ਲੁਧਿਆਣਾ

ਬਾਬਾ ਈਸਰ ਸਿੰਘ ਜੀ ਦੇ ਜਨਮ ਦਿਹਾੜੇ ਤੇ ਭਾਈ ਪਾਰਸ ਦੇ ਢਾਡੀ ਜੱਥੇ ਨੇ ਸੰਗਤਾਂ ਨੂੰ ਗੁਰੂ ਜਸ ਸੁਣਾ ਕੇ ਨਿਹਾਲ ਕੀਤਾ

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਸੇਵਾ,ਸਿਮਰਨ ਅਤੇ ਭਗਤੀ ਦੇ ਘਰ ਵਜੋ ਵਿਸ਼ਵ ਪ੍ਰਸਿੱਧ ਧਾਰਮਿਕ ਸੰਪਰਦਾਇ ਨਾਨਕਸਰ ਕਲੇਰਾਂ ਦੇ ਬਾਨੀ ਮਹਾਪੁਰਸ਼ ਧੰਨ-ਧੰਨ ਬਾਬਾ ਨੰਦ ਸਿੰਘ ਜੀ ਤੋ ਵਰੋਸਾਇ ਬਾਬਾ ਈਸ਼ਰ ਸਿੰਘ ਨਾਨਕਸਰ ਕਲੇਰਾਂ ਵਾਲਿਆਂ ਦਾ ਜਨਮ ਦਿਹਾੜਾ 'ਏਕ ਜੋਤ ਨਿਵਾਸ" ਅਗਵਾੜ ਲੋਪੋ ਵਿਖੇ ਮਨਾਇਆ ਗਿਆ।ਇਹ ਸਮਾਗਮ ਨਾਨਕਸਰ ਕਲੇਰਾਂ ਬੇਅੰਤ ਸੇਵਾਵਾਂ ਕਰਨ ਵਾਲੇ ਸੱਚਖੰਡ ਵਾਸੀ ਸੰਤ ਬਾਬਾ ਮੈਂਗਲ ਸਿੰਘ ਤੋ ਵਰੋਸਾਇ ਸੰਤ ਬਾਬਾ ਅਰਵਿੰਦਰ ਸਿੰਘ ਦੀ ਅਗਵਾਈ ਹੇਠ ਮਨਾਇਆ ਗਿਆ।ਇਸ ਸਮੇ ਇੰਟਰਨੈਸ਼ਨਲ ਢਾਡੀ ਜੱਥੇ ਦੇ ਪ੍ਰਧਾਨ ਭਾਈ ਪਿਰਤਪਾਲ ਸਿੰਘ ਦੇ ਢਾਡੀ ਜੱਥੇ ਸੰਤ ਬਾਬਾ ਮੈਂਗਲ ਸਿੰਘ ਜੀ ਦਾ ਇਤਹਾਸ ਸੁਣਕੇ ਸੰਗਤਾਂ ਨੂੰ ਨਿਹਾਲ ਕੀਤਾ।ਭਾਈ ਪਾਰਸ ਨੇ ਕਿਹਾ ਕਿ ਬਾਬਾ ਈਸਰ ਸਿੰਘ ਜੀ ਨੇ ਸੰਗਤਾਂ ਨੂੰ ਸਿਮਰਨ ਤੇ ਨਾਮ ਜਪਣਾ,ਹੱਥੀ ਸੇਵਾ ਕਰਨੀ ਤੇ ਪ੍ਰਭੂ ਦੀ ਭਗਤੀ ਕਰਨ ਚਾਹੀਦੀ ਹੈ।ਇਸ ਭਾਈ ਪਾਰਸ ਨੇ ਸੰਗਤਾਂ ਨੂੰ ਬਾਬਾ ਈਸਰ ਸਿੰਘ ਜੀ ਦੀਆਂ ਸਿੱਖਿਆਵਾਂ ਤੇ ਚੱਲਣ ਦੀ ਅਪੀਲ ਕੀਤੀ।ਇਸ ਸਮੇ ਵੱਡੀ ਗਿਣਤੀ ਵਿੱਚ ਸੰਗਤਾਂ ਹਾਜ਼ਰ ਸਨ

ਦੋ ਭੈਣਾਂ ਦੇ ਇਕਲੋਤਾ ਭਰਾ ਦੀ ਟਰੈਕਟਰ ਹੇਠ ਆਉਣ ਨਾਲ ਮਾਸੂਮ ਬੱਚੇ ਦੀ ਮੌਤ

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ) ਸਵੇਰੇ ਦਸ ਵਜੇ ਦੇ ਕਰੀਬ ਜਗਰਾਓਂ ਦੇ ਮੁੱਹਲਾ ਸ਼ਕਤੀ ਨਗਰ ਵਿਚ ਵਾਪਰੇ ਦੁਖਦਾਈ ਹਾਦਸੇ ਵਿਚ ਪੰਜ ਸਾਲ ਦੇ ਮਾਸੂਮ ਦੀ ਦਰਦਨਾਕ ਮੌਤ ਹੋ ਗਈ। ਬੱਸ ਅੱਡਾ ਪੁਲਿਸ ਚੌਕੀ ਦੇ ਇੰਚਾਰਜ ਏ ਐਸ ਆਈ ਸਇਅਦ ਸ਼ਕੀਲ ਨੇ ਦੱਸਿਆ ਕਿ ਭੁਪਿੰਦਰ ਸਿੰਘ ਨਿਵਾਸੀ ਹੀਰਾ ਬਾਗ ਆਪਣੇ ਪੰਜ ਸਾਲ ਦੇ ਪੁੱਤਰ ਪ੍ਰੀਤਮ ਪ੍ਰਤਾਪ ਸਿੰਘ ਨੂੰ ਨਾਲ ਲੈ ਕੇ ਆਪਣੀ ਸਕੂਟਰੀ ਦੇ ਪਿੱਛੇ ਬਿਠਾ ਕੇ ਮੁੱਹਲਾ ਸ਼ਕਤੀ ਨਗਰ ਵੱਲ ਆ ਰਿਹਾ ਸੀ। ਮੁਹੱਲੇ ਵਿਚ ਅਚਾਨਕ ਮਿੱਟੀ ਨਾਲ ਭਰੀ ਟਰਾਲੀ ਲੈ ਕੇ ਆ ਰਹੇ ਟ੍ਰੇਕਟਰ ਚਾਲਕ ਨੇ ਉਨ੍ਹਾਂ ਨੂੰ ਟੱਕਰ ਮਾਰ ਦਿਤੀ। ਜਿਸ ਨਾਲ ਪਿੱਛੇ ਬੈਠਾ ਪ੍ਰੀਤਮ ਪ੍ਰਤਾਪ ਸਿੰਘ ਸਕੂਟਰੀ ਤੋਂ ਹੇਠਾਂ ਡਿੱਗ ਗਿਆ ਅਤੇ ਟ੍ਰੈਕਟਰ ਹੇਠਾਂ ਆਉਣ ਵਾਲ ਉਸਦੀ ਮੌਕੇ ਤੇ ਹੀ ਮੌਤ ਹੋ ਗਈ। ਟ੍ਰੈਕਟਰ ਚਾਲਕ ਮੌਕੇ ਤੋਂ ਫਰਾਰ ਹੋ ਗਿਆ। ਪੁਲਿਸ ਨੇ ਟ੍ਰੇਕਟਰ ਟਰਾਲੀ ਕਬਜੇ ਵਿਚ ਲੈ ਲਈ ਅਤੇ ਅਗਿਆਤ ਟ੍ਰੇਕਟਰ ਚਾਲਕ ਦੇ ਖਿਲਾਫ ਮਾਮਲਾ ਦਰਜ ਕਰ ਲਿਆ। ਪ੍ਰੀਤਮ ਪ੍ਰਤਾਪ ਸਿੰਘ ਦੋ ਭੈਣਾ ਦਾ ਇਕਲੌਤਾ ਭਰਾ ਸੀ।

ਸ਼੍ਰੋਮਣੀ ਅਕਾਲੀ ਦਲ ਲੋਕ ਸਭਾ ਚੋਣਾਂ ਵੱਡੀ ਲੀਡ ਨਾਲ ਜਿੱਤੇਗੀ:ਸੁਰਿੰਦਰਪਾਲ ਸਿੰਘ ਗਾਲਿਬ

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ,ਗੁਰਦੇਵ ਗਾਲਿਬ)ਲੋਕ ਸਭਾ ਚੋਣਾਂ 'ਚ ਸੂਬੇ ਦੀਆਂ ਸਾਰੀਆਂ ਹੀ ਸੀਟਾਂ ਤੇ ਯੂਥ ਅਕਾਲੀ ਦਲ ਵਲੋ ਇਕ ਵੱਡੀ ਜ਼ਿੰਮੇਵਾਰੀ ਨਿਭਾਈ ਜਾਵੇਗੀ ਤੇ ਯੂਥ ਅਕਾਲੀ ਦਲ ਵਲੋ ਆਪਣਾ ਰੋਲ ਅਦਾ ਕੀਤਾ ਜਾਵੇਗਾ,ਜਿਸ ਦੇ ਯਤਨਾਂ ਨਾਲ ਸੂਬੇ ਅੰਦਰ ਸ਼੍ਰੋਮਣੀ ਅਕਾਲੀ ਦਲ- ਭਾਜਪਾ ਗਠਜੋੜ ਸ਼ਾਨਦਾਰ ਜਿੱਤ ਪ੍ਰਾਪਤ ਕਰ ਕਰ ਕੇ ਇਤਿਹਾਸ ਸਿਰਜੇਗਾ,ਜਿਸ ਸਬੰਧੀ ਯੂਥ ਅਕਾਲੀ ਦਲ ਪੱਬਾਂ ਭਾਰ ਹੈ।ਇੰਨਾਂ ਸ਼ਬਦਾਂ ਦਾ ਪ੍ਰਗਟਾਵਾ ਸ਼੍ਰੋਮਣੀ ਆਕਲੀ ਦਲ ਦੇ ਸੀਨੀਅਰ ਅਕਾਲੀ ਆਗੂ ਸੁਰਿੰਦਰਪਾਲ ਸਿੰਘ ਫੌਜੀ ਨੇ ਪੱਤਰਕਾਰ ਨਾਲ ਗੱਲਬਾਤ ਕਰਦਿਆਂ ਕੀਤੇ।ਉਨ੍ਹਾਂ ਕਿਹਾ ਅਸੀ ਇਹ ਚੋਣਾਂ ਵਿੱਚ ਸ਼੍ਰੋਮਣੀ ਅਕਾਲੀ ਦਲ ਦੇ ਮੀਤ ਪ੍ਰਧਾਨ ਤੇ ਸਾਬਾਕਾ ਵਿਧਇਕ ਐਸ,ਆਰ.ਕਲੇਰ ਦੀ ਅਗਵਾਈ ਵਿੱਚ 13 ਸੀਟਾਂ ਜਿੱਤ ਕੇ ਸ਼.ਸੁਖਵੀਰ ਸਿੰਘ ਬਾਦਲ ਦੀ ਝੋਲੀ ਪਾਵਾਂਗੇ।ਉਨ੍ਹਾਂ ਕਿਹਾ ਕਿ ਪੰਜਾਬ ਸਰਕਾਰ ਤੋ ਅੱਜ ਹਰ ਵਰਗ ਦੁਖੀ ਹੋਇਆ ਕੇਪਟਨ ਅਮਰਿੰਦਰ ਸਿੰਘ ਨੂੰ ਸੂਬੇ ਦਾ ਮੱੁਖ ਮੰਤਰੀ ਬਣਾ ਕੇ ਆਪਣੀ ਇਤਿਹਾਸਕ ਭੱੁਲ ਮੰਨ ਰਿਹਾ ਹੈ।ਫੋਜੀ ਨੇ ਕਿਹਾ ਕਿ ਸੱਤਾ ਹਾਸਲ ਕਰਨ ਲਈ ਭੋਲੇ-ਭਾਲੇ ਲੋਕਾਂ ਨੂੰ ਵੱਡੇ-ਵੱਡੇ ਸੁਪਨੇ ਦਿਖਾਉਣ ਵਾਲਾ ਕੈਪਟਨ ਅਮਰਿੰਦਰ ਸਿੰਘ ਅੱਜ ਜਨਤਾ ਤੋ ਦੂਰੀ ਬਣਾਕੇ ਐਸਪ੍ਰਸਤੀ ਕਰ ਰਿਹਾ ਹੈ ਜਿਸ ਦਾ ਨੀਤਜਾ ਕਾਂਗਰਸ ਨੂੰ ਸੂਬੇ ਦੇ ਲੋਕ 19 ਮਈ ਨੂੰ ਸਿਖਾ ਦੇਣਗੇ।

ਗਾਲਿਬ ਰਣ ਸਿੰਘ ਦੇ ਪ੍ਰਇਮਾਰੀ ਸਕੂਲ ਦਾ ਨਤੀਜਾ ਸ਼ਨਦਾਰ ਰਿਹਾ

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ)ਪਿੰਡ ਗਾਲਿਬ ਰਣ ਸਿੰਘ ਦੇ ਪ੍ਰਇਮਾਰੀ ਸਕੂਲ ਦਾ ਨਤੀਜਾ ਐਲਾਨਇਆ ਗਿਆ।ਇਹ ਨਤੀਜਾ ਸਟਾਫ ਦੀ ਮਿਹਨਤ ਸਦਕਾ ਸ਼ਨਦਾਰ ਰਿਹਾ।ਇਸ ਨਤੀਜਾ ਵਿੱਚ ਪੰਜਵੀ ਕਲਾਸ ਦੇ ਪਹਿਲੇ ਨੰਬਰ ਤੇ ਪਰਵਿੰਦਰ ਕੌਰ,ਦੂਸਰੇ ਨੰਬਰ ਤੇ ਅਮਨਦੀਪ ਕੌਰ ਅਤੇ ਤੀਸਰੇ ਨੰਬਰ ਤੇ ਰਾਜਦੀਪ ਕੌਰ,ਚੌਥੀ ਕਲਾਸ ਵਿੱਚੌ ਪਹਿਲੇ ਨੰਬਰ ਤੇ ਸੂਰਜ,ਦੂਸਰੇ ਨੰਬਰ ਤੇ ਹਰਮਨਜੋਤ ਸਿੰਘ ਅਤੇ ਤਸੀਰੇ ਨੰਬਰ ਤੇ ਜਸਕਰਨਦੀਪ ਕੌਰ,ਤੀਸਰੀ ਕਲਾਸ ਵਿਚੌ ਪਹਿਲੇ ਨੰਬਰ ਤੇ ਕਿਰਨਪ੍ਰੀਤ ਕੌਰ,ਦੂਸਰੇ ਨੰਬਰ ਤੇ ਰੀਨਾ ਰਾਏ ਅਤੇ ਤਸੀਰੇ ਨੰਬਰ ਤੇ ਅਨਮੋਲ ਆਦਿ ਬੱਚਿਆਂ ਚੰਗੇ ਨੰਬਰਾਂ ਲੈ ਕੇ ਪਾਸ ਹੋਏ ਹਨ।ਇਸ ਸਮੇ ਇੰਚਾਰਜ ਮਨਜਿੰਦਰ ਸਿੰਘ ਨੇ ਸਮੂਹ ਸਟਾਫ ਅਤੇ ਬੱਚਿਆਂ ਦੇ ਮਾਤਾ-ਪਿਤਾ ਨੂੰ ਵਧਾਈਆਂ ਦਿੱਤੀਆਂ।ਇਸ ਸਮੇ ਮਾਸਟਰ ਲਖਵੀਰ ਸਿੰਘ ਕਨੈਡਾ ਵੱਲੋ ਬੱਚਿਆਂ ਨੂੰ ਜੁਮੈਟਰੀ,ਕਾਪੀਆਂ ਵੰਡੀਆਂ ਗਈਆਂ।ਇਸ ਸਮੇ ਸਕੂਲ ਦੇ ਸਮੂਹ ਸਟਾਫ ਵਲੋ ਸਕੂਲ ਦੇ ਬੱਚਿਆਂ ਤੇ ਬੱਚਿਆਂ ਦੇ ਮਾਪਿਆਂ ਨੂੰ ਸੋਮਸਿਆਂ ਦਾ ਤੇ ਚਾਹ ਦਾ ਵੀ ਪ੍ਰਬੰਧ ਕੀਤਾ ਹੋਇਆ ਸੂੀ।ਇਸ ਸਮੇ ਮੈਡਮ ਜਗਦੀਪ ਕੌਰ,ਸਕੂਲ ਚੇਅਰਮੈਨ ਹਰਜਿੰਦਰ ਸਿੰਘ,ਅਤੇ ਬੱਚਿਆਂ ਦੇ ਮਾਪਿਆਂ ਵੀ ਹਾਜ਼ਰ ਸਨ।

ਸਰਕਾਰੀ ਮਿਡਲ ਸਕੂਲ ਨਤੀਜ਼ਾ ਸ਼ਨਦਾਰ ਰਿਹਾ,ਸਾਰੀਆਂ ਪੁਜੀਸ਼ਨਾਂ ਤੇ ਲੜਕੀਆਂ ਨੇ ਬਾਂਜੀ ਮਾਰੀ

ਸਿੱਧਵਾਂ ਬੇਟ(ਜਸਮੇਲ ਗਾਲਿਬ,ਗੁਰਦੇਵ ਗਾਲਿਬ)ਅੱਜ ਪਿੰਡ ਗਾਲਿਬ ਰਣ ਸਿੰਘ ਦੇ ਸਰਕਾਰੀ ਮਿਡਲ ਸਕੂਲ ਦਾ ਨਤੀਜਾ ਦਾ ਐਲਾਨ ਕੀਤਾ ਗਿਆ।ਇਸ ਨਤੀਜੇ ਵਿੱਚ ਕੁੜੀਆਂ ਨੇ ਚੰਗੀਆਂ ਪੁਜਸ਼ੀਨਾਂ ਹਸਾਲ ਕਰ ਕੇ ਬਾਂਜ਼ੀ ਮਾਰੀ ਹੈ।ਛੇਵੀ ਕਲਾਸ,ਸੱੱਤਵੀ ਕਲਾਸ,ਅਤੇ ਅੱਠਵੀ ਕਲਾਸ ਦਾ ਨਤੀਜਾ ਸ਼ਨਦਾਰ ਰਿਹਾ।ਜਿਸ ਵਿੱਚ ਵਿਿਦਆਂਰਥਣਾਂ ਨੇ ਚੰਗੀਆਂ ਪੁਜੀਸ਼ਨਾਂ ਹਾਸਲ ਕੀਤੀਆਂ।ਅਠੱਵੀ ਕਲਾਸ ਦੀਆਂ ਵਿਿਦਆਂਰਥਣਾਂ ਨੇ 1200 ਵਿੱਚੌ ਪਹਿਲੇ ਨੰਬਰ ਤੇ ਜਸਲੀਨ ਕੌਰ ਨੇ 1024 ਅੰਕ,ਦੂਸਰੇ ਨੰਬਰ ਤੇ ਕੁਲਵਿੰਦਰ ਕੌਰ ਨੇ 905 ਅੰਕ,ਤੀਸਰੇ ਨੰਬਰ ਤੇ ਗੁਰਵੀਰ ਕੌਰ ਨੇ 900 ਅੰਕ ਪ੍ਰਾਪਤ ਕੀਤੇ।ਸਤੱਵੀ ਕਲਾਸ ਵਿਚੌ ਪਹਿਲੇ ਨੰਬਰ ਤੇ ਹਰਸ਼ਦੀਪ ਕੌਰ,ਦੂਸਰੇ ਨੰਬਰ ਤੇ ਪਵਨਦੀਪ ਕੌਰ ਅਤੇ ਤੀਸਰੇ ਨੰਬਰ ਤੇ ਗੁਰਪ੍ਰੀਤ ਕੌਰ ਤੇ ਛੇਵੀ ਕਲਾਸ ਵਿੱਚੌ ਪਹਿਲੇ ਨੰਬਰ ਤੇ ਅੰਜਲੀ,ਦੂਸਰੇ ਨੰਬਰ ਸਾਜੀਆ,ਤੇ ਤਸੀਰੇ ਨੰਬਰ ਤੇ ਰਮਨਦੀਪ ਕੌਰ ਚੰਗੇ ਨੰਬਰ ਲੈ ਕੇ ਪਾਸ ਹੋਈਆਂ ਹਨ।ਇਸ ਸਮੇ ਮਾਸਟਰ ਪਰਮਿੰਦਰ ਸਿੰਘ (ਨੈਸ਼ਨਲ ਐਵਰਾਡ) ਨੇ ਕਿਹਾ ਕਿ ਸਕੂਲ ਦੀਆਂ ਚੰਗੀਆਂ ਪੁਜ਼ੀਸ਼ਨਾਂ ਤੇ ਕਬਜ਼ਾ ਕਰਕੇ ਸਕੂਲ ਦੇ ਮਾਣ ਵਿੱਚ ਵਾਧਾ ਹੋਇਆ ਹੈ ਇਸ ਸਮੇ ਸਕੂਲ ਦੇ ਸਮੂਹ ਸਟਾਫ ਨੂੰ ਵਧਾਈ ਦਿੰਦੇ ਹੋਏ ਅਗਾਂਹ ਹੋਰ ਵੀ ਜਿਆਦਾ ਮਿਹਨਤ ਕਰਨ ਦੀ ਪੇ੍ਰਰਨਾ ਦਿੱਤੀ।ਇਸ ਸਮੇ ਸਮੂਹ ਪੰਚਾਇਤ ਨੇ ਮਾਸਟਰ ਪਰਮਿੰਦਰ ਸਿੰਘ ਦੇ ਯਤਨਾਂ ਦੀ ਸ਼ਲਾਘਾ ਕੀਤੀ ਜਿੰਨ੍ਹਾਂ ਦੀ ਅਗਵਾਈ ਸਦਕਾ ਇਹ ਪ੍ਰਾਪਤੀ ਸੰਭਵ ਹੋ ਸਕੀ।ਇਸ ਸਮੇ ਮਾਸਟਰ ਲਖਵੀਰ ਸਿੰਘ ਕਨੈਡਾ ਵਲੋ ਵੀ ਬੱਚਿਆਂ ਨੂੰ ਇਨਾਮ ਦਿੱਤੇ ਗਏ ਹਨ ਇਸ ਸਰਪੰਚ ਜਗਦੀਸ਼ ਚੰਦ ਨੇ ਕਿਹਾ ਕਿ ਅਸੀ ਸਮੂਹ ਸਟਾਫ ਦਾ ਧੰਨਵਾਦ ਕਰਦੇ ਹਾਂ ਜਿੰਨ੍ਹਾਂ ਸਾਡੇ ਪਿੰਡ ਦੇ ਬੱਚਿਆਂ ਨੂੰ ਚੰਗੀ ਸਿੱਖਿਆ ਦਿੱਤੀ।ਸਰਪੰਚ ਨੇ ਕਿਹਾ ਕਿ ਨਵੇ ਸ਼ੈਸਨ ਵਿੱਚ ਅਸੀ ਬੱਚਿਆਂ ਨੂੰ ਸਾਈਕਲ,ਤੇ ਹੋਰ ਵੀ ਕੋਈ ਲੋੜਾਂ ਹੋਣੀਆਂ ਗਈਆਂ ਉਹ ਅਸੀ ਪੂਰੀਆਂ ਕਰਾਂਗੇ। ਦੇਖਣਾ ਵਾਲੀ ਗੱਲ ਇਹ ਸੀ ਕਿ ਸਾਰੇ ਸਕੂਲ ਵਿਚੌ ਇੱਕ ਵੀ ਬੱਚਾ ਫੇਲ ਨਹੀ ਹੋਇਆ।ਇਸ ਸਮਾਜ ਸੇਵੀ ਮਲਕੀਤ ਸਿੰਘ ਨੇ ਚੰਗੀਆਂ ਪੁਜ਼ੀਸ਼ਨਾ ਲੈਣ ਵਾਲੀਆਂ ਵਿਿਦਆਰਥਣਾਂ ਨੂੰ ਜ਼ੁਮੈਟਰੀ,ਕਾਪੀਆਂ ਤੇ ਪਿੰਨ ਵੀ ਦਿੱਤੇ ਗਏ।ਇਸ ਇੰਜਰਾਜ ਪ੍ਰਿਤਪਾਲ ਸਿੰਘ,ਮਾਸਟਰ ਜੁਗਰਾਜ ਸਿੰਘ,ਮਾਸਟਰ ਮਨਜੀਤ ਰਾਏ,ਪੰਚ ਹਰਮਿੰਦਰ ਸਿੰਘ,ਬਲਵਿੰਦਰ ਸਿੰਘ ਮੱਲ੍ਹਾ,ਹਿੰਮਤ ਸਿੰਘ,ਗੁਰਚਰਨ ਸਿੰਘ, ਅਤੇ ਬੱਚਿਆਂ ਦੇ ਮਾਪਿਆਂ ਹਾਜ਼ਰ ਸਨ।

ਕੰਵਲਜੀਤ ਮੱਲ੍ਹਾ ਨੂੰ ਅਕਾਲੀ ਦਲ ਦਾ ਜਥੇਬੰਦਕ ਸਕੱਤਰ ਥਾਪਿਆ

ਜਗਰਾਓਂ, ਮਾਰਚ ( ਮਨਜਿੰਦਰ ਸਿੰਘ ਗਿੱਲ )— ਜਗਰਾਓਂ ਵਿਧਾਨ ਸਭਾ ਹਲਕੇ ਤੋਂ ਸਾਬਕਾ ਵਿਧਾਇਕ ਭਾਗ ਸਿੰਘ ਮੱਲ੍ਹਾ ਦੇ ਸਪੁੱਤਰ ਕੰਵਲਜੀਤ ਸਿੰਘ ਮੱਲਾ ਨੂੰ ਸ਼੍ਰੋਮਣੀ ਅਕਾਲੀ ਦਲ ਦਾ ਜਥੇਬੰਦਕ ਸਕੱਤਰ ਬਣਾਏ ਜਾਣ 'ਤੇ ਪਾਰਟੀ ਵਰਕਰਾਂ ਵਿਚ ਖੁਸ਼ੀ ਦੀ ਲਹਿਰ ਹੈ। ਪਿਛਲੇ ਤਿੰਨ ਦਹਾਕਿਆਂ ਤੋਂ ਜਗਰਾਓਂ ਹਲਕੇ ਦੀ ਸੇਵਾ ਕਰਦੇ ਆ ਰਹੇ ਮੱਲਾ ਪਰਿਵਾਰ ਨੂੰ ਅਕਾਲੀ ਦਲ ਨੇ ਪਿਛਲੇ ਮਹੀਨੇ ਪੀ ਸੀ ਏ ਕਮੇਟੀ ਦਾ ਮੈਂਬਰ ਭਾਗ ਸਿੰਘ ਮੱਲਾ ਨੂੰ ਥਾਪਿਆ ਸੀ ਅਤੇ ਹੁਣ ਕੰਵਲਜੀਤ ਸਿੰਘ ਮੱਲਾ ਨੂੰ ਜਥੇਬੰਦਕ ਸਕੱਤਰ ਥਾਪ ਕੇ ਮਾਣ ਬਖਸ਼ਿਆ ਹੈ। ਕਮਲ ਮੱਲਾ ਨੂੰ ਪਾਰਟੀ ਵੱਲੋਂ ਜਥੇਬੰਦਕ ਸਕੱਤਰ ਨਿਯੁਕਤ ਕੀਤੇ ਜਾਣ 'ਤੇ ਸਾਬਕਾ ਵਿਧਾਇਕ ਐੱਸ ਆਰ ਕਲੇਰ, ਸ਼੍ਰੋਮਣੀ ਕਮੇਟੀ ਮੈਂਬਰ ਭਾਈ ਗੁਰਚਰਨ ਸਿੰਘ ਗਰੇਵਾਲ, ਸਾਬਕਾ ਚੇਅਰਮੈਨ ਦੀਦਾਰ ਸਿੰਘ ਮਲਕ, ਸੀਨੀਅਰ ਅਕਾਲੀ ਆਗੂ ਮਹਿੰਦਰਜੀਤ ਸਿੰਘ ਵਿੱਕੀ, ਕੌਂਸਲਰ ਸਤੀਸ਼ ਪੱਪੂ, ਦੀਪਇੰਦਰ ਸਿੰਘ ਭੰਡਾਰੀ, ਬਲਰਾਜ ਸਿੰਘ ਭੱਠਲ, ਇੰਦਰਜੀਤ ਸਿੰਘ ਲਾਂਬਾ, ਜਥੇਦਾਰ ਗੁਰਚਰਨ ਸਿੰਘ ਗਰੇਵਾਲ, ਹਰਦੇਵ ਸਿੰਘ ਬੌਬੀ ਸਮੇਤ ਅਕਾਲੀ ਭਾਜਪਾ ਲੀਡਰਸ਼ਿਪ ਨੇ ਕਮਲ ਮੱਲਾ ਨੂੰ ਵਧਾਈ ਦਿੰਦਿਆਂ ਪਾਰਟੀ ਹਾਈਕਮਾਨ ਦਾ ਧੰਨਵਾਦ ਕੀਤਾ। ਕੰਵਲਜੀਤ ਮੱਲ੍ਹਾ ਨੇ ਪਾਰਟੀ ਵਲੋਂ ਦਿਤੇ ਗਏ ਇਸ ਸਨਮਾਨ ਤੇ ਸਾਬਕਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਅਤੇ ਪਾਰਟੀ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਦਾ ਧੰਨਵਾਦ ਕਰਦੇ ਹੋਏ ਕਿਹਾ ਕਿ ਜੋ ਜਿੰਮੇਵਾਰੀ ਪਾਰਟੀ ਵਲੋਂ ਉਨ੍ਹਾਂ ਨੂੰ ਸੌਂਪੀ ਗਈ ਹੈ ਉਸਨੂੰ ਉਹ ਪੂਰੀ ਇਮਾਨਦਾਰੀ ਅਤੇ ਤਨਦੇਹੀ ਨਾਲ ਨਿਭਾਉਣਗੇ।

ਲੋਕ ਸਭਾ ਚੋਣਾਂ ਨੂੰ ਲੈ ਕੇ ਪੁਲਿਸ ਨੇ ਥਾਂ-ਥਾਂ ਤੇ ਨਾਕਾਬੰਦੀ ਕਰਕੇ ਕੀਤੀ ਚੈਕਿੰਗ

ਜਗਰਾਓਂ, 28 ਮਾਰਚ (ਰਛਪਾਲ ਸਿੰਘ ਸ਼ੇਰਪੁਰੀ)। ਲੋਕ ਸਭਾ ਚੋਣਾਂ ਨੂੰ ਲੈ ਕੇ ਲੁਧਿਆਣਾ ਦਿਹਾਤੀ ਦੀ ਜਗਰਾਓਂ ਪੁਲਿਸ ਹਾਈਟੈਕ ਤਰੀਕੇ ਨਾਲ ਥਾਂ-ਥਾਂ ਤੇ ਨਾਕਾਬੰਦੀ ਕਰਕੇ ਚੈਕਿੰਗ ਕੀਤੀ ਗਈ। ਜਿਸ ਵਿੱਚ ਜਗਰਾਓਂ ਪੁਲਿਸ ਦੇ ਐੱਸਐੱਸਪੀ ਵਰਿੰਦਰ ਸਿੰਘ ਬਰਾੜ ਨੇ ਨਾਕਿਆਂ ਦਾ ਨਿਰੀਖਣ ਕਰਦੇ ਹੋਏ ਪੁਲਿਸ ਅਧਿਕਾਰੀਆਂ ਅਤੇ ਮੁਲਾਜ਼ਮਾਂ ਨੂੰ ਚੋਣਾਂ ਦੇ ਮੱਦੇਨਜਰ ਚੌਕਸ ਰਹਿਣ ਦੇ ਨਿਰਦੇਸ਼ ਦਿੱਤੇ। ਇਨ੍ਹਾਂ ਨਾਕਿਆਂ ਦੋਰਾਨ ਪੁਲਿਸ ਵੱਲੋਂ ਟਰੈਫਿਕ ਨਿਯਮਾਂ ਦੀ ਉਲੰਘਣਾ ਕਰਨ ਅਤੇ ਗੇੜੀਆਂ ਮਾਰਨ ਦੇ ਚਲਾਨ ਵੀ ਕੱਟੇ। ਇਨ੍ਹਾਂ ਨਾਕਿਆਂ ਦੀ ਚੈਕਿੰਗ ਦੋਰਾਨ ਐੱਸਐੱਸਪੀ ਵਰਿੰਦਰ ਸਿੰਘ ਬਰਾੜ ਨੇ ਦੱਸਿਆ ਕਿ ਚੋਣ ਕਮਿਸ਼ਨ ਦੀਆਂ ਹਦਾਇਤਾਂ ਅਨੁਸਾਰ 2019 ਦੀਆਂ ਲੋਕ ਸਭਾ ਨੂੰ ਸ਼ਾਂਤੀਪੂਰਨ ਨੇਪਰੇ ਚਾੜ੍ਹਨ ਲਈ ਜਗਰਾਓਂ ਪੁਲਿਸ ਪੂਰੀ ਤਰ੍ਹਾਂ ਨਾਲ ਮੂਸਤੈਦ ਹੈ, ਪੁਲਿਸ ਜ਼ਿਲ੍ਹੇ ਭਰ ਵਿੱਚ ਸੁਰੱਖਿਆ ਦੇ ਸਖਤ ਪ੍ਰਬੰਧ ਕੀਤੇ ਗਏ ਹਨ ਅਤੇ ਹਰੇਕ ਆੁÀਣ ਜਾਣ ਵਾਲੇ ਵਾਹਨ ਤੇ ਤਿੱਖੀ ਨਜਰ ਰੱਖੀ ਜਾ ਰਹੀ ਹੈ।

ਸਰਕਾਰ ਨੂੰ ਚੋਣਾਂ 'ਚ ਕੀਤੇ ਵਾਅਦੇ ਯਾਦ ਕਰਵਾਉਣ ਲਈ ਪੇਂਡੂ ਮਜ਼ਦੂਰ ਯੂਨੀਅਨ ਨੇ ਕੀਤਾ ਰੋਸ ਮਾਰਚ

ਜਗਰਾਓਂ, 28 ਮਾਰਚ (ਰਛਪਾਲ ਸਿੰਘ ਸ਼ੇਰਪੁਰੀ)। ਪੰਜਾਬ ਸਰਕਾਰ ਨੂੰ ਚੋਣਾਂ ਦੋਰਾਨ ਕੀਤੇ ਵਾਅਦੇ ਯਾਦ ਕਰਵਾਉਣ ਲਈ ਪੇਂਡੂ ਮਜ਼ਦੂਰ ਯੂਨੀਅਨ ਵੱਲੋਂ ਰੋਸ ਮਾਰਚ ਕੱਢਿਆ ਗਿਆ। ਜੋ ਕਿ ਪਾਵਰਕਾਮ ਐਕਸੀਅਨ ਦੇ ਦਫਤਰ ਤੋਂ ਲੈ ਕੇ ਐੱਸਡੀਐੱਮ ਦਫਤਰ ਤੱਕ ਕੱਢਿਆ ਗਿਆ। ਇਸ ਮੋਕੇ ਸੰਬੋਧਨ ਕਰਦੇ ਹੋਏ ਜੱਥੇਬੰਦੀ ਦੇ ਜ਼ਿਲ੍ਹਾ ਪ੍ਰਧਾਨ ਅਵਤਾਰ ਸਿੰਘ ਰਸੂਲਪੁਰ, ਸੁਖਦੇਵ ਸਿੰਘ ਮਾਣੂੰਕੇ ਅਤੇ ਮਦਨ ਸਿੰਘ ਨੇ ਦੱਸਿਆ ਕਿ ਕੈਪਟਨ ਸਰਕਾਰ ਨੇ ਚੋਣ ਮੈਨੀਫੈਸਟੋ ਦੋਰਾਨ ਵਾਅਦਾ ਕੀਤਾ ਸੀ ਕਿ ਗਰੀਬਾਂ ਨੂੰ 10-10 ਮਰਲੇ ਦਾ ਪਲਾਟ, ਕਰਜਾ ਮੁਆਫੀ, ਆਟਾ ਦਾਲ ਸਕੀਮ, ਸ਼ਗਨ ਸਕੀਮ ਤਹਿਤ ਵਿਆਹ ਤੋਂ 10 ਦਿਨ ਪਹਿਲਾਂ ਰਾਸ਼ੀ ਦੇਣ ਅਤੇ ਪੈਨਸ਼ਨਾਂ 'ਚ ਵਾਧਾ ਕਰਕੇ ਪਹਿਲੀ ਤਰੀਖ ਨੂੰ ਜਾਰੀ ਕਰਨ ਦਾ ਵਾਅਦਾ ਕੀਤਾ ਸੀ, ਪਰ ਹਾਲੇ ਤੱਕ ਕੋਈ ਵੀ ਵਾਅਦਾ ਪੂਰਾ ਨਹੀਂ ਕੀਤਾ। ਉਨ੍ਹਾਂ ਮਜ਼ਦੂਰਾਂ ਨੂੰ ਮੰਗਾਂ ਦੀ ਪ੍ਰਾਪਤੀ ਲਈ ਤਿੱਖਾ ਸੰਘਰਸ਼ ਕਰਨ ਦਾ ਵੀ ਸੱਦਾ ਦਿੱਤਾ। ਇਸ ਮੋਕੇ ਹੋਰਨਾਂ ਤੋਂ ਇਲਾਵਾ ਗੁਰਚਰਨ ਸਿੰਘ, ਹਾਕਮ ਸਿੰਘ, ਨਿਰਮਲ ਸਿੰਘ, ਕਿਰਤੀ ਕਿਸਾਨ ਯੂਨਅਨ ਦੇ ਤਰਲੋਚਨ ਸਿੰਘ, ਕੁਲਵੰਤ ਸੋਨੀ, ਇਨਕਲਾਬੀ ਕੇਂਦਰ ਪੰਜਾਬ ਦੇ ਕੰਵਲਜੀਤ ਸਿੰਘ ਖੰਨਾ ਅਤੇ ਵਰਕਰ ਹਾਜ਼ਰ ਸਨ।

ਮੰਗਾਂ ਨੂੰ ਲੈ ਕੇ ਰੋਡਵੇਜ਼ ਮੁਲਾਜ਼ਮਾਂ ਨੇ ਕੀਤੀ ਗੇਟ ਰੈਲੀ

ਜਗਰਾਓਂ, 28 ਮਾਰਚ (ਰਛਪਾਲ ਸਿੰਘ ਸ਼ੇਰਪੁਰੀ)। ਮੰਗਾਂ ਨੂੰ ਲੈ ਕੇ ਪੰਜਾਬ ਰੋਡਵੇਜ਼ ਦੇ ਮੁਲਾਜ਼ਮਾਂ ਨੇ ਅੱਜ ਸਾਂਝੀ ਐਕਸ਼ਨ ਕਮੇਟੀ ਦੇ ਸੱਦੇ ਤੇ ਭਰਵੀਂ ਗੇਟ ਰੈਲੀ ਕੀਤੀ। ਜਗਰਾਓਂ ਦੇ ਬੱਸ ਅੱਡੇ ਵਿਖੇ ਇਸ ਗੇਟ ਰੈਲੀ ਨੂੰ ਸੰਬੋਧਨ ਕਰਦਿਆਂ ਸੂਬਾ ਪ੍ਰਧਾਨ ਗੁਰਦੀਪ ਸਿੰਘ ਮੋਤੀ, ਸੈਕਟਰੀ ਅਵਤਾਰ ਸਿੰਘ ਗਗੜਾ ਅਤੇ ਕਰਮਚਾਰੀ ਦਲ ਦੇ ਪ੍ਰਧਾਨ ਸੁਖਪਾਲ ਸਿੰਘ ਨੇ ਦੱਸਿਆ ਕਿ ਟਰਾਂਸਪੋਰਟ ਮੰਤਰੀ ਦੀ ਮੁਲਾਜ਼ਮਾਂ ਅਤੇ ਮਹਿਕਮੇ ਪ੍ਰਤੀ ਵਤੀਰਾ ਬਹੁਤ ਹੀ ਮਾੜਾ ਹੈ ਜਿਸ ਕਾਰਨ ਵਰਕਰਾਂ ਵਿੱਚ ਭਾਰੀ ਰੋਸ ਹੈ। ਉਨ੍ਹਾਂ ਦੱਸਿਆ ਕਿ ਟਰਾਂਸਪੋਰਟ ਪਾਲਸੀ ਤੇ ਸੁਪਰੀਮ ਕੋਰਟ ਦਾ ਫੈਸਲਾ ਲਾਗੂ ਕੀਤਾ ਜਾਵੇ, ਨਜਾਇਜ ਚਲ ਰਹੇ ਪਰਮਿਟ ਰੱਦ ਕੀਤੇ ਜਾਣ, ਟਾਈਮ ਟੇਬਲ ਵਿੱਚ ਸਮੇਂ ਦੀ ਇੱਕਸਾਰਤਾ ਕਰਕੇ ਰੋਡਵੇਜ ਦੀਆਂ ਸ਼ਿਫਟਾਂ ਚਾਲੂ ਕੀਤੀਆਂ ਜਾਣ ਅਤੇ ਸਿਆਸੀ ਦਖਲ ਅੰਦਾਜੀ ਬੰਦ ਕੀਤੀ ਜਾਵੇ ਆਦਿ ਮੰਗਾਂ ਤੇ ਸਰਕਾਰ ਵੱਲੋਂ ਭਰੋਸਾ ਦਿੱਤਾ ਗਿਆ ਸੀ , ਪਰ ਤਿੰਨ ਮਹੀਨੇ ਬੀਤ ਜਾਣ ਤੇ ਵੀ ਕੋਈ ਕਾਰਵਾਈ ਨਹੀਂ ਕੀਤੀ ਗਈ। ਰੋਡਵੇਜ਼ ਆਗੂਆਂ ਨੇ ਸਰਕਾਰ ਤੋਂ ਮੰਗ ਕੀਤੀ ਕਿ 2004 ਤੋਂ ਭਰਤੀ ਮੁਲਾਜ਼ਮਾਂ ਤੇ ਪੁਰਾਨੀ ਪੈਨਸ਼ਨ ਲਾਗੂ ਕੀਤੀ ਜਾਵੇ, ਠੇਕੇ ਤੇ ਭਰਤੀ ਮੁਲਾਜ਼ਮ ਪੱਕੇ ਕੀਤੇ ਜਾਣ, ਪੇ ਕਮਿਸ਼ਨ ਦੀ ਰਿਪੋਰਟ ਲਾਗੂ ਕੀਤੀ ਜਾਵੇ, ਡੀਏ ਦੀਆਂ ਕਿਸ਼ਤਾਂ ਦਾ ਬਕਾਇਆ ਜਾਰੀ ਕੀਤਾ ਜਾਵੇ, ਠੇਕੇਦਾਰਾਂ ਵੱਲੋਂ ਕੀਤੀ ਜਾ ਰਹੀ ਲੁੱਟ ਬੰਦ ਕੀਤੀ ਜਾਵੇ, ਕਰਜਾ ਮੁਕਤ ਪਨਬੱਸਾਂ ਰੋਡਵੇਜ ਵਿੱਚ ਸ਼ਾਮਲ ਕੀਤੀਆਂ ਜਾਣ ਅਤੇ ਦਿੱਲੀ ਏਅਰਪੋਰਟ ਨੂੰ ਵੋਲਵੋ ਬੱਸਾਂ ਚਾਲੂ ਕੀਤੀਆਂ ਜਾਣ। ਇਸ ਮੋਕੇ ਪ੍ਰਧਾਨ ਬਲਜੀਤ ਸਿੰਘ ਮੋਤੀ, ਜਗਦੀਸ਼ ਸਿੰਘ ਕਾਉਂਕੇ, ਸੈਕਟਰੀ ਪਰਮਜੀਤ ਸਿੰਘ, ਧਰਮਿੰਦਰ ਸਿੰਘ ਬੱਸੀਆਂ, ਪ੍ਰਿਤਪਾਲ ਸਿੰਘ, ਬਰਜਿੰਦਰ ਸਿੰਘ, ਕੇਵਲ ਸਿੰਘ, ਮਨਿੰਦਰ ਸਿੰਘ, ਹਰਬਿੰਦਰ ਸਿੰਘ, ਗੁਰਦੀਪ ਸਿੰਘ ਹਠੂਰ ਅਤੇ ਕਰਮਚਾਰੀ ਦਲ ਨੇ ਵੀ ਰੈਲੀ ਸੰਬੋਧਨ ਕਰਦੇ ਹੋਏ ਸਰਕਾਰ ਦੀ ਲੋਕ ਮਾਰੂ ਨੀਤੀਆਂ ਖਿਲਾਫ ਟਰਾਂਸਪੋਰਟ ਮੰਤਰੀ ਦੇ ਹਲਕੇ 'ਚ ਕੀਤੇ ਜਾਣ ਵਾਲੇ ਝੰਡਾ ਮਾਰਚ 'ਚ ਮੁਲਾਜ਼ਮਾਂ ਨੂੰ ਸ਼ਾਮਲ ਹੋਣ ਦਾ ਸੱਦਾ ਦਿੱਤਾ।

ਖਿਡਾਰਨ ਵੀਰਪਾਲ ਕੌਰ ਦਾ ਕੀਤਾ ਸਨਮਾਨ

ਜਗਰਾਓ,28,ਮਾਰਚ-(ਰਛਪਾਲ ਸਿੰਘ ਸੇਰਪੁਰੀ)-ਯੂਥ ਇੰਡੀਪੈਂਡੈਟ ਸਪੋਰਟਸ ਐਂਡ ਵੈਲਫੇਅਰ ਕਲੱਬ ਮੱਲ੍ਹਾ ਦੇ ਪ੍ਰਧਾਨ ਕੁਲਦੀਪ ਸਿੰਘ ਗੋਗਾ ਦੀ ਅਗਵਾਈ ਹੇਠ ਸਮੂਹ ਗ੍ਰਾਮ ਪੰਚਾਇਤ ਮੱਲ੍ਹਾ ਅਤੇ ਨਹਿਰੂ ਯੂਵਾ ਕੇਦਰ ਲੁਧਿਆਣਾ ਦੇ ਸਹਿਯੋਗ ਨਾਲ ਪਿੰਡ ਮੱਲ੍ਹਾ ਵਿਖੇ ਨਸ਼ਿਆ ਖਿਲਾਫ ਸੈਮੀਨਰ ਕਰਵਾਇਆ ਗਿਆ।ਇਸ ਸੈਮੀਨਾਰ ਵਿਚ ਸੇਵਾ ਮੁਕਤ ਐਸਐਮਓ ਡਾਕਟਰ ਰੂਪ ਦਾਸ ਬਾਵਾ,ਏਐਸਆਈ ਸੇਰ ਸਿੰਘ,ਸੋਲਜਰ ਅਕੈਡਮੀ ਰਾਏਕੋਟ ਦੇ ਇੰਸਟਕਟਰ ਨਰਿੰਦਰ ਸਿੰਘ,ਯੂਥ ਆਗੂ ਜਗਦੀਸ ਸਿੰਘ ਦੀਸਾ ਮੁੱਖ ਮਹਿਮਾਨ ਵਜੋ ਹਾਜਰ ਹੋਏ।ਇਸ ਮੌਕੇ ਸੰਬੋਧਨ ਕਰਦਿਆ ਮੁੱਖ ਮਹਿਮਾਨਾ ਨੇ ਵਾਰੋ-ਵਾਰੀ ਨਸ਼ਿਆ ਖਿਲਾਫ ਆਪਣੇ ਵਿਚਾਰ ਪੇਸ ਕਰਦਿਆ ਕਿਹਾ ਕਿ ਨਸੇ ਜਿਥੇ ਸਾਨੂੰ ਸਰੀਰਕ ਤੌਰ ਤੇ ਨਕਾਰਾ ਕਰਦੇ ਹਨ ਉੱਥੇ ਨਸਾ ਵਿਅਕਤੀ ਦਾ ਸਮਾਜ ਵਿਚ ਮਾਨ ਸਨਮਾਨ ਵੀ ਖਤਮ ਕਰ ਦਿੰਦਾ ਹਨ।ਉਨ੍ਹਾ ਕਿਹਾ ਕਿ ਨਸ਼ਾ ਛੱਡਣਾ ਕੋਈ ਵੱਡੀ ਗੱਲ ਨਹੀ ਸਿਰਫ ਨਸ਼ਾ ਛੱਡਣ ਵਾਲੇ ਵਿਅਕਤੀ ਨੂੰ ਖੁਦ ਦਿਮਾਗੀ ਤੌਰ ਤੇ ਤਿਆਰ ਹੋਣਾ ਚਾਦੀਹਾ ਹੈ ਤਾਂ ਹੀ ਨਸੇ ਦੇ ਕੋਹੜ ਨੂੰ ਛੱਡਿਆ ਜਾ ਸਕਦਾ ਹੈ।ਉਨ੍ਹਾ ਕਿਹਾ ਕਿ ਸਰਕਾਰ ਵੱਲੋ ਜਗ੍ਹਾ-ਜਗ੍ਹਾ ਨਸ਼ਾ ਛੜਾਊ ਸੈਟਰ ਖੋਲੇ ਗਏ ਹਨ ਜਿਸ ਵਿਚ ਮਰੀਜਾ ਦਾ ਫਰੀ ਇਲਾਜ ਹੋ ਰਿਹਾ ਹੈ।ਇਸ ਮੌਕੇ ਸਰਪੰਚ ਹਰਬੰਸ ਸਿੰਘ ਢਿੱਲੋ ਨੇ ਕਿਹਾ ਕਿ ਜੇਕਰ ਕੋਈ ਵੀ ਨੌਜਵਾਨ ਖੁਦ ਨਸ਼ਾ ਛੱਡਣਾ ਚਾਹੁੰਦਾ ਹੈ ਤਾਂ ਗ੍ਰਾਮ ਪੰਚਾਇਤ ਮੱਲ੍ਹਾ ਉਸ ਦਾ ਸਹਿਯੋਗ ਦੇਵੇਗੀ।ਇਸ ਮੌਕੇ ਬੀਤੇ ਮਹੀਨੇ ਪੰਜਾਬ ਦੀਆ ਸਮੂਹ ਯੂਨੀਵਰਸਿਟੀ ਦੀਆ ਪੰਜਾਬ ਪੱਧਰੀ ਖੇਡਾ ਵਿਚੋ ਪਿੰਡ ਮੱਲ੍ਹਾ ਦੀ ਜੰਮਪਲ ਵੀਰਪਾਲ ਕੌਰ ਨੇ ਹਾਈ ਜੰਪ ਵਿਚੋ ਪਹਿਲਾ ਸਥਾਨ ਪਾਪਤ ਕਰਕੇ ਸੋਨੇ ਦਾ ਤਗਮਾ ਜਿੱਤਿਆ ਅਤੇ ਲੌਗ ਜੰਪ ਵਿਚੋ ਚਾਦੀ ਦਾ ਤਗਮਾ ਜਿੱਤਣ ਵਾਲੀ ਖਿਡਾਰਨ ਨੂੰ ਨਛੱਤਰ ਸਿੰਘ ਕੈਨੇਡਾ ਵੱਲੋ 3100 ਰੁਪਏ, ਗ੍ਰਾਮ ਪੰਚਾਇਤ ਮੱਲ੍ਹਾ ਵੱਲੋ 5100 ਰੁਪਏ ਅਤੇ ਕਲੱਬ ਵੱਲੋ ਸਨਮਾਨ ਚਿੰਨ ਦੇ ਕੇ ਵਿਸ਼ੇਸ ਤੌਰ ਤੇ ਸਨਮਾਨਿਤ ਕੀਤਾ ਗਿਆ।ਇਸ ਮੌਕੇ ਸਮਾਜ ਸੇਵਕ ਨਛੱਤਰ ਸਿੰਘ ਕੈਨੇਡੀਅਨ ਨੇ ਕਿਹਾ ਕਿ ਬਹੁਤ ਖੁਸੀ ਦੀ ਗੱਲ ਹੈ ਕਿ ਸਾਡੇ ਪਿੰਡ ਦੀ ਧੀ ਨੇ ਪਿੰਡ ਮੱਲ੍ਹਾ ਦਾ ਨਾਮ ਰੋਸਨ ਕੀਤਾ ਹੈ।ਇਸ ਮੌਕੇ ਸਟੇਜ ਸਕੱਤਰ ਦੀ ਭੂਮਿਕਾ ਮਾਸਟਰ ਸਰਬਜੀਤ ਸਿੰਘ ਨੇ ਨਿਭਾਈ।ਅੰਤ ਵਿਚ ਸਰਪੰਚ ਹਰਬੰਸ ਸਿੰਘ ਢਿੱਲੋ ਨੇ ਸਮੂਹ ਮਹਿਮਾਨਾ ਅਤੇ ਪਿੰਡ ਵਾਸੀਆ ਦਾ ਧੰਨਵਾਦ ਕੀਤਾ।ਇਸ ਮੌਕੇ ਉਨ੍ਹਾ ਨਾਲ ਨਛੱਤਰ ਸਿੰਘ ਸਰਾਂ,ਪੰਚ ਜਗਦੀਸ ਸਿੰਘ,ਪੰਚ ਜਗਜੀਤ ਸਿੰਘ ਖੇਲਾ, ਪੰਚ ਗੁਰਮੇਲ ਸਿੰਘ, ਜਸਵਿੰਦਰ ਸਿੰਘ, ਨਰਿੰਦਰ ਸਿੰਘ, ਰਾਮ ਸਿੰਘ ਸਰਾਂ,ਵਿੱਕੀ ਮੱਲ੍ਹਾ,ਲਖਵੀਰ ਸਿੰਘ ਆਦਿ ਤੋ ਇਲਾਵਾ ਵੱਡੀ ਗਿਣਤੀ ਵਿਚ ਪਿੰਡ ਵਾਸੀ ਹਾਜਰ ਸਨ।