ਲੁਧਿਆਣਾ

ਲੁਧਿਆਣਾ 18 ਅਗਸਤ(ਟੀ. ਕੇ.) ਪੀ. ਏ. ਯੂ. ਦੇ ਕਮਿਊਨਟੀ ਸਾਇੰਸ ਕਾਲਜ ਦੇ ਮਨੁੱਖੀ ਵਿਕਾਸ ਅਤੇ ਪਰਿਵਾਰ ਅਧਿਐਨ ਵਿਭਾਗ ਵਿਚ ਜਾਰੀ ਆਲ ਇੰਡੀਆ ਕੋਆਰਡੀਨੇਟਿਡ ਖੋਜ ਪ੍ਰੋਜੈਕਟ ਪੇਂਡੂ ਔਰਤਾਂ ਦੀ ਰੋਜ਼ੀ-ਰੋਟੀ ਦੇ ਵਸੀਲਿਆਂ ਦਾ ਜਾਇਜ਼ਾ ਅਤੇ ਵੱਖ-ਵੱਖ ਖੇਤਰਾਂ ਵਿੱਚ ਰੁਜ਼ਗਾਰ ਵਿਕਾਸ ਪ੍ਰੋਜੈਕਟ ਤਹਿਤ ਇਕ ਵਿਸ਼ੇਸ਼ ਸਿਖਲਾਈ ਦਾ ਆਯੋਜਨ ਕੀਤਾ ਗਿਆ। ਜ਼ਿਲ੍ਹਾ ਲੁਧਿਆਣਾ ਦੇ ਪਿੰਡ ਲਾਈਆਂ, ਬਲਾਕ ਸਿੱਧਵਾਂ ਬੇਟ ਦੇ ਸਾਂਝੇ ਹਾਲ ਵਿੱਚ ਇਸ ਪ੍ਰੋਗਰਾਮ ਨੂੰ ਕਰਵਾਇਆ ਗਿਆ।  ਇਹ ਸਿਖਲਾਈ ਪੰਜਾਬ ਰਾਜ ਪੇਂਡੂ ਆਜੀਵਿਕਾ ਮਿਸ਼ਨ ਦੇ ਸਹਿਯੋਗ ਨਾਲ ਕਰਵਾਈ ਗਈ।

ਇਸ ਸਮਾਰੋਹ ਵਿਚ ਕਿਸਾਨ ਔਰਤਾਂ ਨੂੰ ਮੋਮਬੱਤੀਆਂ ਬਣਾਉਣ ਦੀ ਸਿਖਲਾਈ ਦਿੱਤੀ ਗਈ ਜੋ  ਉਪਰੋਕਤ ਮਿਸ਼ਨ ਦਾ ਹਿੱਸਾ ਹਨ।  ਡਾਇਰੈਕਟੋਰੇਟ ਆਫ ਐਕਸਟੈਨਸ਼ਨ ਦੇ ਮਾਹਿਰ ਡਾ: ਕੁਲਵੀਰ ਨੇ ਮੋਮਬੱਤੀਆਂ ਬਣਾਉਣ ਦੀਆਂ ਵੱਖ-ਵੱਖ ਵਿਧੀਆਂ ਦਾ ਪ੍ਰਦਰਸ਼ਨ ਕੀਤਾ ਅਤੇ ਭਾਗੀਦਾਰਾਂ ਨੂੰ ਸਮਝਾਇਆ ਕਿ ਉਹ ਵਪਾਰਕ ਉਦੇਸ਼ਾਂ ਲਈ ਇਸ ਹੁਨਰ ਦੀ ਵਰਤੋਂ ਕਿਵੇਂ ਕਰ ਸਕਦੇ ਹਨ।  ਇਸ ਤੋਂ ਇਲਾਵਾ, ਮਨੁੱਖੀ ਵਿਕਾਸ ਅਤੇ ਪਰਿਵਾਰਕ ਅਧਿਐਨ ਵਿਭਾਗ ਤੋਂ ਡਾਕਟਰ ਪ੍ਰਾਚੀ ਬਿਸ਼ਟ ਦੁਆਰਾ 'ਮਾਨਸਿਕ ਅਤੇ ਸਰੀਰਕ ਸਿਹਤ' ਵਿਸ਼ੇ 'ਤੇ ਭਾਸ਼ਣ ਦਿੱਤਾ ਗਿਆ, ਜਿਸ ਨੇ ਔਰਤਾਂ ਵਿੱਚ ਸਰੀਰਕ ਸਿਹਤ ਬਣਾਈ ਰੱਖਣ ਲਈ ਚੰਗੀ ਮਾਨਸਿਕ ਸਿਹਤ ਬਾਰੇ ਸੁਝਾਅ ਦਿੱਤੇ ਗਏ।

 ਇਸ ਸਮਾਗਮ ਨੂੰ ਡਾ. ਸ਼ਿਕਸ਼ਾ, ਸ੍ਰੀ ਹਰਮੀਤ ਸਿੰਘ  ਅਤੇ ਮਿਸ਼ਨ ਦੇ ਹੋਰ ਸਰਗਰਮ ਮੈਂਬਰਾਂ ਨੇ ਸਹਿਯੋਗ ਦਿੱਤਾ।

ਹਠੂਰ,13 ਅਗਸਤ-(ਕੌਸ਼ਲ ਮੱਲ੍ਹਾ)-ਦੇਸ਼ ਦੀਆ ਸਰਹੱਦਾ ਤੇ ਸ਼ਹੀਦੀ ਦਾ ਜਾਮ ਪੀਣ ਵਾਲੇ ਸਮੂਹ ਸਹੀਦਾ ਦੀ ਯਾਦ ਨੂੰ ਸਮਰਪਿਤ ਅੱਜ ਗ੍ਰਾਮ ਪੰਚਾਇਤ ਮੱਲ੍ਹਾ ਦੀ ਅਗਵਾਈ ਹੇਠ ਪਿੰਡ ਮੱਲ੍ਹਾ ਵਿਚ ਛਾਦਾਰ ਅਤੇ ਫਲਦਾਰ ਬੂਟੇ ਲਗਾਏ ਗਏ।ਇਸ ਮੌਕੇ ਸਰਪੰਚ ਹਰਬੰਸ ਸਿੰਘ ਢਿੱਲੋ ਅਤੇ ਸਾਬਕਾ ਸਰਪੰਚ ਗੁਰਮੇਲ ਸਿੰਘ ਮੱਲ੍ਹਾ ਨੇ ਕਿਹਾ ਕਿ ਅੱਜ ਸਰਕਾਰੀ ਹਾਈ ਸਕੂਲ ਦੀ ਗਰਾਉਡ ਦੇ ਕਿਨਾਰੇ ਲਗਭਗ 213 ਛਾਦਾਰ ਅਤੇ ਫਲਦਾਰ ਬੂਟੇ ਲਗਾਏ ਗਏ ਹਨ।ਇਨ੍ਹਾ ਬੂਟਿਆ ਦੀ ਸਾਭ-ਸੰਭਾਲ ਲਈ ਪਿੰਡ ਦੇ ਨੌਜਵਾਨਾ ਦੀਆ ਵੱਖ-ਵੱਖ ਟੀਮਾ ਬਣਾਇਆ ਗਈਆ ਹਨ ਜੋ ਸਮੇਂ-ਸਮੇਂ ਤੇ ਖਾਦ ਅਤੇ ਪਾਣੀ ਪਾਇਆ ਕਰਨਗੀਆ।ਉਨ੍ਹਾ ਸਮੂਹ ਪਿੰਡ ਵਾਸੀਆ ਨੂੰ ਬੇਨਤੀ ਕੀਤੀ ਕਿ ਬੂਟਿਆ ਦੀ ਦੇਖ-ਰੇਖ ਲਈ ਸਹਿਯਗ ਦਿੱਤਾ ਜਾਵੇ।ਇਸ ਮੌਕੇ ਉਨ੍ਹਾ ਨਾਲ ਸੁਸਮਾਂ ਰਾਣੀ ਹਠੂਰ , ਸੂਬੇਦਾਰ ਗੁਰਮੇਲ ਸਿੰਘ , ਪੰਚ ਸੁਖਵਿੰਦਰ ਸਿੰਘ , ਪੰਚ ਕਾਲਾ ਸਿੰਘ , ਪੰਚ ਜਗਜੀਤ ਸਿੰਘ ਖੇਲਾ , ਪੰਚ ਅਮਰਜੀਤ ਕੌਰ , ਸੂਬੇਦਾਰ ਅਨੋਖ ਸਿੰਘ , ਕਰਨੈਲ ਸਿੰਘ , ਰਣਜੀਤ ਸਿੰਘ ਸਿਵੀਆ , ਜਸਵੰਤ ਸਿੰਘ ਸਿਵੀਆ , ਸੋਖਾ ਸਿੰਘ , ਪਾਲਾ ਸਿੰਘ ਤੋ ਇਲਾਵਾ ਮਨਰੇਗਾ ਕਾਮੇ ਹਾਜ਼ਰ ਸਨ।

ਫੋਟੋ ਕੈਪਸ਼ਨ:- ਸਾਬਕਾ ਸਰਪੰਚ ਗੁਰਮੇਲ ਸਿੰਘ ਮੱਲ੍ਹਾ ਛਾਦਾਰ ਅਤੇ ਫਲਦਾਰ ਬੂਟੇ ਲਾਉਦੇ ਹੋਏ।

ਪਰਮੇਸ਼ਰ ਦਾ ਨਾਮ ਜਪਣ ਲਈ ਜਤਨ ਕਰਨਾ ਪੈਂਦਾ ਹੈ, ਤਦ ਹੀ ਉਸਦੀ ਪ੍ਰਾਪਤੀ ਹੁੰਦੀ ਹੈ-ਸੰਤ ਅਮੀਰ ਸਿੰਘ
ਲੁਧਿਆਣਾ 13 ਅਗਸਤ (    ਕਰਨੈਲ ਸਿੰਘ ਐੱਮ ਏ       )- ਭਵਿੱਖ-ਮੁਖੀ ਸੋਚ ਦੇ ਧਾਰਨੀ, ਸਫਲ ਜੀਵਨ ਲਈ ਸੰਗਤਾਂ ‘ਚ ਗੁਰਮਤਿ ਦੇ ਪ੍ਰਚਾਰ-ਪਸਾਰ ਲਈ ਜੀਵਨ ਭਰ ਕਾਰਜ਼ਸ਼ੀਲ ਰਹਿਣ ਵਾਲੀ ਸਿੱਖ ਸ਼ਖਸ਼ੀਅਤ ਸੱਚਖੰਡਵਾਸੀ ਸੰਤ ਬਾਬਾ ਸੁਚਾ ਸਿੰਘ ਜੀ ਜਵੱਦੀ ਕਲਾਂ ਵਾਲਿਆਂ ਨੇ ਮਨੁੱਖੀ ਜੀਵਨ ਨਾਲ ਸਬੰਧਿਤ, ਸਰਬ-ਸਾਂਝੀਵਾਲਤਾ ਅਤੇ ਸਰਬੱਤ ਦੇ ਭਲੇ ਦਾ ਸੰਦੇਸ਼ ਦੇਣ ਲਈ “ਜਵੱਦੀ ਟਕਸਾਲ” ਦਾ “ਗੁਰਦੁਆਰਾ ਗੁਰ ਗਿਆਨ ਪ੍ਰਕਾਸ਼ ਸ਼ਾਹਿਬ” ਨੂੰ ਇਕ ਕੇਂਦਰ ਬਣਾਇਆ।
ਉਪ੍ਰੋਕਤ ਪ੍ਰਵਚਨ ਮੌਜੂਦਾ ਮੁਖੀ ਸੰਤ ਬਾਬਾ ਅਮੀਰ ਸਿੰਘ ਜੀ ਨੇ ਹਫਤਾਵਾਰੀ ਨਾਮ-ਸਿਮਰਨ-ਅਭਿਆਸ ਸਮਾਗਮਾਂ ਵਿਚ ਸੰਗਤਾਂ ਸਨਮੁਖ ਗੁਰਮਤਿ ਵਿਚਾਰਾਂ ਦੀ ਸਾਂਝ ਪਾਉਦਿਆਂ ਸੰਤ ਬਾਬਾ ਸੁੱਚਾ ਸਿੰਘ ਜੀ ਦੇ ਜੀਵਨ ਅਧਾਰਿਤ ਉਦਾਹਰਣਾਂ ਦਿੰਦਿਆਂ ਸਮਝਾਇਆ ਕਿ ਉਨ੍ਹਾਂ ਆਪਣਾ ਜੀਵਨ ਸੰਗਤਾਂ ‘ਚ ਅਧਿਆਤਮਿਕ ਸੰਦੇਸ਼ ਸੰਚਾਰਿਤ ਕਰਦਿਆਂ ਗੁਜਾਰਿਆ। ਉਨ੍ਹਾਂ ਮਹਾਪੁਰਸ਼ਾਂ ਦੀਆਂ ਯਾਦਾਂ ਵਿਚੋਂ ਉਨ੍ਹਾਂ ਦੇ ਮੁਖਾਰਬਿੰਦੋਂ ਸਰਵਣ ਕੀਤੇ ਪ੍ਰਵਚਨਾਂ ‘ਚੋਂ ਉਦਾਹਰਣ ਦਿੰਦਿਆਂ ਸਮਝਾਇਆ ਕਿ ਜਿਵੇਂ ਧਰਤੀ ਉੱਤੇ ਬੱਦਲ ਵਰਖਾ ਦੇ ਰੂਪ ‘ਚ ਵਰ੍ਹਦੇ ਨੇ, ਤਾਂ ਧਰਤੀ ਉੱਪਰਲੀ ਬਨਸਪਤੀ ਹਰੀ-ਭਰੀ ਹੋ ਕੇ ਮੌਲਣ ਲੱਗਦੀ ਹੈ। ਮੌਸਮ ਸੁਹਾਵਣਾ ਹੁੰਦਾ ਹੈ, ਤਾਂ ਉਸ ਨੂੰ ਕਿਸੇ ਕਿਸਮ ਦੀ ਕੋਈ ਮੁਸ਼ਕਤ ਨਹੀਂ ਕਰਨੀ ਪੈਂਦੀ। ਇਸੇ ਤਰ੍ਹਾਂ ਧਰਤੀ ‘ਚ ਵੀ ਪਾਣੀ ਹੈ, ਪਰ ਧਰਤੀ ਥੱਲੇ ਤਾਂ ਚਸ਼ਮਿਆਂ ਵਾਂਗੂੰ ਖੁੱਲ੍ਹਾ ਵਗਦਾ ਹੈ, ਬਹੁਤ ਜਿਆਦਾ ਪਾਣੀ ਹੈ। ਉਸ ਪਾਣੀ ਦੀ ਪ੍ਰਾਪਤੀ ਲਈ ਜਤਨ ਕਰਨਾ ਪੈਂਦਾ ਹੈ। ਖੂਹ ਪੁੱਟਣਾ ਪੈਂਦਾ ਹੈ, ਟਿਊਵੈਲ ਲਗਾਉਣਾ ਪੈਂਦਾ ਹੈ ਜਾਂ ਹੋਈ ਹੋਰ ਸਾਧਨ ਕਰਨਾ ਪੈਂਦਾ ਹੈ। ਇਸੇ ਤਰ੍ਹਾਂ ਪਰਮੇਸ਼ਰ ਦਾ ਨਾਮ ਜਪਣ ਲਈ ਜਤਨ ਕਰਨਾ ਪੈਂਦਾ ਹੈ, ਤਦ ਹੀ ਉਸਦੀ ਪ੍ਰਾਪਤੀ ਹੁੰਦੀ ਹੈ। ਉਨ੍ਹਾਂ ਸੰਤ ਬਾਬਾ ਸੁਚਾ ਸਿੰਘ ਜੀ ਦੀ 21ਵੀ ਸਲਾਨਾਂ ਯਾਦ ‘ਚ 15 ਅਗਸਤ ਤੋਂ 27ਅਗਸਤ ਤੱਕ ਹੋਣ ਵਾਲੇ  ਬਰਸੀ ਸਮਾਗਮਾਂ ਵਿਚ ਪੁੱਜਣ ਲਈ ਸੰਗਤਾਂ ਨੂੰ ਪੁਰਜੋਰ ਬੇਨਤੀ ਕੀਤੀ।

ਮੁੱਲਾਂਪੁਰ ਦਾਖਾ 13 ਅਗਸਤ ( ਸਤਵਿੰਦਰ ਸਿੰਘ ਗਿੱਲ) - ਸ਼੍ਰੀ ਗੁਰੂ ਰਵਿਦਾਸ ਫੈਡਰੇਸ਼ਨ ਦੀ ਮੀਟਿੰਗ ਸਥਾਨਕ ਡਾ. ਬੀ.ਆਰ.ਅੰਬੇਡਕਰ ਭਵਨ ਵਿਖੇ ਪ੍ਰਧਾਨ ਗੁਰਮੁਖ ਸਿੰਘ ਬੁਢੇਲ, ਸੀਨੀਅਰ ਮੀਤ ਪ੍ਰਧਾਨ ਲਖਵਿੰਦਰ ਸਿੰਘ ਘਮਨੇਵਾਲ, ਮੀਤ ਪ੍ਰਧਾਨ ਪਰੇਮ ਸਿੰਘ ਅਤੇ ਸੂਬਾ ਸਕੱਤਰ ਮੇਵਾ ਸਿੰਘ ਸਲੇਮਪੁਰ ਦੀ ਅਗਵਾਈ ਹੇਠ ਹੋਈ। ਮੀਟਿੰਗ ਦੌਰਾਨ ਫੈਡਰੇਸ਼ਨ ਨਾਲ ਸਬੰਧਤ ਜਿਲ੍ਹਾ ਤੇ ਬਲਾਕ ਪੱਧਰੀ ਆਗੂਆਂ ਤੋਂ ਇਲਾਵਾ ਸ਼੍ਰੀ ਗੁਰੂ ਰਵਿਦਾਸ ਫੈਡਰੇਸ਼ਨ ਦੇ ਅਣਥੱਕ ਸੇਵਾਦਾਰ ਸ਼ਾਮਲ ਹੋਏ। ਵਿਸ਼ੇਸ ਤੌਰ ’ਤੇ ਮੀਟਿਗ ਵਿੱਚ ਮੇਵਾ ਸਿੰਘ ਕੁਲਾਰ ਨੇ ਸ਼ਿਰਕਤ ਕੀਤੀ। 
            ਮੀਟਿੰਗ ਦੌਰਾਨ ਸ਼੍ਰੀ ਗੁਰੂ ਰਵਿਦਾਸ ਫੈਡਰੇਸ਼ਨ ਆਗੂਆਂ ਨੇ ਅੱਗੇ ਨਾਲੋਂ ਹੋਰ ਬਿਹਤਰੀ ਲਈ ਫੈਡਰੇਸ਼ਨ ਨੂੰ ਚਲਾਉਮ ਲਈ ਆਪਣੇ ਸੁਝਾਅ ਰੱਖੇ। ਫੈਡਰੇਸ਼ਨ ਵੱਲੋਂ ਬੱਚਿਆਂ ਨੂੰ ਉਚੇਰੀ ਸਿੱਖਿਆ ਦੇ ਕੇ ਉਨ੍ਹਾਂ ਆਈ.ਪੀ.ਸੀ. ਕੇਡਰ ਜਾਂ ਹੋਰ ਵਿਭਾਗਾਂ ਲਈ ਕੌਰਸ ਕਰਵਾਉਣ ਲਈ ਜੋ ਜਮੀਨੀ ਪਿੰਡ ਭਨੋਹੜ ਵਿਖੇ ਖ੍ਰੀਦੀ ਜਮੀਨ ਸਬੰਧੀ ਅਹਿਮ ਵਿਚਾਰਾਂ ਹੋਈਆਂ। ਜਿਸਦਾ ਖੁਲਾਸਾ ਤੇ ਤਸਵੀਰ ਸਾਫ ਕਰਦਿਆ ਮੇਵਾ ਸਿੰਘ ਕੁਲਾਰ ਨੇ ਕਿਹਾ ਕਿ ਉਨ੍ਹਾਂ ਦਾ ਜੋ ਸੁਪਨਾ ਫੈਡਰੇਸ਼ਨ ਆਗੂਆ ਨਾਲ ਮਿਲਕੇ ਵਿਦਿਆਰਥੀਆਂ ਦੇ ਭਵਿੱਖ ਲਈ ਜੋ ਕੋਚਿੰਗ ਇੰਸਟੀਚਿਊਟ ਖੋਲ੍ਹਣ ਦਾ ਸੀ ਉਹ ਜਲਦੀ ਪੂਰਾ ਹੋ ਜਾਵੇਗਾ,ਪਰ ਉਨ੍ਹਾਂ ਅਜੇ 20-25 ਦਿਨ ਰੁਝੇਵਾ ਹੋਣ ਕਰਕੇ ਇਸ ਵੱਲ ਅਜੇ ਧਿਆਨ ਨਹੀਂ ਦੇਣਗੇ। ਉਨ੍ਹਾਂ ਫੈਡਰੇਸ਼ਨ ਨੂੰ ਵਿਸਵਾਸ਼ ਦੁਆਇਆ ਕਿ ਉਹ ਆਪਸ ਵਿੱਚ ਏਕੇ ਦਾ ਸਬੂਤ ਦੇਣ ਉਹ ਤਾਂ ਇਸ ਤੋਂ  ਵੱਧ ਹੋਰ ਕੁੱਝ ਕਰਨ ਦਾ ਸੰਕਲਪ ਕਰੀ ਬੈਠੇ ਹਨ। ਇਸ ਮੌਕੇ ਫੈਡਰੇਸ਼ਨ ਆਗੂਆਂ ਗੁਰਮੁਖ ਸਿੰਘ ਬੁਢੇਲ, ਸੀਨੀਅਰ ਮੀਤ ਪ੍ਰਧਾਨ ਲਖਵਿੰਦਰ ਸਿੰਘ ਘਮਨੇਵਾਲ, ਮੀਤ ਪ੍ਰਧਾਨ ਪਰੇਮ ਸਿੰਘ ਅਤੇ ਸੂਬਾ ਸਕੱਤਰ ਮੇਵਾ ਸਿੰਘ ਸਲੇਮਪੁਰ ਸਮੇਤ ਸਮੁੱਚੇ ਸੇਵਾਦਾਰਾਂ ਨੇ ਮੇਵਾਸ ਸਿੰਘ ਕੁਲਾਰ ਦੀ ਸਲਾਘਾ ਕਰਦਿਆ ਕਿਹਾ ਕਿ ਆਪਸੀ ਮੱਤਭੇਦ ਭੁਲਾ ਕੇ ਉਹ ਵੀ ਉਨ੍ਹਾਂ ਨਾਲ ਹਨ ਤੇ ਇਸ ਸੈਂਟਰ ਨੂੰ ਬਣਾਉਣ ਲਈ ਦਿਨ-ਰਾਤ ਜੀ-ਜਾਨ ਕਰ ਦੇਣਗੇ।
             ਇਸ ਮੌਕੇ ਬਿੱਕਰ ਸਿੰਘ ਨੱਤ, ਸਾਬਕਾ ਸਰਪੰਚ ਮਨਜੀਤ ਸਿੰਘ ਘਮਨੇਵਾਲ, ਮਾ. ਬਲਵੀਰ ਸਿੰਘ ਬਾਸੀਆ, ਸੁਖਦੇਵ ਸਿੰਘ ਹੈਪੀ, ਬਲਵੀਰ ਸਿੰਘ ਪੌਹੀੜ ਸਮੇਤ ਹੋਰਨਾਂ ਨੇ ਆਪਣੇ ਸੁਝਾਅ ਰੱਖੇ। ਹਾਜਰੀਨ ’ਚ ਸੁਰਜੀਤ ਸਿੰਘ ਲੁਧਿਆਣਾ, ਤਜਿੰਦਰ ਸਿੰਘ ਮਲਕਪੁਰ, ਮਨ ਸਰਪੰਚ ਅਲਬੇਲ Çੰਸੰਘ, ਮਨਜੀਤ ਸਿੰਘ ਹਸਨਪੁਰ, ਮਹਿੰਗਾ ਸਿੰਘ ਮੀਰਪੁਰ ਹਾਂਸ, ਸਾਬਕਾ ਸਰਪੰਚ ਚੂਹੜ ਸਿੰਘ, ਗੁਰਮੀਤ ਸਿੰਘ ਚੰਗਣ, ਜੀਤਾ ਚੰਗਣ,  ਜਸਵੀਰ ਕੌਰ ਸੇਖੂਪੁਰਾਂ, ਸਰਬਜੌਤ ਕੌਰ ਬਰਾੜ ਸਮੇਤ ਹੋਰ ਵੀ ਹਾਜਰ ਸਨ।