ਲੁਧਿਆਣਾ

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਕਾਂਗਰਸ ਪਾਰਟੀ ਲੋਕ ਸਭਾ ਚੋਣਾਂ 'ਚ ਭਾਰੀ ਬਹੁਮਤ ਨਾਲ ਜਿੱਤ ਪ੍ਰਾਪਤ ਕਰੇਗੀ ਅਤੇ ਕੇਂਦਰ 'ਚ ਰਾਹੁਲ ਗਾਂਧੀ ਦੀ ਅਗਵਾਈ ਹੇਠ ਸਰਕਾਰ ਬਣਾਏਗੀ।ਇਹਨਾਂ ਵਿਚਾਰਾਂ ਦਾ ਪ੍ਰਗਟਾਵਾ ਰਵਨੀਤ ਸਿੰਘ ਬਿੱਟੂ ਦੇ ਖਾਸ ਗੁਰਚਰਨ ਸਿੰਘ ਦੁਬਈ ਨੇ ਪੱਤਰਕਾਰਾਂ ਨਾਲ ਦੁਬਈ ਤੋ ਟੈਲੀਫੋਨ ਰਾਹੀ ਗੱਲਬਾਤ ਕਰਦੇ ਹੋਏ ਪ੍ਰਗਟ ਕੀਤੇ।ਉਨ੍ਹਾਂ ਕਿਹਾ ਕਿ ਮੁੱਖ ਮੰਤਰੀ ਕੈਂਪਟਨ ਅਮਰਿੰਦਰ ਸਿੰਘ ਨੇ ਲੋਕਾਂ ਨਾਲ ਕੀਤੇ ਚੋਣ ਵਾਅਦੇ ਪੂਰੇ ਕੀਤੇ ਹਨ ਅਤੇ ਪੰਜਾਬ ਦੇ ਲੋਕ ਜਾਣਦੇ ਹਨ ਕਿ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਹੀ ਲੋਕਾਂ ਦੇ ਮਸਲੇ ਹੱਲ ਕਰ ਸਕਦੇ ਹਨ।ਉਨ੍ਹਾਂ ਕਿਹਾ ਕਿ ਮੱੁਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੀ ਅਗਵਾਈ 'ਚ ਚੱਲ ਰਹੀ ਕਾਂਗਰਸ ਦੀ ਸਰਕਾਰ ਦੇ ਕੰਮਾਂ ਤੋ ਸੂਬੇ ਦੇ ਲੋਕ ਬੇਹੱਦ ਖੁਸ਼ ਹਨ ਜਿਸ ਕਰ ਕੇ ਸੂਬੇ ਅੰਦਰ ਕਾਂਗਰਸ ਪਾਰਟੀ ਦੀ ਸਾਰੀਆਂ ਸੀਟਾਂ ਤੇ ਇਤਿਹਾਸਕ ਜਿੱਤ ਹੋਵੇਗੀ।ਇਸ ਸਮੇ ਗੁਰਚਰਨ ਦੁਬਈ ਨੇ ਕਿਹਾ ਕਿ ਜੋ ਲੋਕ ਕਦੇ ਵੀ ਇਤਹਾਸ 'ਚ ਭੱੁਲਣ ਵਾਲੇ ਨਹੀ ਹਨ ਤੇ ਇਸ ਦਾ ਖਮਿਆਜ਼ਾ ਭਾਜਪਾ ਨੂੰ 19 ਮਈ ਨੂੰ ਹੋ ਰਹੀਆਂ ਲੋਕ ਸਭਾ ਚੋਣਾਂ 'ਚ ਭੁਗਤਣਾ ਪਵੇਗਾ।ਉਨ੍ਹਾ ਕਿਹਾ ਕਿ ਬਿੱਟੂ ਆਪਣੇ ਵਿਰੋਧੀਆਂ ਨਾਲੁ 2ਲੱਖ ਤੋ ਵੱਧ ਵੋਟਾਂ ਨਾਲ ਜਿੱਤਣਗੇ।

ਰੇਤ ਕਾਰੋਬਾਰੀਆਂ ਵੱਲੋਂ ਦਰਿਆ ਅੰਦਰ ਨਜਾਇਜ਼ ਬੰਨ ਬਣਾਏ ਜਾਣ ਕਾਰਨ ਹੋਇਆ ਫਸਲ ਦਾ ਨੁਕਸਾਨ - ਕਾਮਰੇਡ ਰਾਜੂ

ਸਿੱਧਵਾਂ ਬੇਟ, 26-ਅਪ੍ਰੈਲ (ਜਰਨੈਲ ਸਿੱਧੂ) ਦਰਿਆ ਸਤਲੁਜ ਵਿੱਚ ਛੱਡੇ ਪਾਣੀ ਕਾਰਨ ਨਾਲ ਲਗਦੇ ਪਿੰਡ ਗੋਰਸੀਆਂ ਖਾਨ ਮੁਹੰਮਦ ਦੇ ਕਿਸਾਨਾਂ ਦੀਆਂ ਜ਼ਮੀਨਾਂ ਵਿੱਚ ਕਣਕ ਦੀ ਪੱਕੀ ਖੜ੍ਹੀ ਫਸਲ ਪਾਣੀ ਵੜ ਗਿਆ । ਜਿਸ ਕਾਰਨ ਕਿਸਾਨਾ ਵਿੱਚ ਹਫੜਾ-ਦਫੜੀ ਫੈਲ ਗਈ। ਜਮੀਨ ਮਾਲਕਾਂ ਵੱਲੋਂ ਜਲਦੀ ਜਲਦੀ ਵਿੱਚ ਆਪਣੀ ਪੱਕੀਆਂ ਫਸਲ ਨੂੰ ਪਾਣੀ ਅੰਦਰ ਵੜ੍ਹ ਕੇ ਵੱਢਣੀਆ ਪੈ ਰਹੀਆ ਹਨ । ਇਸ ਸਬੰਧੀ ਵਧੇਰੇ ਜਾਣਕਾਰੀ ਦਿੰਦੇ ਹੋਏ ਕਾਮਰੇਡ ਬਲਰਾਜ ਸਿੰਘ ਕੋਟਉਮਰਾ ਨੇ ਦੱਸਿਆ ਕਿ ਸਤਲੁਜ ਦਰਿਆ ਅੰਦਰ ਮਾਈਨਿੰਗ ਦਾ ਕਾਰੋਬਾਰ ਕਰ ਰਹੇ ਠੇਕੇਦਾਰਾਂ ਵੱਲੋਂ ਦਰਿਆ ਦੇ ਵਗ ਰਹੇ ਪਾਣੇ ਦਾ ਵਹਾਅ ਬਦਲਣ ਲਈ ਬਣਾਏ ਨਜਾਇਜ਼ ਬੰਨ ਕਾਰਨ ਦਰਿਆ ਵਿੱਚ ਛੱਡਿਆ ਪਾਣੀ ਗਰੀਬ ਕਿਸਾਨਾਂ ਦੀ ਖੜੀ ਕਣਕ ਦੀ ਪੱਕੀ ਫਸਲ ਵਿੱਚ ਜਾ ਵੜ੍ਹਿਆ। ਉਨ੍ਹਾਂ ਰੇਤ ਦੇ ਕਾਰੋਬਾਰ ਨਾਲ ਜੁੜੇ ਲੋਕਾਂ ਤੇ ਦੋਸ਼ ਲਗਾਉਂਦਿਆਂ ਆਖਿਆ ਕਿ ਇਹਨਾਂ ਵੱਲੋਂ ਗੈਰ ਕਾਨੂੰਨੀ ਤਰੀਕੇ ਨਾਲ ਦਰਿਆ ਵਿੱਚ ਵਗ ਰਹੇ ਪਾਣੀ ਦੇ ਵਹਾਅ ਨੂੰ ਰੋਕਾਂ ਲਗਾ ਕੇ ਬਦਲ ਦਿੱਤਾ ਗਿਆ ਅਤੇ ਪਿੰਡ ਗੋਰਸੀਆਂ ਖਾਨ ਮੁਹੰਮਦ ਦੀ ਜ਼ਮੀਨ ਤੋਂ ਨਜਾਇਜ਼ ਤਰੀਕੇ ਨਾਲ ਮਾਈਨਿੰਗ ਕੀਤੀ ਗਈ। ਪਰ ਹੁਣ ਜਦੋਂ ਦਰਿਆ ਸਤਲੁਜ ਵਿੱਚ ਪਾਣੀ ਦਾ ਪੱਧਰ ਵਧਿਆ ਤਾਂ ਰੇਤ ਕਾਰੋਬਾਰੀਆਂ ਵੱਲੋਂ ਲਗਾਈਆਂ ਨਜਾਇਜ਼ ਰੋਕਾਂ ਕਾਰਨ ਦਰਿਆ ਦਾ ਪਾਣੀ ਨਾਲ ਲਗਦੀਆਂ ਜ਼ਮੀਨਾਂ ਵਿੱਚ ਜਾ ਵੜ੍ਹਿਆ ਜਿਸ ਕਾਰਨ ਕਣਕ ਦੀ ਪੱਕੀ ਖੜ੍ਹੀ ਫਸਲ ਦਾ ਨੁਕਸਾਨ ਹੋਣ ਦਾ ਖਦਸਾ ਪੈਦਾ ਹੋ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਸਤਨਾਮ ਸਿੰਘ ਪੁੱਤਰ ਸਜਵਾਰਾ ਸਿੰਘ ਦੇ 5 ਕਿੱਲੇ ਅਤੇ ਪਿਆਰੋ ਬਾਈ ਵਿਧਵਾ ਲਾਲ ਸਿੰਘ ਦਾ ਸਵਾ ਕਿੱਲਾ ਦਰਿਆ ਦੇ ਵਧੇ ਪਾਣੀ ਦੇ ਵਹਾਅ ਵਿੱਚ ਆ ਗਿਆ ਹੈ ਜੋ ਕਿ ਆਪਣੀ ਫਸਲ ਨੂੰ ਉਪਰ ਤੋਂ ਹੀ ਕੱਟਣ ਲਈ ਮਜ਼ਬੂਰ ਹਨ। ਉਨ੍ਹਾਂ ਇਸ ਮੌਕੇ ਰੇਤ ਕਾਰੋਬਾਰੀਆਂ ਨਾਲ ਜੁੜੇ ਲੋਕਾਂ ਖਿਲਾਫ ਗਰੀਬ ਲੋਕਾਂ ਦੀਆਂ ਫਸਲਾਂ ਦਾ ਨੁਕਸਾਨ ਕਰਨ ਤੇ ਕਾਨੂੰਨੀ ਕਾਰਵਾਈ ਕਰਨ ਦੀ ਮੰਗ ਕੀਤੀ।

ਮਾਮਲਾ ਕੌਮੀ ਅਨੁਸੂਚਿਤ ਜਾਤੀਆਂ ਕਮਿਸ਼ਨ ਦੇ ਹੁਕਮਾਂ ਅਨੁਸਾਰ ਥਾਣਾਮੁਖੀ ਤੇ ਕਾਰਵਾਈ ਨਾਂ ਕਰਨ ਦਾ

ਜਗਰਾਉ 26 ਅਪ੍ਰੈਲ਼ (ਮਨਜਿੰਦਰ ਗਿੱਲ) ਥਾਣਾਮੁਖੀ ਗੁਰਿੰਦਰ ਸਿੰਘ ਬੱਲ ਖਿਲਾਫ ਕਰਵਾਈ ਨਾਂ ਹੋਣ ਤੋਂ ਖਫਾ ਸੰਘਰਸ਼ਸੀਲ ਜੱਥੇਬੰਦੀਆਂ ਕਿਰਤੀ ਕਿਸਾਨ ਯੂਨੀਅਨ, ਪੇਂਡੂ ਮਜ਼ਦੂਰ ਯੂਨੀਅਨ ਅਤੇ ਹੋਰ ਹਮਖਿਆਲੀ ਜੱਥੇਬੰਦੀਆਂ ਦੇ ਆਗੂਆਂ ਵਲੋ ਅੱਜ ਕਮੇਟੀ ਪਾਰਕ ਵਿਚ ਇਕ ਹੰਗਾਮੀ ਮੀਟਿੰਗ ;ਚ ਲਏ ਫੈਸਲੇ ਅਨੁਸਾਰ 10 ਮਈ ਨੂੰ ਜਿਲਾ ਪੁਲਿਸ ਮੁਖੀ ਦੇ ਦਫਤਰ ਅੱਗੇ ਧਰਨਾ ਦੇਣ ਦਾ ਐਲਾਨ ਕੀਤਾ ਹੈ। ਪ੍ਰੈਸ ਨਾਲ ਗੱਲ਼ ਕਰਦਿਆਂ ਕਿਰਤੀ ਕਿਸਾਨ ਯੂਨੀਅਨ ਦੇ ਜਿਲ੍ਹਾ ਪ੍ਰਧਾਨ ਤਰਲੋਚਨ ਸਿੰਘ ਝੋਰੜਾਂ, ਪਂੇਡੂ ਮਜ਼ਦੂਰ ਯੂਨੀਅਨ ਦੇ ਜਿਲ੍ਹਾ ਪ੍ਰਧਾਨ ਅਵਤਾਰ ਸਿੰਘ ਤਾਰੀ, ਜਿਲ੍ਹਾ ਸਕੱਤਰ ਸੁਖਦੇਵ ਸਿੰਘ ਮਾਣੰੂਕੇ, ਮਨੁੱਖੀ ਅਧਿਕਾਰ ਸੰਗਠਨ ਦੇ ਮੀਤ ਪ੍ਰਧਾਨ ਜਗਦੀਸ਼ ਸਿੰਘ ਖਾਲਸਾ, ਬੇਜ਼ਮੀਨੇ ਕਿਸਾਨ-ਮਜ਼ਦੂਰ ਕਰਜ਼ਾ ਮੁਕਤੀ ਮੋਰਚਾ ਦੇ ਪ੍ਰਧਾਨ ਸੱਤਪਾਲ ਸਿੰਘ ਦੇਹੜਕਾ, ਜ਼ਬਰ-ਜ਼ੁਲਮ ਵਿਰੋਧੀ ਫਰੰਟ ਦੇ ਜਿਲਾ੍ਹ ਪ੍ਰਧਾਨ ਕੁਲਦੀਪ ਸਿੰਘ ਚੌਹਾਨ ਨੇ ਦੋਸ਼ ਲਗਾਇਆ ਕਿ ਪੁਲਿਸ ਅਧਿਕਾਰੀ ਜਾਣ ਬੱੁਝ ਕੇ ਨਾਂ ਤਾਂ ਕਮਿਸ਼ਨ ਦੇ ਹੁਕਮਾਂ ਤਹਿਤ ਕੋਈ ਕਾਰਵਾਈ ਕਰ ਰਹੇ ਅਤੇ ਨਾਂ ਡੀਜੀਪੀ ਪੰਜਾਬ ਦੇ ਤਾਜ਼ਾ ਹੁਕਮਾਂ ਅਨੁਸਾਰ ਦੋਸ਼ੀ ਥਾਣਾਮੁਖੀ ਖਿਲਾਫ ਕੋਈ ਕਾਰਵਾਈ ਕਰ ਰਹੇ ਹਨ। ਉਹਨਾਂ ਕਿਹਾ ਕਿ ਜੱਥੇਬੰਦੀਆ ਦਾ ਵਫਦ ਕਈ ਵਾਰ ਜਿਲ੍ਹਾ ਮੁਖੀ ਵਰਿੰਦਰ ਸਿੰਘ ਬਰਾੜ ਨੂੰ ਮਿਲ ਚੱੁਕਿਆ ਹੈ ਹੁਣ ਸੰਘਰਸ਼ ਤੋਂ ਬਿਨਾਂ ਕੋਈ ਹੋਰ ਚਾਰਾ ਨਹੀਂ। ਜ਼ਿਕਰਯੋਗ ਹੈ ਕਿ ਮਨੁੱਖੀ ਅਧਿਕਾਰ ਕਾਰਕੁੰਨ ਇਕਬਾਲ ਸਿੰਘ ਰਸੂਲਪੁਰ ਦੇ ਪਰਿਵਾਰ ‘ਤੇ ਅੱਤਿਆਚਾਰ ਕਰਨ ਵਾਲੇ ਰਹਿ ਚੁੱਕੇ ਥਾਣਾਮੁਖੀ ਗੁਰਿੰਦਰ ਸਿੰਘ ਬੱਲ਼ ਖਿਲਾਫ ਕੇਸ ਦਰਜ ਕਰਨ ਅਤੇ ਪੀੜਤਾਂ ਨੂੰ ਮੁਆਵਜ਼ਾ ਦੇਣ ਲਈ ਜਿਥੇ ਕੌਮੀ ਅਨਸੂਚਿਤ ਜਾਤੀਆਂ ਕਮਿਸ਼ਨ ਲਿਖ ਚੁੱਕਾ ਹੈ, ਉਥੇ ਭਾਰਤੀ ਰੱਖਿਆ ਮੰਤਰਾਲਾ, ਪੰਜਾਬ ਰਾਜ ਅਨਸੂਚਿਤ ਜਾਤੀਆਂ ਕਮਿਸ਼ਨ, ਪੰਜਾਬ ਮਹਿਲਾ ਕਮਿਸ਼ਨ ਅਤੇ ਡੀਜੀਪੀ ਪੰਜਾਬ ਵੀ ਵੱਖਰੇ-ਵੱਖਰੇ ਆਦੇਸ਼ ਜਾਰੀ ਕਰ ਚੁੱਕਾ ਹੈ ਪਰ ਜਗਰਾਓ ਪੁਲਿਸ ਵਲੋ ਜਾਣਬੁੱਝ ਕੇ ਕੋਈ ਕਾਰਵਾਈ ਨਹੀਂ ਕੀਤੀ ਜਾ ਰਹੀ ਜਿਸ ਤੋਂ ਸਮੂਹ ਜੱਥੇਬੰਦੀਆਂ ਦੇ ਆਗੂ ਖਫਾ ਹਨ।
 

ਲੁਧਿਆਣਾ- ਅਪ੍ਰੈਲ  ( ਇਕਬਾਲ ਸਿੰਘ ਦੇਹਰਕਾਂ )—ਲੁਧਿਆਣਾ ਲੋਕ ਸਭਾ ਹਲਕੇ   ਤੋਂ  ਕਾਂਗਰਸ  ਦੇ ਉਮੀਦਵਾਰ  ਰਵਨੀਤ ਸਿੰਘ  ਬਿੱਟੂ ਨੇ ਕਿਹਾ ਕਿ ਮੋਦੀ ਸਰਕਾਰ ਨੇ ਨੋਟ  ਬੰਦੀ  ਅਤੇ  ਜੀ ਅੈਸ ਟੀ ਵਰਗੇ ਤੁਗਲਕੀ ਫੈਸਲੇ ਕਰਕੇ ਦੇਸ਼ ਦੇ ਵਪਾਰ ਅਤੇ  ਆਰਥਿਕਤਾ  ਨੂੰ  ਪੂਰੀ ਤਰ੍ਹਾਂ ਤਹਿਸ਼ ਨਹਿਸ਼ ਕਰ ਦਿਤਾ ਹੈ ਅਤੇ  ਆਉਂਦੀਆਂ  ਲੋਕ ਸਭਾ ਚੋਣਾਂ  ਵਿਚ ਇਨ੍ਹਾਂ  ਫੈਸਇਆਂ ਖਿਲਾਫ ਲੋਕ ਆਪਣਾ ਫਤਵਾ ਦੇਣ ਲਈ  ਤਿਆਰ  ਬੈਠੇ  ਹਨ। ਹਲਕਾ ਲੁਧਿਆਣਾ  ਕੇਂਦਰੀ  ਦੇ ਵਾਰਡ ਨੰ. 58 ਦੇ ਕੌਂਸਲਰ  ਰਾਜੇਸ਼ ਜੈਨ ਦੀ ਰਿਹਾਇਸ਼ ਤੇ ਭਾਜਪਾ ਨੂੰ ਛੱਡ ਕਾਂਗਰਸ ‘ਚ ਸ਼ਾਮਿਲ ਹੋਏ  ਹਰਪ੍ਰੀਤ ਬਾਤੂ ਅਤੇ ਸਤਨਾਮ ਸਿੰਘ ਸੱਤੀ ਦਾ ਪਾਰਟੀ ਵਿੱਚ ਆਉਣ 'ਤੇ ਨਿੱਘਾ ਸਵਾਗਤ ਕੀਤਾ। ਇਸ ਮੌਕੇ ਵਿਧਾਇਕ ਸ਼੍ਰੀ ਸੁਰਿੰਦਰ ਡਾਵਰ  ਸੰਜੇ ਤਲਵਾਰ , ਰਾਕੇਸ਼ ਪਾਂਡੇ, ਜ਼ਿਲ੍ਹਾ ਪ੍ਰਧਾਨ  ਅਸ਼ਵਨੀ ਸ਼ਰਮਾਂ ਅਤੇ ਬਿੱਟੂ ਨਵਕਰ ਮੌਜੂਦ ਸਨ। ਇਸ ਸਮੇਂ  ਆਯੋਜ਼ਤ ਇਕ ਚੋਣ ਸਭਾ ਨੂੰ  ਸੰਬੋਧਨ ਕਰਦੇ ਸ. ਬਿੱਟੂ ਨੇ ਕਿਹਾ ਕਿ ਭਾਜਪਾ-ਅਕਾਲੀ ਦਲ  ਨੇ  ਇਨਾਂ  ਚੋਣਾਂ ਵਿਚ  ਕਾਲਾ ਧਨ, ਬੇਰੁਜ਼ਗਾਰੀ, ਤੇਜੀ ਨਾਲ ਵੱਧ ਰਹੀ ਮਹਿੰਗਾਈ ਅਤੇ  ਹੋਰ ਸਾਰੇ  ਜਨਤਕ  ਮੁਦਿਆਂ ਤੋਂ  ਪੂਰੀ ਤਰ੍ਹਾਂ  ਕਿਨਾਰਾ ਕਰਕੇ ਲੋਕਾਂ  ਨੂੰ  ਗੁੰਮਰਾਹ ਕਰਨ ਲਈ  ਭਾਰਤੀ  ਫੌਜ ਦੀ ਬਹਾਦਰੀ  ਦੀ ਗਲਤ  ਵਰਤੋਂ ਕਰਕੇ  ਵੋਟਾਂ ਬਟੋਰਨ ਲਈ ਰਾਸ਼ਟਰਵਾਦ, ਧਰਮ ਅਤੇ ਜਾਤੀਵਾਦ  ਦਾ ਸਹਾਰਾ ਲਿਆ  ਹੈ ਜੋ ਦੇਸ਼ ਅੰਦਰ  ਆਪਸੀ ਭਾਈਚਾਰੇ  ਅਤੇ  ਸ਼ਾਂਤੀ ਲਈ  ਵੱਡਾ ਖਤਰਾ  ਸਾਬਿਤ ਹੋ ਸਕਦੈ। ਕਾਂਗਰਸ  ਪਾਰਟੀ  ਵਲੋ ਚੋਣ ਮੈਨੀਫੈਸਟੋ  ਵਿਚ 25 ਕਰੋਡ਼  ਗਰੀਬ  ਪਰਵਾਰਾਂ ਦੀ ਘੱਟੋ ਘੱਟ  ਸਾਲਾਨਾ ਆਮਦਨ  72000 ਹਜਾਰ  ਰੁਪਏ   ਗਰੰਟੀ ਸਕੀਮ ਇਕ ਵੱਡਾ ਇਨਕਲਾਬੀ  ਜਦਮ ਸਾਬਿਤ ਹੋਵੇਗੀ । ਉਨ੍ਹਾਂ  ਕਿਹਾ  ਕਿ ਮੋਦੀ ਸਰਕਾਰ ਨੇ ਵੱਡੇ  ਘਰਾਣਿਆਂ  ਦੇ ਸਾਢੇ ਤਿੰਨ ਲੱਖ ਕਰੋਡ਼  ਦੇ  ਮਾੜੇ ਕਰਜੇ ਤਾਂ  ਸਰਕਾਰੀ ਖਜ਼ਾਨੇ  ਚੋਂ  ਮੁਆਫ ਕਰ ਦਿਤੇ ਨੇ ਪਰ ਗਰੀਬ ਜਨਤਾ  ਦੀ ਦਸ਼ਾ ਸੁਧਾਰਨ ਵਲ ਕੋਈ  ਧਿਆਨ ਨਹੀਂ  ਦਿਤਾ ।  ਉਨ੍ਹਾਂ  ਕਿਹਾ ਕਿ ਸ਼ਹਿਰ ਅੰਦਰ ਬੈਂਸ ਭਰਾਵਾਂ  ਨੂੰ  ਦੋ ਵਾਰ ਜਿਤਾ ਕੇ ਵੱਡੀ ਗਲਤੀ  ਹੋਈ ਹੈ ਕਿਉਂਕਿ  ਇਨ੍ਹਾਂ  ਦੇ ਝਗੜਾਲੂ ਰਵੱਈਏ  ਕਾਰਨ ਇਨ੍ਹਾਂ  ਦੇ ਹਲਕਿਆਂ  ਦੀ ਹਾਲਤ ਨਰਕ ਦੇ ਸਾਮਾਨ ਹੋ ਗਈ ਹੈ ਅਤੇ  ਅਕਾਲੀ ਸਰਕਾਰ ਵੀ ਮਾਫੀਆਂ ਰਾਹੀਂ ਲੁੱਟਣ ਤੋਂ  ਸਿਵਾਏ ਜਨਤਾ  ਦੀਆਂ  ਮੁਸ਼ਕਲਾਂ ਹਲ ਕਰਨ ਵਿਚ ਪੂਰੀ  ਤਰ੍ਹਾਂ  ਨਾਕਾਮ ਰਹੀ ਸੀ। ਉਨਾ ਕਿਹਾ ਕਿ ਹੁਣ ਕਾਂਗਰਸ  ਦੀ ਸਰਕਾਰ  ਨੇ ਆਰਥਿਕ ਸਥਿਤੀ ਵਿਚ  ਸੁਧਾਰ ਕਰਕੇ ਸ਼ਹਿਰਾਂ ਦੇ ਵਿਕਾਸ ਨੂੰ  ਤੇਜ ਕਰਨ ਦਾ ਇਕ ਸ਼ਾਨਦਾਰ ਰੋਡਮੈਪ ਤਿਆਰ ਕੀਤਾ  ਹੈ ਜਿਸ ਨਾਲ ਲੁਧਿਆਣਾ  ਦੀ ਨੁਹਾਰ ਪੂਰੀ ਤਰ੍ਹਾਂ  ਬਦਲੀ ਜਾਵੇਗੀ । ਉਨ੍ਹਾਂ  ਕਿਹਾ ਪਿਛਲੇ  ਪੰਜ ਸਾਲਾਂ  ਦੌਰਾਨ ਲੋਕ ਸਭਾ ਵਿਚ ਉਨ੍ਹਾਂ  ਨੇ ਪੰਜਾਬ ਦੇ ਸਾਰੇ ਮੈਂਬਰਾਂ  ਨਾਲੋਂ  ਵੱਧ 484 ਜਨਤਕ ਮੁੱਦੇ ਉਠਾਏ ਹਨ ਅਤੇ  ਉਹ ਹਮੇਸ਼ਾਂ ਸ਼ਹਿਰ ਵਾਸੀਆਂ ਦੀਆਂ  ਮੁਸ਼ਕਲਾਂ ਹੱਲ ਕਰਾਉਣ ਲਈ  ਹਾਜਿਰ ਰਹੇ ਹਨ। ਉਨਾਂ  ਵੋਟਰਾਂ ਨੂੰ  ਅਪੀਲ  ਕੀਤੀ  ਕਿ ਉਨਾਂ  ਦੀ ਕਾਰਗੁਜਾਰੀ ਨੂੰ  ਮੁੱਖ  ਰੱਖਦੇ ਇਕ ਮੌਕਾ ਹੋਰ ਦੇਣ ਤਾਂ  ਕਿ ਸ਼ਹਿਰ ਦੇ ਵਿਕਾਸ ਅਧੂਰੇ ਪਏ ਕੰਮ ਮੁਕੰਮਲ ਕਰਾਏ ਜਾ ਸਕਣ। ਹਲਕਾ ਵਧਾਇਕ ਸੁਰਿੰਦਰ ਡਾਵਰ ਨੇ ਕਿਹਾ ਕਿ ਸ. ਬਿੱਟੂ ਨੇ ਸ਼ਹਿਰ ਦੇ ਵਿਕਾਸ ਲਈ ਹਮੇਸ਼ਾਂ ਕੇਂਦਰ ਅਤੇ  ਪੰਜਾਬ ਸਰਕਾਰ ਤੋਂ  ਵੱਧ ਤੋਂ  ਵੱਧ ਫੰਡ ਜਾਰੀ ਕਰਾਉਣ ਲਈ  ਉਪਰਾਲੇ ਕੀਤੇ  ਹਨ ਉਨ੍ਹਾਂ ਦਾਅਵਾ ਕੀਤੇ  ਕਿ ਇਨ੍ਹਾਂ  ਚੋਣਾਂ  ਵਿਚ ਵੀ ਸ. ਬਿੱਟੂ ਨੂੰ  ਜਨਤਾ ਵੱਡੇ ਫਰਕ ਨਾਲ ਜਿਤਾਏਗੀ। ਸਮਾਗਮ ਨੂੰ  ਹੋਰਨਾਂ  ਤੋਂ  ਇਲਾਵਾ ਕੌਂਸਲਰ ਅਨਿਲ ਮਲਹੋਤਰਾ  ਵੀ ਹਾਜਿਰ ਸਨ। ਬਾਅਦ ਵਿਚ ਸ. ਬਿੱਟੂ ਅਤੇ  ਦੂਜੇ ਨੇਤਾਵਾਂ  ਨੇ ਵਾਰਡ ਨੰ. 51 ਵਿਚ  ਇਕ ਭਰਵੀਂ ਚੋਣ ਸਭਾ ਨੂੰ  ਸੰਬੋਧਨ ਕਰਦੇ ਵੋਟਰਾਂ ਨੂੰ ਦੇਸ਼ ਅਤੇ ਸੂਬੇ  ਦੇ ਤੇਜ ਵਿਕਾਸ ਨੂੰ  ਯਕੀਨੀ ਬਣਾਉਣ ਲਈ ਕਾਂਗਰਸ  ਉਮੀਦਵਾਰ  ਬਿਟੂ ਨੂੰ  ਭਾਰੀ ਫਰਕ ਨਾਲ ਜਿਤਾਉਣ ਦੀ ਅਪੀਲ ਕੀਤੀ