀਓ ਨਾਲ ਨਵੀਂ ਆਸ ਦੀ ਕਿਰਣ ਇਨਸਾਫ ਲਈ ਦਿਖਾਈ ਦਿੱਤੀ ਸੀ।  ਇਨਸਾਫ਼ ਲੈਣ ਲਈ ਪੰਜਾਬ ਦੇ ਨਵੇਂ ਮੁੱਖ ਮੰਤਰੀ ਚਰਨਜੀਤ ਸਿੰਘ ਚੰਨੀ ਦੇ ਬਣਨ ਤੋਂ ਲੈ ਕੇ ਕੋਸ਼ਿਸ਼ਾਂ ਕੀਤੀਆਂ ਜਾ ਰਹੀਆਂ ਹਨ ।ਉਹਨਾਂ ਵੱਲੋਂ ਮਿਲਣ ਲਈ ਕਈ ਚਿੱਠੀਆਂ ਈ ਮੇਲਾਂ ਪਾਈਆ ਜਾ ਚੁੱਕੀਆਂ ਹਨ। ਉਨ੍ਹਾਂ ਦੀ ਰਿਹਾਇਸ਼ ਤੇ ਮਿਲਣ ਲਈ ਕਈ ਚੱਕਰ ਲਗਾਏ ਜਾ ਚੁੱਕੇ ਹਨ ਪ੍ਰਭੂ ਉਨ੍ਹਾਂ ਨੂੰ ਕੋਈ ਮਿਲਣ ਲਈ ਸਮਾਂ ਨਹੀਂ ਦਿੱਤਾ ਗਿਆ। ਉਨ੍ਹਾਂ ਇਹ ਵੀ ਕਿਹਾ ਕਿ ਅੱਜ ਵੀ ਹਲਾਤ ਪਹਿਲੀਆਂ ਸਰਕਾਰਾਂ ਤੇ ਪਹਿਲੇ ਮੁੱਖ ਮੰਤਰੀਆਂ ਵਾਂਗ ਹੀ ਹਨ । ਉਹ ਚਾਹੇ ਬਾਦਲ ਸਰਕਾਰ ਦੇ ਸਮੇਂ ਅਤੇ ਕੈਪਟਨ ਸਰਕਾਰ ਦੇ ਸਮੇਂ ਅਨੁਸਾਰ ਹੀ ਹਨ। ਉਹਨਾਂ ਕਿਹਾ ਕਿ ਆਪਣੇ ਆਪ ਨੂੰ ਸੋਸ਼ਲ ਮੀਡੀਆ ਰਾਹੀਂ ਗਰੀਬਾਂ ਦੇ ਤੇ ਆਮ ਆਦਮੀ ਦੇ ਮੁੱਖ ਮੰਤਰੀ ਦੱਸਣਾ ਸਿਰਫ ਸੋਸ਼ਲ ਮੀਡੀਆ ਤੱਕ ਹੀ ਸੀਮਤ ਹੈ। ਇਕਬਾਲ ਸਿੰਘ ਰਸੂਲਪੁਰ ਨੇ ਕਿਹਾ ਕਿ ਉਹ ਮੀਡੀਏ ਰਾਹੀਂ ਸਮੇਂ ਦੀ ਮੰਗ ਕਰਦੇ ਹਨ। ਉਨਾਂ ਨੂੰ ਆਸ ਹੈ ਮੁੱਖ ਮੰਤਰੀ  ਦੋਸ਼ੀ ਪਾਏ ਜਾਣ ਵਾਲੇ ਪੁਲਿਸ ਅਫਸਰ  ਖ਼ਿਲਾਫ਼ ਕਾਰਵਾਈ ਕਰਕੇ 15-16 ਸਾਲਾ ਇਨਸਾਫ ਦੀ ਆਸ ਲਗਾਈ ਬੈਠੀ ਗਰੀਬ ਪਰਿਵਾਰ ਦੀ ਧੀ ਨੂੰ ਜਿੰਦੇ ਜੀ ਇਨਸਾਨ ਜਰੂਰ ਦੇਣਗੇ ।