ਲੁਧਿਆਣਾ

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਪੰਜਾਬ ਜਮਹੂਰੀ ਗਠਜੋੜ(ਪੀ.ਡੀ.ਏ)ਦੇ ਲੋਕ ਸਭਾ ਹਲਕਾ ਲੁਧਿਆਣਾ ਤੋਂ ਸਾਂਝੇ ਉਮੀਦਵਾਰ ਤੇ ਵਿਧਾਇਕ ਸਿਮਰਜੀਤ ਸਿੰਘ ਬੈਸ਼ 22 ਅਪ੍ਰੈਲ ਦਿਨ ਸੋਮਵਾਰ ਨੂੰ ਹਲਕਾ ਜਗਰਾਉਂ ਦੇ ਵੱਖ-ਵੱਖ ਪਿੰਡਾਂ ਦੇ ਲੋਕਾਂ ਨਾਲ ਮੀਟਿੰਗਾਂ ਕਰਕੇ ਆਪਣੀ ਪਾਰਟੀ ਦੀਆਂ ਨੀਤੀਆਂ ਤੋਂ ਜਾਣੂੰ ਕਰਵਾਉਣਗੇ। ਵਿਧਾਇਕ ਬੈਸ਼ 22 ਅਪ੍ਰੈਲ ਨੂੰ ਸਭ ਤੋ ਪਹਿਲਾ ਪਿੰਡ ਮਲਕ ਤੋ ਆਪਣਾ ਚੋਣ ਪ੍ਰਚਾਰ ਸ਼ੁਰੂ ਕਰਕੇ ਪਿੰਡ ਚੀਮਨਾ,ਗਾਲਿਬ ਖੁਰਦ,ਗਾਲਿਬ ਰਣ ਸਿੰਘ,ਫਤਿਹਗੜ੍ਹ ਸਿਿਵਆਂ,ਸ਼ੇਖਦੌਲਤ ,ਸੋਢੀਵਾਲ,ਜਨੇਤਪੁਰਾ,ਮਲਸੀਆਂ ਬਾਜਣ,ਗਿੱਦੜਵਿੰਦੀ,ਤਿਹਾੜਾ,ਸ਼ੇਰਪੁਰ ਕਲਾਂ ਅਤੇ ਆਖਰੀ ਪਿੰਡ ਅਮਰਗੜ੍ਹ ਕਲੇਰ ਵਿਖੇ ਸਮਾਪਤੀ ਕਰਨਗੇ। ਲੋਕ ਇਨਸਾਫ ਪਾਰਟੀ,ਪੰਜਾਬੀ,ਏਕਤਾ ਪਾਰਟੀ(ਪੀ.ਡੀ.ਏ) ਤੇ ਹੋਰਨਾ ਹਮ ਖਿਆਲੀ ਪਾਰਟੀਆਂ ਦੇ ਸਾਂਝੇ ਉਮੀਦਵਾਰ ਵਿਧਾਇਕ ਬੈਸ਼ ਦੀ ਚੋਣ ਮੁਹਿੰਮ ਨੂੰ ਲੁਧਿਆਣਾ ਦੇ ਲੋਕ ਭਰਵਾਂ ਹੁੰਗਰਾ ਦੇ ਰਹੇ ਹਨ ਅਤੇ ਨੁੱਕੜ ਮੀਟਿੰਗਾਂ,ਚੋਣ ਰੈਲੀਆਂ ਦੇ ਭਰਵੇ ਇੱਕਠਾਂ ਨੇ ਚੋਣਾਂ ਤੋ ਪਹਿਲਾ ਹੀ ਸਾਬਿਤ ਕਰ ਦਿੱਤਾ ਹੈ ਕਿ ਵਿਧਾਇਕ ਬੈਸ਼ ਵਡੀ ਲੀਡ ਨਾਲ ਜਿੱਤ ਪ੍ਰਾਪਤ ਕਰਨਗੇ। ਜਿੱਥੇ ਪੰਜਾਬ ਅੰਦਰ ਲੋਕ ਪਿਛਲੀ ਕਾਲੀ-ਭਾਜਪਾ ਸਰਕਾਰ ਤੋ ਬਾਅਦ ਮੌਜੂਦਾ ਕਾਂਗਰਸ ਸਰਕਾਰ ਦੇ ਰਾਜ ਤੋ ਵੀ ਅੱਕ ਚੁੱਕੇ ਹਨ,ਉਥੇ ਕੇਂਦਰ 'ਚ ਮੋਦੀ ਸਰਕਾਰ ਨੇ ਨੇਕਾਂ ਲੋਕ ਮਾਰੂ ਨੀਤੀਆਂ ਕਾਰਨ ਜਨਤਾ ਦਾ ਜਿਉਣਾ ਦੁਭਰ ਕਰ ਦਿੱਤਾ ਹੈ।ਉਨ੍ਹਾਂ ਕਿਹਾ ਕਿ ਰਵਾਇਤੀ ਪਾਰਟੀਆਂ ਵਲੋਂ ਸਿਰਫ ਗੱਲਾਂ,ਵਾਅਦਿਆਂ ਤੇ ਲਾਰਿਆਂ ਨਾਲ ਰਾਜ ਕਰਨ ਨਾਲ ਜਿਆਦਾ ਸਮਾਂ ਲੋਕਾਂ ਦੇ ਜਾਇਜ ਕੰਮਾਂ ਨੂੰ ਨਿਰਸਵਾਰਥ ਭਾਵਨਾ ਨਾਲ ਕਾਨੂੰਨ ਦੇ ਦਾਇਰੇ ਵਿੱਚ ਰਹਿਕੇ ਆਪਣੀ ਹਿੱਕ ਦੇ ਜੌਰ ਕਰਵਾਉਣ ਤੇ ਪੰਜਾਬ ਨੂੰ ਭ੍ਰਿਸ਼ਟਾਚਾਰ ਤੇ ਨਸ਼ਾ ਮੁਕਤ ਕਰਨਾ ਹੀ ਪੀ.ਡੀ.ਏ ਦਾ ਮੁੱਖ ਮਕਸਦ ਹੈ।ਇਸ ਸਮੇਂ ਉਨ੍ਹਾਂ ਨੇ ਜਗਰਾਉਂ ਪ੍ਰਧਾਨ ਹਰਦੀਪ ਸਿੰਘ ਦੀਪਾ,ਮੀਤ ਪ੍ਰਧਾਨ ਦਵਿੰਦਰ ਸਿੰਘ ਗਾਲਿਬ ,ਅਵਤਾਰ ਸਿੰਘ ਕਨੇਡਾ,ਹਰਮਿੰਦਰ ਸਿੰਘ ਗਿੱਲ,ਲੱਖਾ ਗਾਲਿਬ,ਰਮਨਦੀਪ ਸਿੰਘ ਰਮਨਾ ਆਦਿ ਹਾਜ਼ਰ ਸਨ।

ਜਗਰਾਂਓ ਹਲਕੇ ਦੇ ਵੱਡੀ ਗਿਣਤੀ ਚ ਨਾਮੀ ਆਗੂ ਕਾਂਗਰਸ ਚ ਹੋਏ ਸ਼ਾਮਿਲ 

ਜਗਰਾਉਂ,  ਅਪ੍ਰੈਲ  ( ਮਨਜਿੰਦਰ ਗਿੱਲ)—ਰਵਨੀਤ ਬਿੱਟੂ ਦੇ ਹੱਕ ਵਿੱਚ, ਮਲਕੀਤ ਸਿੰਘ ਦਾਖਾ ਦੀ ਅਗਵਾਈ ਚ ਰੱਖੇ ਜਗਰਾਂਓ ਹਲਕੇ ਦੇ ਚੋਣ ਪ੍ਰਚਾਰ ਦੌਰਾਨ ਬਿੱਟੂ ਵੱਲੋਂ ਅਨੇਕਾਂ ਪਿੰਡਾਂ ਦੇ ਕਾਂਗਰਸ ਪਾਰਟੀ ਦਾ ਪ੍ਰਚਾਰ ਵੋਟਾਂ ਪੰਜੇ ਤੇ ਲਾਉਣ ਦੀ ਅਪੀਲ ਕੀਤੀ। ਮਲਕੀਤ ਸਿੰਘ ਦਾਖਾ ਅਤੇ ਅਮਰੀਕ ਸਿੰਘ ਆਲੀਵਾਲ ਦੀ ਅਗਵਾਈ ਚ ਜਗਰਾਂਓ ਮਨਜੀਤ ਸਿੰਘ ਢਿੱਲੋਂ ਦੇ ਗ੍ਰਹਿ ਵਿਖੇ ਰੱਖੇ ਸਮਾਗਮ ਦੌਰਾਨ ਜਿੱਥੇ ਇਲਾਕੇ ਦੇ ਅਨੇਕਾਂ ਨਾਮੀ ਆਗੂਆਂ ਨੇ ਕਾਂਗਰਸ ਵਿੱਚ ਸ਼ਮੂਲੀਅਤ ਕਰਕੇ ਰਵਨੀਤ ਬਿੱਟੂ ਦੇ ਹੱਥ ਮਜਬੂਤ ਕੀਤੇ, ਉੱਥੇ ਹੀ ਬੀਬੀਆਂ ਵੱਲੋਂ ਵੀ ਬਿੱਟੂ ਨੂੰ ਜਿੱਤ ਦਾ ਆਸ਼ੀਰਵਾਦ ਦਿੱਤਾ ਗਿਆ। ਇਸ ਮੋਕੇ ਬੱਦੋਵਾਲਾ, ਰਾਮਗੜ੍ਹ, ਲੀਲਾਂ ਮੇਘ ਸਿੰਘ ਵਾਲਾ, ਰਸੂਲਪੁਰ ਜੰਡੀ, ਸੰਗਤਪੁਰਾ, ਬਰਸਾਲ, ਬਜੁਰਗ, ਚੀਮਾ, ਮਲਕ, ਪੋਂਨਾ, ਅਲੀਗੜ੍ਹ, ਸਿਧਵਾਂ ਕਲਾਂ ਅਤੇ ਸਿਧਵਾਂ ਖੁਰਦ ਆਦਿ ਪਿੰਡਾਂ ਦੇ ਵੱਡੀ ਗਿਣਤੀ ਵਿੱਚ ਇਕੱਠੇ ਹੋਏ ਵੋਟਰਾਂ ਨੂੰ ਆਪਣੇ ਸੰਬੋਧਨ ਸਮੇਂ ਬਿੱਟੂ ਨੇ ਰਾਹੁਲ ਗਾਂਧੀ ਦੀ ਵਿਚਾਰਧਾਰਾ, ਨੀਤੀਆਂ ਅਤੇ ਆਪਣੀਆਂ ਉਪਲੱਬਧੀਆਂ ਬਾਰੇ ਜਾਣੂ ਕਰਵਾਇਆ।  ਇਸ ਮੌਕੇ ਉਨਾਂ ਕਿਹਾ ਕਿ ਬਾਦਲਾਂ ਨੇ ਪੰਜਾਬ ਦੀ ਜਵਾਨੀ ਦਾ ਘਾਣ ਕਰ ਦਿੱਤਾ।  ਬਿੱਟੂ ਨੇ ਕਿਹਾ ਕਿ ਜਿਹੜੇ ਬਾਦਲ ਗੁਰੂ ਵਾਲੇ ਨਹੀਂ ਬਣੇ, ਉਨਾਂ ਲੋਕਾਂ ਦੇ ਕੀ ਬਣਨਾ। ਉਨਾਂ ਬੈਂਸ ਭਰਾਂਵਾਂ ਤੇ ਸ਼ਬਦੀ ਵਾਰ ਕਰਦਿਆਂ ਕਿਹਾ ਕਿ ਹਲਕਾ ਆਤਮ ਨਗਰ ਅਤੇ ਦੱਖਣੀ ਦਾ ਹਾਲ ਨਰਕ ਤੋਂ ਬੁਰਾ ਹੈ ਕਿਉਂਕਿ ਉਨਾਂ ਫੋਕੀ ਸ਼ੋਹਰਤ ਬਟੋਰਣ ਤੋਂ ਇਲਾਵਾ ਇਲਾਕੇ ਦੇ ਵਿਕਾਸ ਲਈ ਕੁੱਝ ਨਹੀਂ ਕੀਤਾ। ਬੈਂਸਾਂ ਦੀ ਅਸਲੀਅਤ ਤੋਂ ਵਾਕਿਫ ਹੋ, ਉਨਾਂ ਦੇ ਆਪਣੇ ਸਾਥੀ ਹੀ ਸਾਥ ਛੱਡ ਕਾਂਗਰਸ ਵਿੱਚ ਸ਼ਾਮਿਲ ਹੋ ਰਹੇ ਹਨ। ਉਨਾਂ ਕਿਹਾ ਕਿ ਪ੍ਰਤੀਦਿਨ ਵਰਤੋਂ ਵਿੱਚ ਆਉਣ ਵਾਲੇ ਪੈਟਰੋਲ, ਡੀਜਲ ਅਤੇ ਗੈਸ ਦੇ ਰੇਟਾਂ ਵਿੱਚ ਮੋਦੀ ਸਰਕਾਰ ਵੱਲੋਂ ਆਏ ਦਿਨ ਕੀਤੇ ਗਏ ਵਾਧਿਆਂ ਕਾਰਨ ਦੇਸ਼ ਵਾਸੀ ਜਿੱਥੇ ਪਹਿਲਾਂ ਹੀ ਪ੍ਰੇਸ਼ਾਨੀਆ ਵਿੱਚ ਘਿਰੇ ਹੋਏ ਸਨ, ਉੱਥੇ ਮੋਦੀ ਵੱਲੋਂ ਕੀਤੀ ਨੋਟਬੰਦੀ ਨੇ ਲੋਕਾਂ ਦੀਆਂ ਮੁਸ਼ਕਿਲਾਂ ਨੂੰ ਹੋਰ ਵਧਾ ਦਿੱਤਾ। ਬਿੱਟੂ ਨੇ ਕਿਹਾ ਕਿ ਆਪਣੇ ਪੈਸੇ ਲੈਣ ਲਈ ਆਮ ਲੋਕਾਂ ਨੂੰ ਲਾਈਨਾ ਵਿੱਚ ਤਾਂ ਲੱਗਣਾ ਹੀ ਪਿਆ ਬਲਕਿ ਕਈ ਬਹੁਤ ਸਾਰੀਆਂ ਬੇਕਸੂਰ ਜਾਨਾਂ ਵੀ ਜਾਣ ਨਾਲ ਪਰਿਵਾਰਾਂ ਨੂੰ ਨਾ ਪੂਰਾ ਹੋਣ ਵਾਲਾ ਘਾਟਾ ਸਹਿਣ ਕਰਨ ਪਿਆ ਤੇ ਫਿਰ ਲੋਕਾਂ ਨੂੰ 15-15 ਲੱਖ ਦੇ ਖਵਾਬ ਦਿਖਾ ਕੇ ਉਨਾਂ ਨਾਲ ਧੋਖੇ ਦੀ ਰਾਜਨੀਤੀ ਕੀਤੀ। ਉਨਾਂ ਵਿਸ਼ਵਾਸ ਦਿਵਾਇਆ ਕਿ ਰਾਹੁਲ ਗਾਂਧੀ ਦੀ ਸਰਕਾਰ ਬਨਣ ਤੇ ਲੁਧਿਆਣਾ ਲੋਕ ਸਭਾ ਹਲਕੇ ਦਾ ਵਿਕਾਸ ਪਹਿਲ ਦੇ ਅਧਾਰ ਤੇ ਕਰਵਾਇਆ ਜਾਵੇਗਾ। ਇਸ ਮੋਕੇ ਉਨਾਂ ਦੇ ਨਾਲ ਮਲਕੀਤ ਸਿੰਘ ਦਾਖਾ, ਗੁਰਦੇਵ ਸਿੰਘ ਲਾਪਰਾਂ, ਅਮਰੀਕ ਸਿੰਘ ਆਲੀਵਾਲ, ਸੋਨੀ ਗਾਲਿਬ, ਅਮਰਿੰਦਰ ਜੱਸੋਵਾਲ, ਕੇ.ਕੇ. ਬਾਵਾ, ਆਦਿ ਵੱਡੀ ਗਿਣਤੀ ਵਿੱਚ ਕਾਂਗਰਸੀ ਆਗੂ  ਅਤੇ ਵਰਕਰ ਹਾਜਿਰ ਸਨ।

ਬੀਤੀ 6 ਮਾਰਚ ਨੂੰ ਪਿੰਡ ਮੱਲ੍ਹਾ ਦਾ ਇੱਕ ਨੌਜਵਾਨ ਸੋਨੀ ਸਿੰਘ (27)ਆਪਣੇ ਘਰੋ ਸਾਮ ਵੇਲੇ ਅਚਾਨਿਕ ਲਾਪਤਾ ਹੋ ਗਿਆ ਸੀ।ਜਿਸ ਦੀ ਸੂਚਨਾ ਲਾਪਤਾ ਹੋਏ ਨੌਜਵਾਨ ਸੋਨੀ ਸਿੰਘ ਦੇ ਪਿਤਾ ਭਜਨ ਸਿੰਘ ਨੇ ਦੂਜੇ ਦਿਨ ਗ੍ਰਾਮ ਪੰਚਾਇਤ ਮੱਲ੍ਹਾ ਨੂੰ ਨਾਲ ਲੈ ਕੇ ਥਾਣਾ ਹਠੂਰ ਵਿਖੇ ਲਿਖਤੀ ਦਰਖਾਸਤ ਦਿੱਤੀ ਤਾ ਪਰਿਵਾਰਕ ਮੈਬਰ ਅਤੇ ਹਠੂਰ ਪੁਲਿਸ ਉਸੇ ਦਿਨ ਤੋ ਹੀ ਲਾਪਤਾ ਹੋਏ ਨੌਜਵਾਨ ਸੋਨੀ ਸਿੰਘ ਦੀ ਪੜਤਾਲ ਕਰ ਰਹੀ ਸੀ ਜਿਸ ਦੀ ਗਲੀ-ਸੜੀ ਲਾਸ ਪਰਿਵਾਰਕ ਮੈਬਰਾ ਦੇ ਦੱਸਣ ਮੁਤਾਬਿਕ ਪੁਲਿਸ ਥਾਣਾ ਸਮਾਲਸਰ (ਮੋਗਾ) ਦੇ ਨੇੜਿਓ ਲੰਘਦੀ ਨਹਿਰ ਵਿਚੋ 31 ਮਾਰਚ ਨੂੰ ਮਿਲੀ ਸੀ ਅਤੇ ਜਿਸ ਦਾ ਸਮਾਲਸਰ ਪੁਲਿਸ ਵੱਲੋ ਚਾਰ ਅਪ੍ਰੈਲ ਨੂੰ ਅੰਤਿਮ ਸਸਕਾਰ ਮੋਗਾ ਵਿਖੇ ਕਰ ਦਿੱਤਾ ਗਿਆ ਸੀ ਅਤੇ ਹਠੂਰ ਪੁਲਿਸ ਅੰਤਿਮ ਸਸਕਾਰ ਕੀਤੇ ਵਿਅਕਤੀਆ ਦੀਆ ਅਸਥੀਆ ਥਾਣਾ ਹਠੂਰ ਵਿਖੇ ਲੈ ਆਈ ਸੀ।ਇਸ ਵਿਛੜੀ ਰੂਹ ਦੀ ਆਤਮਾ ਦੀ ਸ਼ਾਤੀ ਲਈ ਪ੍ਰਕਾਸ ਕੀਤੇ ਸ੍ਰੀ ਸਹਿਜ ਪਾਠਾ ਦੇ ਭੋਗ ਅੱਜ ਪਿੰਡ ਮੱਲ੍ਹਾ ਵਿਖੇ ਪਾਏ ਗਏ।ਭੋਗ ਪੈਣ ਉਪਰੰਤ ਮਾਰਕੀਟ ਕਮੇਟੀ ਜਗਰਾਓ ਦੇ ਸਾਬਕਾ ਚੇਅਰਮੈਨ ਕਮਲਜੀਤ ਸਿੰਘ ਮੱਲ੍ਹਾ,ਸਰਪੰਚ ਹਰਬੰਸ ਸਿੰਘ ਢਿੱਲੋ,ਸਮਾਜ ਸੇਵੀ ਅਨਮਦੀਪ ਸਿੰਘ ਖੈਹਿਰਾ,ਸਾਬਕਾ ਸਰਪੰਚ ਗੁਰਮੇਲ ਸਿੰਘ ਅਤੇ ਪੰਚ ਜਗਦੀਸ ਸਿੰਘ ਦੀਸਾ ਨੇ ਸਰਧਾਜਲੀਆ ਭੇਟ ਕਰਦਿਆ ਕਿਹਾ ਕਿ ਸੋਨੀ ਸਿੰਘ ਦੇ ਤਿੰਨੇ ਕਾਤਲਾ ਨੂੰ ਸਖਤ ਤੋ ਸਖਤ ਸਜਾ ਦਵਾਉਣ ਲਈ ਅਸੀ ਹਰ ਸੰਘਰਸ ਕਰਨ ਲਈ ਪੀੜ੍ਹਤ ਪਰਿਵਾਰ ਦੇ ਨਾਲ ਹਾਂ।ਇਸ ਮੌਕੇ ਮ੍ਰਿਤਕ ਸੋਨੀ ਸਿੰਘ ਦੇ ਪਿਤਾ ਭਜਨ ਸਿੰਘ ਨੇ ਭਰੇ ਮਨ ਨਾਲ ਕਿਹਾ ਕਿ ਮੇਰੇ ਪੁੱਤਰ ਦਾ ਕਤਲ ਹੋਏ ਨੂੰ ਲਗਭਗ 50 ਦਿਨ ਹੋ ਚੁੱਕੇ ਹਨ ਪਰ ਸਾਨੂੰ ਅੱਜ ਤੱਕ ਸੋਨੀ ਸਿੰਘ ਦੀ ਲਾਸ਼ ਨਹੀ ਮਿਲੀ ਅਤੇ ਨਾ ਹੀ ਸੋਨੀ ਸਿੰਘ ਦੀਆ ਅਸਥੀਆ ਮਿਲੀਆ ਹਨ ਅਤੇ ਹਠੂਰ ਪੁਲਿਸ ਸਾਨੂੰ ਵਾਰ-ਵਾਰ ਆਖ ਰਹੀ ਹੈ ਕਿ ਇਹ ਅਸਥੀਆ ਕਿਸੇ ਹੋਰ ਵਿਅਕਤੀ ਦੀਆ ਹਨ।ਅਸੀ ਪ੍ਰਸਾਸਨ ਤੋ ਮੰਗ ਕਰਦੇ ਹਾਂ ਕਿ ਸਾਨੂੰ ਸੋਨੀ ਸਿੰਘ ਦੀਆਂ ਜਲਦੀ ਅਸਥੀਆ ਦਿੱਤੀਆ ਜਾਣ।ਇਸ ਸਰਧਾਜਲੀ ਸਮਾਗਮ ਵਿਚ ਵੱਡੀ ਗਿਣਤੀ ਵਿਚ ਪਿੰਡ ਵਾਸੀ ਹਾਜਰ ਸਨ।ਇਸ ਸਬੰਧੀ ਜਦੋ ਪੁਲਿਸ ਥਾਣਾ ਹਠੂਰ ਦੇ ਇੰਚਾਰਜ ਸਿਮਰਜੀਤ ਸਿੰਘ ਨਾਲ ਸੰਪਰਕ ਕੀਤਾ ਤਾਂ ਉਨ੍ਹਾ ਕਿਹਾ ਕਿ ਸੋਨੀ ਸਿੰਘ ਦੇ ਤਿੰਨੇ ਕਾਤਲਾ ਖਿਲਾਫ ਕਾਨੂੰਨੀ ਕਾਰਵਾਈ ਕੀਤੀ ਜਾ ਚੁੱਕੀ ਹੈ ਅਤੇ ਸਾਨੂੰ ਸਰਕਾਰੀ ਹਸਪਤਾਲ ਮੋਗਾ ਦੇ ਡਾਕਟਰਾ ਵੱਲੋ ਲਿਖਤੀ ਰੂਪ ਵਿਚ ਆ ਚੁੱਕਿਆ ਹੈ ਕਿ ਇਹ ਅਸਥੀਆ ਕਿਸੇ ਔਰਤ ਦੀਆ ਹਨ।
 

ਸਵੱਦੀ ਕਲਾਂ/ਚੌਕੀਮਾਨ 18 ਅਪ੍ਰ੍ਰੈਲ (ਬਲਜਿੰਦਰ ਸਿੰਘ ਵਿਰਕ,ਨਸੀਬ ਸਿੰਘ ਵਿਰਕ) ਚੋਣ ਪ੍ਰਚਾਰ ਦਾ ਅਖਾੜਾ ਮਗਣ ਦੀ ਦੇਰ ਸੀ ਕਿ ਸਭ ਸਾਰੇ ਸਿਆਂਸੀ ਲੀਡਰਾ ਨੇ ਆਪਣੀ ਚੋਣ ਪ੍ਰਛਾਰ ਮੁਹਿੰਮ ਨੂੰ ਹੁਲਾਰਾ ਦੇਣਾ ਸੁਰੂ ਕਰ ਦਿੱਤਾ ਇਸੇ ਲੜੀ ਤਹਿਤ ਅੱਜ ਹਲਕਾ ਜਗਰਾਉ ਦੇ ਸਰਹੱਦੀ ਨਗਰ ਸੰਗਤਪੁਰਾ ਢੈਪਈ ਚ ਲੋਕ ਸਭਾ ਹਲਕਾ ਲੁਧਿਆਣਾ ਤੋਂ ਸ਼੍ਰੋਮਣੀ ਅਕਾਲੀਦਲ ਬਾਦਲ ਵੱਲੋਂ ਚੋਣ ਮੈਦਾਨ ਵਿੱਚ ਉਤਾਰੇ ਗਏ ਉਮੀਦਵਾਰ ਮਹੇਸ਼ਇੰਦਰ ਸਿੰਘ ਗਰੇਵਾਲ ਨੇ ਆਪਣ ਿਸਮੁੱਚੀ ਟੀਮ ਚ ਹਾਜਰ ਸ ਸਾਬਕਾ ਵਿਧਾਇਕ ਸ੍ਰੀ ਐਸ਼ ਆਰ ਕਲੇਰ , ਸਾਬਕਾ ਵਿਧਾਇਕ ਸ: ਭਾਗ ਸਿੰਘ ਮੱਲਾ , ਚੇਅਰਮੈਨ ਦੀਦਾਰ ਸਿੰਘ ਮਲਕ, ਹਰਸੁਰਿੰਦਰ ਸਿੰਘ ਗਿੱਲ , ਚੇਅਰਮੈਨ ਚੰਦ ਸਿੰਢ ਡੱਲਾ , ਗੁਰਚਰਨ ਸਿੰਘ ਗਰੇਵਾਲ ਪ੍ਰਭਜੋਤ ਸਿੰਘ ਅਤੇ ਬਲਰਾਜ ਸਿੰਘ ਭੱਠਲ ਸਮੇਤ ਨੇ ਟਰੱਕ ਯੂਨੀਅਨ ਪ੍ਰਧਾਨ ਬਿੰਦਰ ਮਨੀਲਾ ਦੇ ਘਰ ਪਹੁੰਚੇ । ਇਸ ਸਮੇਂ ਸਰਪੰਚ ਬੀਬੀ ਪਲਵਿੰਦਰ ਕੌਰ ਸਿੱਧੂ ਅਤੇ ਪ੍ਰਧਾਨ ਬਿੰਦਰ ਮਨੀਲਾ ਦੀ ਅਗਾਈ ਚ ਇੱਕਤਰ ਹੋਏ ਨਗਰ ਵਾਸੀਆ ਨੇ ਅਕਾਲੀਦਲ ਦੀ ਸਮੁੱਚੀ ਟੀਮ ਦਾ ਸਵਾਗਤ ਕੀਤਾ । ਇਸ ਸਮੇਂ ਅਕਾਲੀਦਲ ਦੇ ਲੋਕ ਸਭਾ ਉਮੀਦਵਾਰ ਗਰੇਵਾਲ ਨੇ ਇੱਕਤਰ ਹੋਏ ਸ਼ਮਰਥਕਾ ਨੂੰ ਕਿਹਾ ਕਿ ਮੈਂ ਰਾਜਨੀਤੀ ਚ ਤਕਰੀਬਨ 40 ਸਾਲ ਤੋਂ ਆਇਆ ਹੋਇਆ ਹਾਂ ਜਿਸ ਵਿੱਚ ਕਾਫੀ ਲੰਮਾ ਸਮਾ ਸਾਬਕਾ ਮੁੱਖ ਮੰਤਰੀ ਸ: ਪ੍ਰਕਾਸ਼ ਸਿੰਘ ਬਾਦਲ ਦਾ ਸਿਆਸੀ ਸਲਾਹਕਾਰ ਵੀ ਰਿਹਾ ਹਾਂ ਇਸੇ ਲਈ ਸਾਬਕਾ ਮੁੱਖ ਮੰਤਰੀ ਸ: ਪ੍ਰਕਾਸ਼ ਸਿੰਘ ਬਾਦਲ ਅਤੇ ਉੱਪ ਮੁੱਖ ਮੰਤਰੀ ਸ: ਸੁਖਬੀਰ ਸਿੰਘ ਬਾਦਲ ਨੇ ਮੈਨੂੰ ਮੈਦਾਨੀ ਪੱਧਰ ਦੇ ਤੁਹਾਡੀ ਸੇਵਾ ਕਰਨ ਲਈ ਭੇਜਿਆ ਹੈ । ਇਸ ਸਮੇਂ ਉਹਨਾ ਨੇ ਕਿਹਾ ਕਿ ਰਾਜਨੀਤੀ ਸੇਵਾ ਦਾ ਸਾਧਨ ਹੈ ਚੋਣ ਨਹੀ ਇਸ ਲਈ ਆਉਣ ਵਾਲੀ 19 ਮਈ ਨੂੰ ਮੇਰਾ ਸਾਥ ਦੇਕੇ ਮੈਨੂੰ ਸੇਵਾ ਦਾ ਮੌਕਾ ਦਿਉ ਮੈਂ ਤੁਹਾਡੇ ਨਾਲ ਕੀਤੇ ਹਰ ਵਾਅਦੇ ਤੇ ਖਰਾ ਉਤਰਾਂਗਾ । ਇਸ ਸਮੇਂ ਸ੍ਰੀ ਐਸ

ਆਰ ਕਲੇਰ ਸਾਬਕਾ ਵਿਧਾਇਕ ਜਗਰਾਉ ਨੇ ਵੀ ਆਪਣੇ ਵਿਚਾਰ ਰੱਖਦੇ ਹੋਏ ਕਿਹਾ ਕਿ ਗਰੇਵਾਲ ਸਾਹਿਬ ਨੂੰ ਆਪਣਾ ਸੇਵਕ ਚੁਣੋ ਜਿੱਥੇ ਐਮ ਪੀ ਆਪਣੇ ਕੋਟੇ ਚੋ 25 ਕਰੋੜ ਲਿਆÀਨਦੇ ਹਨ ਉੱਥੇ ਗਰੇਵਾਲ ਸਾਹਿਬ ਢਾਈ ਹਜਾਰ ਕਰੋੜ ਰੁਪਏ ਲੋਕ ਸਭਾ ਹਲਕਾ ਲੁਧਿਆਣਾ ਲਈ ਲੈਕੇ ਆਉਣਗੇ ਕਿਉ ਕਿ ਇੰਨਾ ਕੋਲ ਸਿਆਸਤ ਦਾ ਇੱਕ ਵੱਡਾ ਤਜਰਬਾ ਹੈ । ਇਸ ਸਮੇਂ ਪ੍ਰਧਾਬ ਬਿੰਦਰ ਮਨੀਲਾ ਅਤੇ ਸਰਪੰਚ ਬੀਬੀ ਪਲਵਿੰਦਰ ਕੌਰ ਨੇ ਆਈ ਸਮੁੱਚੀ ਟੀਮ ਨੂੰ ਵੱਡੀ ਲੀਡ ਨਾਲ ਪਿੰਡ ਚੋਂ ਜਿਤਾਉਣ ਦਾ ਵਾਅਦਾ ਕੀਤਾ । ਇਸ ਸਮੇਂ ਇੰਨਾ ਦੇ ਨਾਲ ਪੰਚ ਗੁਰਜੀਤ ਸਿੰਘ , ਪੰਚ ਰਾਗਾ ਸਿੰਘ, ਪੰਚ ਨਵਜੋਤ ਕੌਰ, ਪੰਚ ਸੰਦੀਪ ਸਿੰਘ , ਪੰਚ ਨਸੀਬ ਕੌਰ , ਪੰਚ ਹਰਪਾਲ ਕੌਰ , ਸਾਬਕਾ ਸਰਪੰਚ ਸੁਰਜੀਤ ਸਿੰਘ , ਸਾਬਕਾ ਪੰਚ ਜਗਜੀਤ ਸਿੰਘ , ਸੁਲਤਾਨ ਸਿੰਘ , ਭਗਵੰਤ ਸਿੰਘ , ਦੀਦਾਰ ਸਿੰਘ , ਰਾਜਿੰਦਰ ਸਿੰਘ , ਗੁਰਦੇਵ ਸਿੰਘ , ਮਨਪ੍ਰੀਤ ਸਿੰਘ , ਸੰਪੂਰਨ ਸਿੰਘ , ਰਾਜਵਿੰਦਰ ਸਿੰਘ , ਜਗਮੇਲ ਸਿੰਘ , ਰਾਜਾ ਸਿੱਧੂ , ਹੈਪੀ ਭੱਠੇ ਵਾਲਾ , ਬੂਟਾ ਸਿੰਘ , ਦਿਆ ਸਿੰਘ ,ਪ੍ਰਧਾਨ ਗੁਰਸ਼ਰਨ ਸਿੰਘ , ਜਗਜੀਤ ਸਿੰਘ ਸਾਬਕਾ ਪੰਚ , ਰਾਜਾ ਸਿੱਧੂ ਤੇਜਿੰਦਰ ਸਿੰਘ ਆਦਿ ਹਾਜਰ ਸਨ ।