ਲੁਧਿਆਣਾ

ਜਗਰਾਓਂ, ਮਾਰਚ ( ਮਨਜਿੰਦਰ ਸਿੰਘ ਗਿੱਲ )—ਐਸ. ਐਸ. ਪੀ ਪੁਲਿਸ ਜਿਲਾ ਲੁਧਿਅਣਾ ਦਿਹਾਤੀ ਵਰਿੰਦਰ ਸਿੰਘ ਬਰਾੜ ਨੇ ਪ੍ਰੈਸ ਕਾਨਫਰੰਸ ਦੌਰਾਨ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਨੌਜਵਾਨਾਂ ਨੂੰ ਨਸ਼ੇ ਦੇ ਮਾੜੇ ਪ੍ਰਭਾਵ ਬਾਰੇ ਸੇਧ ਦੇਣ ਅਤੇ ਨਸ਼ਾ ਤਸਕਰਾਂ ਨੂੰ ਕਾਬੂ ਕਰਨ ਲਈ ਆਰੰਭ ਕੀਤੀ ਗਈ ਵਿਸ਼ੇਸ਼ ਮੁਹਿੰਮ ਦੌਰਾਨ ਦਿਲਬਾਗ ਸਿੰਘ ਡੀ. ਐਸ. ਪੀ. ਆਈ, ਇੰਸਪੈਕਟਰ ਇਕਬਾਲ ਹੁਸੈਨ, ਇੰਚਾਰਜ ਸੀ.ਆਈ.ਏ ਸਟਾਫ, ਜਗਰਾਂਉ ਦੀ ਨਿਗਰਾਨੀ ਹੇਠ ਏ.ਐਸ.ਆਈ ਸੁਖਦੇਵ ਸਿੰਘ ਸੀ.ਆਈ.ਏ ਜਗਰਾਉ ਸਮੇਤ ਪੁਲਿਸ ਪਾਰਟੀ ਪੁਲ ਨਹਿਰ ਪਿੰਡ ਤੁਗਲ ਮੌਜੂਦ ਸੀ ਤਾਂ ਮੁਖਬਰ ਨੇ ਇਤਲਾਹ ਦਿੱਤੀ ਕਿ ਮਨਜਿੰਦਰ ਸਿੰਘ ਉਰਫ ਬੱਬੂ ਵਾਸੀ ਕੋਟਲੀ ਅਤੇ ਬੂਟਾ ਸਿੰਘ ਵਾਸੀ ਭੈਣੀ ਗੁੱਜਰਾਂ ਪਿਛਲੇ ਕਾਫੀ ਸਮੇਂ ਤੋਂ ਬਾਹਰਲੀ ਸਟੇਟ ਤੋਂ ਭਾਰੀ ਮਾਤਰਾ ਵਿੱਚ ਭੁੱਕੀ ਚੂਰਾ ਪੋਸਤ ਲਿਆਕੇ ਵੇਚਦੇ ਹਨ, ਜੋ ਅੱਜ ਵੀ ਇੱਕ ਕਾਰ ਵਰਨਾ ਪੀ.ਬੀ-10 ਐਫ.ਡੀ-9797 ਜਿਸਦਾ ਐਕਸੀਡੈਂਟ ਹੋਣ ਕਰਕੇ ਉਸਦੇ ਅਗਲੇ ਪਾਸੇ ਵਾਲੀ ਲਾਈਟ, ਬੰਪਰ ਅਤੇ ਸ਼ੀਸ਼ਾ ਟੁੱਟਿਆ ਹੋਇਆ ਹੈ। ਜਿਹਨਾਂ ਨੇ ਗੱਡੀ ਦੀ ਡਿੱਗੀ ਵਿੱਚ ਭੁੱਕੀ ਚੂਰਾ ਪੋਸਤ ਲੱਦਿਆ ਹੋਇਆ ਹੈ। ਜਿਹਨਾਂ ਨੇ ਟੋਲ ਪਲਾਜਾ ਪਿੰਡ ਬੋਪਾਰਾਏ ਕੋਲ ਖਾਲੀ ਜਗ੍ਹਾ ਪਰ ਇੱਕ ਕਰੇਨ ਦੀ ਮੱਦਦ ਨਾਲ ਗੱਡੀ ਲਿਆਕੇ ਖੜੀ ਕੀਤੀ ਹੈ।ਜਿਸਤੇ ਇੰਸਪੈਕਟਰ ਇਕਬਾਲ ਹੁਸੈਨ, ਇੰਚਾਰਜ ਸੀ.ਆਈ.ਏ,ਸਟਾਫ ਜਗਰਾਂਉ ਨੇ ਸਮੇਤ ਪੁਲਿਸ ਪਾਰਟੀ ਦੇ ਮੌਕਾ ਪਰ ਰੇਡ ਕਰਕੇ ਦੋਸ਼ੀ ਮਨਜਿੰਦਰ ਸਿੰਘ ਉੱਕਤ ਨੂੰ ਮੌਕਾ ਤੋ ਗ੍ਰਿਫਤਾਰ ਕਰਕੇ ਗੱਡੀ ਦੀ ਡਿੱਗੀ ਵਿੱਚੋਂ ਦੋ ਪਲਾਸਟਿਕ ਦੇ ਗੱਟੂ ਬਰਾਮਦ ਹੋਏ, ਜਿਹਨਾਂ ਦੇ ਮੂੰਹ ਬੰਨੇ ਹੋਏ ਸਨ। ਮੂੰਹ ਖੋਲਕੇ ਚੈੱਕ ਕੀਤੇ ਤਾਂ ਉਹਨਾਂ ਵਿੱਚੋਂ 80 ਕਿਲੋ ਗ੍ਰਾਮ ਭੁੱਕੀ ਚੂਰਾ ਪੋਸਤ ਬਰਾਮਦ ਹੋਇਆ।ਜਿਹਨਾਂ ਵਿਰੁੱਧ ਮੁਕੱਦਮਾ ਨੰਬਰ 20 ਮਿਤੀ 09.03.2019 ਅ/ਧ 15/25/61/85 ਐਨ.ਡੀ.ਪੀ.ਐਸ ਐਕਟ ਥਾਣਾ ਸੁਧਾਰ ਦਰਜ ਰਜਿਸਟਰ ਕੀਤਾ ਗਿਆ। ਜਿਸਦਾ ਦੂਜਾ ਸਾਥੀ ਬੂਟਾ ਸਿੰਘ ਮੌਕਾ ਤੋਂ ਭੱਜਣ ਵਿੱਚ ਕਾਮਯਾਬ ਹੋ ਗਿਆ। ਇਸ਼ੇ ਤਰ੍ਹਾਂ  ਏ.ਐਸ.ਆਈ ਭਗਵਾਨ ਸਿੰਘ ਨੇ ਸਮੇਤ ਪੁਲਿਸ ਪਾਰਟੀ ਦੇ ਗਸ਼ਤ ਅਤੇ ਸ਼ੱਕੀ ਪੁਰਸ਼ਾਂ ਦੀ ਚੈਕਿੰਗ ਦੇ ਸਬੰਧ ਵਿੱਚ ਪੁਲ ਨਹਿਰ ਸੁਧਾਰ ਵਿਖੇ ਮੌਜੂਦ ਸੀ ਤਾਂ ਮੁਖਬਰ ਵੱਲੋਂ ਗੁਪਤ ਸੂਚਨਾਂ ਮਿਲੀ ਕਿ ਪਰਮਜੀਤ ਕੁਮਾਰ ਵਾਸੀ ਤਲਵਣ ਅਤੇ ਜਸਵਿੰਦਰ ਸਿੰਘ ਉਰਫ ਜੱਸਾ ਵਾਸੀ ਝੰਡਾ ਕਲਾਂ ਥਾਣਾ ਸਰਦੂਲਗੜ ਹਾਲ ਵਾਸੀ ਤਲਵਣ ਬਾਹਰਲੀ ਸਟੇਟ ਤੋਂ ਭਾਰੀ ਮਾਤਰਾ ਵਿੱਚ ਭੁੱਕੀ ਚੂਰਾ ਪੋਸਤ ਲਿਆਕੇ ਪੰਜਾਬ ਵਿੱਚ ਗਾਹਕਾਂ ਨੂੰ ਅੱਗੇ ਵੇਚਦੇ ਹਨ। ਜੋ ਅੱਜ ਵੀ ਇੱਕ ਜੈੱਨ ਮਾਰੂਤੀ ਕਾਰ ਨੰਬਰ ਪੀ.ਬੀ-10 ਏ.ਜੀ-5006 ਵਿੱਚ ਭਾਰੀ ਮਾਤਰਾ ਵਿੱਚ ਭੁੱਕੀ ਚੂਰਾ ਪੋਸਤ ਲੈ ਕੇ ਰਾਏਕੋਟ ਸਾਈਡ ਤੋਂ ਪਿੰਡਾਂ ਵੱਲ ਨੂੰ ਆ ਰਹੇ ਹਨ ਅਤੇ ਬੋਪਾਰਾਏ ਵੱਲ ਜਾਂਦੀ ਡਰੇਨ ਦੀ ਪਟੜੀ ਪਰ ਖੜੇ ਆਪਣੇ ਸਾਥੀਆਂ ਦੀ ਇੰਤਜਾਰ ਕਰ ਰਹੇ ਹਨ।ਜਿਸਤੇ ਐਸ.ਆਈ ਚਮਕੌਰ ਸਿੰਘ ਅਤੇ ਏ.ਐਸ.ਆਈ ਭਗਵਾਨ ਸਿੰਘ ਨੇ ਮੌਕਾ ਪਰ ਰੇਡ ਕਰਕੇ ਪਰਮਜੀਤ ਕੁਮਾਰ ਨੂੰ ਕਾਬੂ ਕਰਕੇ ਗੱਡੀ ਦੀ ਤਲਾਸ਼ੀ ਕਰਨ ਤੇ ਡਿੱਗੀ ਵਿੱਚੋਂ ਦੋ ਪਲਾਸਟਿਕ ਦੇ ਗੱਟੂ ਬਰਾਮਦ ਹੋਏ।ਜਿਹਨਾਂ ਦੇ ਮੂੰਹ ਖੋਲਕੇ ਚੈੱਕ ਕਰਨ ਤੇ ਉਹਨਾਂ ਵਿਚੋਂ ਭੁੱਕੀ-ਚੂਰਾ ਪੋਸਤ ਬਰਾਮਦ ਹੋਇਆ।ਦੋਸ਼ੀਆਂ ਵਿਰੁੱਧ ਮੁਕੱਦਮਾ ਨੰਬਰ 21 ਮਿਤੀ 09.03.2019 ਅ/ਧ 15/25/61/85 ਐਨ.ਡੀ.ਪੀ.ਐਸ ਐਕਟ ਥਾਣਾ ਸੁਧਾਰ ਦਰਜ ਰਜਿਸਟਰ ਕੀਤਾ ਗਿਆ।ਇਸਦਾ ਦੂਜਾ ਸਾਥੀ ਜਸਵਿੰਦਰ ਸਿੰਘ ਮੌਕਾ ਤੋਂ ਭੱਜਣ ਵਿੱਚ ਕਾਮਯਾਬ ਹੋ ਗਿਆ। ਇਨ੍ਹਾਂ ਦੋਵਾਂ ਨੂੰ ਅਦਾਲਤ ਵਿਚ ਪੇਸ਼ ਕਰਕੇ ਤਿੰਨ ਦਿਨ ਦਾ ਪੁਲਿਸ ਰਿਮਾਂਡ ਹਾਸਿਲ ਕੀਤਾ ਗਿਆ ਹੈ। ਐਸ. ਐਸ. ਪੀ. ਬਰਾੜ ਅਏਨੁਸਾਰ ਇਨ੍ਹਾਂ ਪਾਸੋਂ ਹੋਰ ਵੀ ਬਰਾਮਦਗੀ ਹੋਣ ਦੀ ਸੰਭਾਵਨਾ ਹੈ। ਇਨਾਂ ਪਾਸੋਂ ਗ੍ਰਿਫਤਾਰ ਕੀਤੇ 02 ਦੋਸ਼ੀਆਂ ਪਾਸੋਂ ਕੁੱਲ 01 ਕੁਇੰਟਲ 50 ਕਿਲੋਗਰਾਮ ਭੁੱਕੀ ਚੂਰਾ ਪੋਸਤ 2 ਕਾਰਾਂ 1. ਵਰਨਾ ਨੰਬਰ ਪੀ.ਬੀ-10 ਐਫ.ਡੀ-9797 ਅਤੇ ਜੈੱਨ ਕਾਰ ਨੰਬਰੀ ਪੀ.ਬੀ-10 ਏ.ਜੀ-5006. ਬਰਾਮਦ ਕੀਤੀਆਂ ਗਈਆਂ ਹਨ। 

ਪਹਿਲਾਂ ਵੀ ਹਨ ਇਨ੍ਹਾਂ ਖਿਲਾਫ ਮੁਕਦਮੇ-ਗ੍ਰਿਫਤਾਰ ਕੀਤੇ ਮਨਜਿੰਦਰ ਸਿੰਘ ਖਿਲਾਫ ਪਹਿਲਾਂ ਵੀ ਮੁਕੱਦਮਾਂ ਨੰਬਰ 75/2011 ਅ/ਧ 15/61/85 ਐਨ.ਡੀ.ਪੀ.ਐਸ.ਐਕਟ ਥਾਣਾ ਪੀ.ਏ.ਯੂ, ਲੁਧਿਆਣ ਬਰਾਮਦਗੀ- 10 ਕਿਲੋਭੁੱਕੀ ਚੂਰਾ ਪੋਸਤ। ਮੁਕੱਦਮਾਂ ਨੰਬਰ 175/2014 ਅ/ਧ 15/61/85 ਐਨ.ਡੀ.ਪੀ.ਐਸ.ਐਕਟ,ਥਾਣਾ ਧਰਮਕੋਟ ਅਤੇ ਮੁਕੱਦਮਾਂ ਨੰਬਰ 96/2018 ਅ/ਧ 15/61/85 ਐਨ.ਡੀ.ਪੀ.ਐਸ.ਐਕਟ ਥਾਣਾ ਸੁਧਾਰ ਦਰਜ ਹਨ। ਇਸਤੋਂ ਇਲਾਵਾ ਗ੍ਰਿਫਾਤਾਰ ਕੀਤੇ ਗਏ ਪਰਮਜੀਤ ਸਿੰਘ ਦੇ ਖਿਲਾਫ ਪਹਿਲਾਂ ਮੁਕੱਦਮਾਂ ਨੰਬਰ 126 ਮਿਤੀ 16.09.2010 ਅ/ਧ 419/420/467/468/471/120-ਬੀ ਆਈ.ਪੀ.ਸੀ ਥਾਣਾ ਡੇਹਲੋਂ। ਮੁਕੱਦਮਾਂ ਨੰਬਰ 207 ਮਿਤੀ 02.04.2015 ਅ/ਧ 356/379 ਆਈ.ਪੀ.ਸੀ ਥਾਣਾ ਸਿਟੀ ਮਾਨਸਾ ਅਤੇ ਮੁਕੱਦਮਾਂ ਨੰਬਰ 430 ਮਿਤੀ 05.05.2015 ਅ/ਧ 15/61/85 ਐਨ.ਡੀ.ਪੀ.ਐਸ.ਐਕਟ ਥਾਣਾ ਨਿਬੇਹੜਾ ਜਿਲ੍ਹਾ ਚਿਤੌੜਗੜ (ਰਾਜਸਥਾਨ)।

ਜਗਰਾਓ,10,ਮਾਰਚ (ਰਛਪਾਲ ਸਿੰਘ ਸੇਰਪੁਰੀ)-ਪਿੰਡ ਡੱਲਾ ਦੇ ਅਤੀ ਗਰੀਬ ਪਰਿਵਾਰ ਦੀ ਮੱਝ ਚੋਰੀ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ।ਇਸ ਸਬੰਧੀ ਗੱਲਬਾਤ ਕਰਦਿਆ ਮੇਵਾ ਸਿੰਘ ਪੁੱਤਰ ਸੂਰਤ ਸਿੰਘ ਨੇ ਕਿ 28 ਫਰਵਰੀ ਦੀ ਰਾਤ ਨੂੰ ਅਸੀ ਰੋਜਾਨਾ ਦੀ ਤਰ੍ਹਾ ਘਰ ਵਿਚ ਸੌ ਗਏ ਅਤੇ ਜਦੋ ਇੱਕ ਮਾਰਚ ਨੂੰ ਸਵੇਰੇ ਮੱਝ ਨੂੰ ਚਾਰਾ ਪਾਉਣ ਲੱਗੇ ਤਾਂ ਮੱਝ ਉਥੋ ਚੋਰੀ ਹੋ ਚੁੱਕੀ ਸੀ ਜੋ ਅਸੀ ਵਿਆਜ ਤੇ ਪੈਸਾ ਲੈ ਕੇ ਲਈ ਸੀ ਅਤੇ ਜਿਸ ਦੀ ਕੀਮਤ ਪੰਜਾਹ ਹਜਾਰ ਰੁਪਏ ਹੈ।ਇਸ ਚੋਰੀ ਹੋਈ ਮੱਝ ਸਬੰਧੀ ਅਸੀ ਇੱਕ ਮਾਰਚ ਨੂੰ ਸਬੰਧਤ ਥਾਣਾ ਹਠੂਰ ਨੂੰ ਲਿਖਤੀ ਦਰਖਾਸਤ ਦਿੱਤੀ ਅਤੇ ਨੇੜਲੇ ਘਰ ਵਿਚ ਰਹਿੰਦੇ ਇੱਕ ਵਿਅਕਤੀ ਦਾ ਨਾਮ ਵੀ ਪੁਲਿਸ ਨੂੰ ਦੱਸਿਆ ਹੈ।ਸਾਨੂੰ ਸੱਕ ਹੈ ਕਿ ਉਸ ਵਿਅਕਤੀ ਨੇ ਸਾਡੀ ਮੱਝ ਚੋਰੀ ਕੀਤੀ ਹੈ ਜੋ ਨਸੇੜੀ ਕਿਸਮ ਦਾ ਵਿਅਕਤੀ ਹੈ ਪਰ ਅੱਜ ਦਸ ਦਿਨ ਬੀਤ ਜਾਣ ਦੇ ਬਾਵਜੂਦ ਹਠੂਰ ਪੁਲਿਸ ਨੇ ਕੋਈ ਵੀ ਕਾਰਵਾਈ ਨਹੀ ਕੀਤੀ।ਇਸ ਸਬੰਧੀ ਜਦੋ ਥਾਣਾ ਹਠੂਰ ਦੇ ਐਸਐਚਓ ਸਿਮਰਜੀਤ ਸਿੰਘ ਨਾਲ ਸੰਪਰਕ ਕੀਤਾ ਤਾਂ ਉਨ੍ਹਾ ਕਿਹਾ ਕਿ ਪੀੜ੍ਹਤ ਮੇਵਾ ਸਿੰਘ ਨੂੰ ਅੱਜ ਥਾਣੇ ਬੁਲਾਇਆ ਗਿਆ ਹੈ ਬਿਆਨ ਲੈ ਕੇ ਕਾਰਵਾਈ ਕੀਤੀ ਜਾਵੇਗੀ।

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਅੱਜ ਪਿੰਡ ਅਰਮਗੜ੍ਹ ਕਲੇਰ ਵਿੱਚ ਪੋਸ਼ਣ ਦਿਵਸ ਮਨਾਇਆ ਗਿਆ ਸੈਂਟਰ ਨੰ:30 ਅਗਾਨਵਾੜੀ ਸੈਂਟਰ ਵਿਖੇ ਬਾਲ ਵਿਕਾਸ ਪ੍ਰੋਜੈਕਟ ਅਫਸਰ ਸਿੱਧਵਾਂ ਬੇਟ ਸ੍ਰੀ ਮਤੀ ਕੁਲਵਿੰਦਰ ਕੌਰ(ਵਾਧੂ ਚਾਰਜ਼)ਸੁਪੲਵਾਇਜ਼ਰ ਸੀ.ਡੀ.ਡੀ.ੳ ਵਲੋਂ ਜੀ ਦੇ ਨਿਰਦੇਸ਼ਾਂ ਅਨੁਸਾਰ ਪੋਸਹਾਰ ਦਿਵਸ ਮਨਾਇਆ ਗਿਆ।ਪਿੰਡ ਦੇ ਸਰਪੰਚ ਕਰਨੈਲ ਸਿੰਘ ਏ.ਐਨ.ਐਮ ਪਿੰਦਰਜੀਤ ਕੌਰ ਵਲੋਂ ਔਰਤਾ ਨੂੰ ਪੋਸ਼ਣ ਬਾਰੋ ਔਰਤਾਂ ਤੇ ਕਾਫੀ ਚਾਨਣਾ ਪਾਇਆ ਗਿਆ ਜੀ.ਊ.ਜੀ ਵੱਲੋਂ ਕਾਫੀ ਸਹਿਯੋਗ ਦਿੱਤਾ ਗਿਆ ਅਤੇ ਪਰਮਜੀਤ ਕੌਰ ਸੁਪਰਵਾਇਜ਼ ਵੱਲੋਂ ਔਰਤਾ ਮੰਡਲਿਤ(ਪੋਸਟਿਕ) ਭੋਜਨ ਇੱਕ ਵਿਿਗਆਨ ਹੈ।ਕਿ ਭੋਜਨ ਕੁਦਰਤ ਤੱਤਾਂ ਬਾਰੇ ਦੱਸਦਾ ਹੈ।ਇਨ੍ਹਾਂ ਦੇ ਪਚਣ ਦੇ ਅਸਰ ਅਤੇ ਘੱਟ ਪੋਸਟਿਕ ਅਸੰਤਲਿਤ ਭੋਜਣ ਖਾਣ ਤੇ ਪ੍ਰਭਾਵ ਬਾਰੇ ਜਾਣਕਾਰੀ ਦਿੱਤੀ।ਪ੍ਰਾਇਮਰੀ ਸ੍ਰਰਕਾਰੀ ਸਕੂਲ ਦੀ ਟੀਚਰ ਵੀ ਹਾਜ਼ਰ ਹੋਏ ਟੀਚਰ ਵੱਲੋਂ ਔਰਤਾਂ ਨੂੰ ਅੱਗਾ ਵੱਧਦਾ ਆ ਪੜਾਈ ਬਾਰੇ ਕਾਫੀ ਚਾਲਣਾ ਪਾਇਆ ਗਿਆ ਔਰਤਾਂ ਅਤੇ ਆਏ ਹੋਣੇ ਮਹਿਮਾਨਾਂ ਦਾ ਪਰਮਜੀਤ ਕੌਰ ਮੈਡਮ ਵੱਲੋਂ ਧੰਨਵਾਦ ਕੀਤਾ ਗਿਆ ਅਤੇ ਚਾਹ ਲੱਡੂ ਅਤੇ ਮੱਠੀਆਂ ਵੰਡੇ ਗਏ।