ਲੁਧਿਆਣਾ

ਜਗਰਾਉ 24 ਮਈ (ਅਮਿਤਖੰਨਾ) ਜਗਰਾਉਂ, ਪ੍ਰਾਚੀਨ ਸਿੱਧ ਸ਼੍ਰੀ ਮਾਤਾ ਭੱਦਰਕਾਲੀ ਤਾਲਾਬ ਮੰਦਿਰ ਦਾ ਸਾਲਾਨਾ ਮੇਲਾ ਅਤੇ ਭੰਡਾਰਾ 26 ਮਈ ਨੂੰ ਕਰਵਾਇਆ ਜਾ ਰਿਹਾ ਹੈ। ਜਾਣਕਾਰੀ ਦਿੰਦੇ ਹੋਏ ਪ੍ਰਾਚੀਨ ਸਿੱਧ ਸ਼੍ਰੀ ਮਾਤਾ ਭੱਦਰਕਾਲੀ ਤਾਲਾਬ ਮੰਦਰ ਟਰੱਸਟ ਦੇ ਚੇਅਰਮੈਨ ਪਰਾਸ਼ਰ ਦੇਵ ਸ਼ਰਮਾ ਨੇ ਦੱਸਿਆ ਕਿ ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਸ਼੍ਰੀ ਮਾਤਾ ਭੱਦਰਕਾਲੀ ਮਹਾਮਾਈ ਦਾ ਸਲਾਨਾ ਮੇਲਾ ਅਤੇ ਭੰਡਾਰਾ 26 ਮਈ ਦਿਨ ਵੀਰਵਾਰ ਨੂੰ ਹੋਵੇਗਾ। 26 ਮਈ ਨੂੰ ਮੰਦਿਰ ਵਿਖੇ ਮੰਦਿਰ ਵਿਖੇ ਵਿਸ਼ਾਲ ਭੰਡਾਰੇ ਦਾ ਆਯੋਜਨ ਕੀਤਾ ਜਾਵੇਗਾ ਜਿਸ ਵਿੱਚ ਟਰੱਸਟ ਵੱਲੋਂ ਵਿਸ਼ੇਸ਼ ਤੌਰ 'ਤੇ ਪੁੱਜੀਆਂ ਸੰਗਤਾਂ ਨੂੰ ਪਹੁੰਚਣ ਦੀ ਅਪੀਲ ਕਰਦਿਆਂ ਕਿਹਾ ਕਿ ਸਮੂਹ ਨਗਰ ਨਿਵਾਸੀਆਂ ਨੂੰ ਵੀਰਵਾਰ ਸ਼ਾਮ ਨੂੰ ਮੰਦਿਰ ਪਰਿਸਰ ਵਿੱਚ ਪਹੁੰਚ ਕੇ ਮਾਤਾ ਰਾਣੀ ਦਾ ਆਸ਼ੀਰਵਾਦ ਭੰਡਾਰੇ ਦਾ ਆਨੰਦ ਮਾਣਨ ਦੀ ਅਪੀਲ ਕੀਤੀ।

ਜਗਰਾਉ 24 ਮਈ (ਅਮਿਤਖੰਨਾ)ਅੱਜ ਜੀ. ਐੱਚ. ਜੀ. ਅਕੈਡਮੀ, ਜਗਰਾਓਂ ਵਿਖੇ ਗਿਆਰ੍ਹਵੀਂ ਜਮਾਤ ਦੇ ਵਿਦਿਆਰਥੀਆਂ ਦਾ ਸਵਾਗਤ ਫ੍ਰੈਸ਼ਰ ਪਾਰਟੀ ਦੇ ਕੇ ਕੀਤਾ।ਪਾਰਟੀ ਦੇ ਨਾਲ- ਨਾਲ ਵਿਦਿਆਰਥੀਆਂ ਨੂੰ ਗਿਆਰ੍ਹਵੀਂ ਜਮਾਤ ਵਿੱਚ ਵਿਸ਼ਿਆਂ ਦੀ ਚੋਣ ਸਬੰਧੀ ਮਹੱਤਵਪੂਰਨ ਜਾਣਕਾਰੀ ਸਬੰਧਿਤ ਅਧਿਆਪਕਾਂ ਦੁਆਰਾ ਪ੍ਰੈਜ਼ੈਂਟੇਸ਼ਨ ਰਾਹੀਂ ਸਾਂਝੀ ਕੀਤੀ ਗਈ ।ਤਾਂ ਕਿ ਵਿਦਿਆਰਥੀ ਆਪਣੀ ਰੁਚੀ, ਯੋਗਤਾ ਅਤੇ ਉਦੇਸ਼ ਨੂੰ ਮੁੱਖ ਰੱਖ ਕੇ ਗਿਆਰ੍ਹਵੀਂ ਜਮਾਤ ਵਿਚ  ਸਹੀ ਵਿਸ਼ੇ ਦੀ ਚੋਣ ਕਰ ਸਕਣ।ਵਿਸ਼ਿਆਂ ਸੰਬੰਧੀ  ਵਿਦਿਆਰਥੀਆਂ ਦੁਆਰਾ  ਅਧਿਆਪਕਾਂ ਤੋਂ ਕੁਝ ਪ੍ਰਸ਼ਨ ਵੀ ਪੁੱਛੇ ਗਏ।ਇਸ ਮੌਕੇ ਤੇ ਵਿਦਿਆਰਥੀਆਂ ਨੂੰ ਰਿਫਰੈਸ਼ਮੈਂਟ ਵੀ ਦਿੱਤੀ ਗਈ  ।ਅਖੀਰ ਵਿੱਚ ਜੀ.ਐੱਚ. ਜੀ. ਅਕੈਡਮੀ ਦੇ ਪ੍ਰਿੰਸੀਪਲ ਸ੍ਰੀਮਤੀ ਰਮਨਜੋਤ ਕੌਰ ਗਰੇਵਾਲ ਨੇ ਵਿਦਿਆਰਥੀਆਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਉਨ੍ਹਾਂ ਨੂੰ ਸਿਰਫ ਆਪਣੀ ਰੁਚੀ ਅਤੇ ਉਦੇਸ਼ ਅਨੁਸਾਰ ਹੀ ਵਿਸ਼ਿਆਂ ਦੀ ਚੋਣ ਕਰਨੀ ਚਾਹੀਦੀ ਹੈ ਨਾ ਕਿ ਕਿਸੇ ਦੀ ਦੇਖਾ ਦੇਖੀ।ਪ੍ਰਿੰਸੀਪਲ ਵੱਲੋਂ ਵਿਦਿਆਰਥੀਆਂ ਨੂੰ ਦਸਵੀਂ ਵਿੱਚੋਂ ਚੰਗੇ ਅੰਕ ਪ੍ਰਾਪਤ ਕਰਨ ਅਤੇ ਆਪਣੀ ਮੰਜ਼ਿਲ ਪ੍ਰਾਪਤ ਕਰਨ ਲਈ ਸ਼ੁਭ ਇੱਛਾਵਾਂ ਵੀ ਦਿੱਤੀਆਂ ਗਈਆਂ।

ਜਗਰਾਓ,ਹਠੂਰ,24,ਮਈ-(ਕੌਸ਼ਲ ਮੱਲ੍ਹਾ)-ਵਿਧਾਨ ਸਭਾ ਹਲਕਾ ਮਾਨਸਾ ਦੇ ਵਿਧਾਇਕ ਪੰਜਾਬ ਦੇ ਸਿਹਤ ਮੰਤਰੀ ਵਿਜੈ ਸਿੰਗਲਾ ਵੱਲੋ ਠੇਕੇਦਾਰਾ ਤੋ ਇੱਕ ਪ੍ਰਤੀਸਤ ਰਿਸਵਤ ਮੰਗਣ ਦੇ ਦੋਸ ਤਹਿਤ ਪੰਜਾਬ ਦੀ ਆਪ ਸਰਕਾਰ ਨੇ ਆਪਣੇ ਹੀ ਮੰਤਰੀ ਤੇ ਰਿਸਵਤ ਲੈਣ ਦਾ ਮਾਮਲਾ ਦਰਜ ਕਰਕੇ ਪੰਜਾਬ ਦੀਆ ਵਿਰੋਧੀ ਪਾਰਟੀਆ ਨੂੰ ਦੱਸ ਦਿੱਤਾ ਹੈ ਕਿ ਪੰਜਾਬ ਦੀ ਆਪ ਸਰਕਾਰ ਸੂਬੇ ਵਿਚ ਰਿਸਵਤਖੋਰੀ ਖਤਮ ਕਰਨ ਵਿਚ ਮੋਹਰੀ ਸਰਕਾਰ ਹੈ।ਇਨ੍ਹਾ ਸਬਦਾ ਦਾ ਪ੍ਰਗਟਾਵਾ ਯੂਥ ਆਗੂ ਸਿਮਰਨਜੋਤ ਸਿੰਘ ਗਾਹਲੇ ਨੇ ਹਠੂਰ ਵਿਖੇ ਪੱਤਰਕਾਰਾ ਨਾਲ ਕੀਤਾ।ਉਨ੍ਹਾ ਕਿਹਾ ਕਿ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਦੀ ਅਗਵਾਈ ਵਾਲੀ ਸਰਕਾਰ ਸੂਬੇ ਨੂੰ ਨਸ਼ਾ ਅਤੇ ਰਿਸਵਤਖੋਰੀ ਨੂੰ ਪੂਰਨ ਰੂਪ ਵਿਚ ਖਤਮ ਕਰਨ ਲਈ ਦਿਨ-ਰਾਤ ਮਿਹਨਤ ਕਰ ਰਹੀ ਹੈ ਜਿਸ ਵਿਚ ਸਾਡੇ ਸੂਬਾ ਵਾਸੀਆ ਦਾ ਸਾਥ ਹੋਣਾ ਵੀ ਬਹੁਤ ਜਰੂਰੀ ਹੈ।ਉਨ੍ਹਾ ਕਿਹਾ ਕਿ ਅਸੀ ਆਉਣ ਵਾਲੇ ਸਮੇਂ ਵਿਚ ਵੀ ਇਹੀ ਆਸ ਕਰਦੇ ਹਾਂ ਕਿ ਸੂਬੇ ਦੇ ਵਿਚੋ ਰਿਸਵਤਖੋਰੀ ਖਤਮ ਕਰਨ ਲਈ ਦੇਸ ਦੀ ਪਹਿਲੀ ਸਰਕਾਰ ਹੋਵੇਗੀ ਅਤੇ ਭ੍ਰਿਸਟਾਰ ਲੀਡਰਾ ਖਿਲਾਫ ਕਾਨੂੰਨੀ ਕਾਰਵਾਈ ਕਰੇਗੀ।ਇਸ ਮੌਕੇ ਉਨ੍ਹਾ ਨਾਲ ਹਠੂਰ ਇਕਾਈ ਦੇ ਆਹੁਦੇਦਾਰ ਅਤੇ ਮੈਬਰ ਹਾਜ਼ਰ ਸਨ।

ਪਿਛਲੇ ਦਿਨੀਂ ਟਰੱਕ ਯੂਨੀਅਨ ਨੇ ਆੜ੍ਹਤੀਆਂ ਨਾਲ ਹੋਏ ਧੱਕੇ ਦਾ ਅਫ਼ਸੋਸ ਜ਼ਾਹਰ ਕੀਤਾ - ਕਮਲਜੀਤ ਖੰਨਾ  

ਜਗਰਾਉਂ, 24 ਮਈ (ਮਨਜਿੰਦਰ ਗਿੱਲ) ਅੱਜ ਇੱਥੇ ਸਥਾਨਕ ਉਪਮੰਡਲ ਮੈਜਿਸਟਰੇਟ ਸ੍ਰੀ ਵਿਕਾਸ ਹੀਰਾ ਅਤੇ ਡੀ ਐਸ ਪੀ ਸਿਟੀ ਸ਼ੀਰੀ ਦਲਜੀਤ ਸਿੰਘ ਵਿਰਕ ਦੀ ਨਿਗਰਾਨੀ ਹੇਠ ਟਰੱਕ ਯੂਨੀਅਨ,ਕੈਂਟਰ ਯੂਨੀਅਨ, ਆੜਤੀਆਂ, ਵਪਾਰੀਆਂ, ਸਬਜ਼ੀ ਉਤਪਾਦਕਾਂ ਤੇ ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਡਕੌਂਦਾ ਦੀ ਸਾਂਝੀ ਮੀਟਿੰਗ ਐਸ ਡੀ ਐਮ ਦਫਤਰ ਵਿਖੇ ਹੋਈ।ਇਸ ਮੀਟਿੰਗ ਵਿੱਚ ਸਾਰੀਆਂ ਹੀ ਧਿਰਾਂ ਦੇ ਨੁਮਾਇੰਦੇ ਹਾਜ਼ਰ ਹੋਏ।  ਬੀਤੇ ਚਾਰ ਦਿਨਾਂ ਤੋਂ ਚਲ ਰਿਹਾ ਰੇੜਕਾ ਸਾਰੀਆਂ ਧਿਰਾਂ ਦੀ ਸੂਝਬੂਝ ਅਤੇ ਸਿਆਣਪ‌ ਨਾਲ ਸਦਭਾਵਨਾ ਭਰੇ‌ ਮਾਹੋਲ ਚ ਨਿਪਟਾ ਲਿਆ ਗਿਆ।ਟਰੱਕ ਯੂਨੀਅਨ ਅਤੇ ਆੜਤੀਆਂ ਵਪਾਰੀਆਂ ਤੇ ਸਬਜ਼ੀ ਉਤਪਾਦਕਾਂ ਦਰਮਿਆਨ ਟਰੱਕਾਂ ,ਕੈਂਟਰਾਂ ਤੇ ਮਾਲ ਲੱਦਣ‌ ਦੇ ਰੇਟਾਂ ਦੇ ਮਾਮਲੇ ਵਿੱਚ ਕਈ ਗੇੜਾਂ ਦੀ ਆਪਸੀ ਗੱਲਬਾਤ ਤੋਂ ਬਾਅਦ ਸਰਵਸੰਮਤ  ਸਹਿਮਤੀ ਬਣੀ ਕਿ ਮਾਲ ਢੋਣ ਦੇ ਸੀਰੀ ਨਗਰ ਅਤੇ  ਦਿੱਲੀ ਦੇ ਸਥਾਨਕ ਟਰੱਕ ਯੂਨੀਅਨ ਦੇ ਨਿਰਧਾਰਤ ਰੇਟ ਸਾਰੀਆਂ ਧਿਰਾਂ ਨੂੰ ਪ੍ਰਵਾਨ  ਹੋਣਗੇ।ਬੀਕਾਨੇਰ ਦਾ ਰੇਟ 160 ਰੂਪਏ ਪ੍ਰਤੀ ਕੁਇੰਟਲ ਤੈਅ ਹੋਇਆ।ਬਾਕੀ ਸਾਰੇ ਰੂਟਾਂ ਦੀ ਮੰਗ ਮੁਤਾਬਿਕ ਆਪਸੀ ਸਹਿਮਤੀ ਨਾਲ ਰੇਟ ਤੈਅ ਹੋਇਆ ਕਰਨਗੇ।ਰੇਟ ਤੈਅ ਨਾ ਹੋਣ ਤੇ ਕਿਸਾਨ ਆਪਣੇ ਪੱਧਰ ਤੇ ਕਿਤੋਂ ਵੀ ਵਾਹਨ ਹਾਸਲ ਕਰਨ ਲਈ ਆਜ਼ਾਦ ਹੋਵੇਗਾ ਬਸ਼ਰਤੇ ਕਿ ਉਹ ਆਪਣੇ ਨਾਮ ਤੇ ਵਪਾਰੀ ਨੂੰ ਗੱਡੀ ਨਹੀਂ ਲੈ ਕੇ ਦੇਵੇਗਾ।ਬੀਤੇ ਦਿਨੀਂ ਪਿੰਡ ਲੀਲਾਂ ਮੇਘ ਸਿੰਘ ਦੇ ਕਿਸਾਨ ਕੁਲਦੀਪ ਸਿੰਘ ਦੀ ਟਰੱਕ ਯੂਨੀਅਨ ਵਲੋਂ ਰੋਕੀ ਗੱਡੀ ਚ ਲੱਦਿਆ ਸਮਾਨ ਬੀਕਾਨੇਰ ਦੀ ਮੰਡੀ ਚ ਭੇਜਿਆ ਜਾਵੇਗਾ। ਮਾਲ ਦਾ ਯੋਗ ਹਰਜ਼ਾ ਟਰੱਕ ਯੂਨੀਅਨ ਕਿਸਾਨ ਨੂੰ ਦੇਣ‌ ਲਈ ਪਾਬੰਦ ਹੋਵੇਗੀ। ਇਸ ਸਮੇਂ ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਡਕੌਂਦਾ ਦੇ ਜਿਲਾ ਸਕੱਤਰ ਇੰਦਰਜੀਤ ਸਿੰਘ ਧਾਲੀਵਾਲ, ਲੋਕ ਆਗੂ ਕੰਵਲਜੀਤ ਖੰਨਾ, ਉਤਪਾਦਕ ਕਿਸਾਨਾਂ ਦੇ ਆਗੂ ਸਿਮਰਜੀਤ ਸਿੰਘ ਗਿੱਲ, ਗੁਰਮਿੰਦਰ ਸਿੰਘ, ਕੁਲਦੀਪ ਸਿੰਘ,ਜਗਦੇਵ ਸਿੰਘ,ਹਰਨੇਕ ਸਿੰਘ ਸਿਵੀਆਂ, ਸਨਦੀਪ ਸਿੰਘ,ਗੁਰਇਕਬਾਲ ਸਿੰਘ, ਟਰੱਕ ਤੇ ਕੈੰਟਰ ਯੂਨੀਅਨ ਵਲੋ ਪਿਰਥੀ ਸਿੰਘ, ਬਲਵਿੰਦਰ ਸਿੰਘ,  ਮਨਜੀਤ ਸਿੰਘ ਕਮੇਟੀ ਮੈਂਬਰ ਅਤੇ ਆੜਤੀਆਂ ਵਲੋਂ ਆਕਾਸ਼ਦੀਪ, ਸਰਤਾਜ ਸਿੰਘ ਮਹਿਤਪੁਰ ਹਾਜ਼ਰ ਸਨ। ਇਸ ਸਮੇਂ ਕੰਵਲਜੀਤ ਖੰਨਾ ਨੇ ਕਿਹਾ ਕਿ ਬੀਤੇ ਦਿਨੀਂ ਆੜਤੀਆਂ ਨਾਲ ਹੋਏ ਧੱਕੇ ਦਾ ਟਰੱਕ ਯੂਨੀਅਨ ਕਮੇਟੀ ਨੇ ਅਫਸੋਸ ਜ਼ਾਹਰ ਕੀਤਾ ਹੈ। ਅਤਿਅੰਤ ਸਦਭਾਵਨਾ ਭਰੇ ਮਾਹੌਲ ਚ ਸਿਰੇ ਚੜੇ ਸਮਝੋਤੇ ਤੇ ਪ੍ਰਸ਼ਾਸਨ ਨੇ ਵੀ ਸੁਖ ਦਾ ਸਾਹ ਲਿਆ ਤੇ ਸਾਰੀਆਂ‌ ਧਿਰਾਂ ਨੇ ਵੀ ਤਸੱਲੀ ਦਾ ਇਜਹਾਰ ਕੀਤਾ।