ਲੁਧਿਆਣਾ

ਜਗਰਾਓਂ 30 ਅਕਤੂਬਰ (ਅਮਿਤ ਖੰਨਾ):- ਨਾਨਕਸਰ ਜਗਰਾਓ  ਦੇ ਨਜਦੀਕੀ ਪੈਂਦੇ  ਹੀਰਾ ਐਨੀਮਲਜ ਹਸਪਤਾਲ ਸੁਸਾਇਟੀ ਨੂੰ ਉਨਾ ਦੀਆਂ ਨਿਸਕਾਮ ਸੇਵਾਵਾਂ ਨੂੰ ਮੱੁਖ ਰੱਖਦੇ ਹੋਏ ਕਿਸੇ ਦਾਨੀ ਵੀਰ ਵੱਲੋ ਵਾਟਰ ਟੈਂਕਰ ਗੁਪਤਦਾਨ ਵਜੋ ਦਿੱਤਾ ਗਿਆ ਤਾਂ ਜੋ ਉਹ ਆਪਣੀਆ ਸੇਵਾਵਾਂ ਨੂੰ ਹੋਰ ਬੇਹਤਰ ਬਣਾ ਸਕਣ ।   ਹੀਰਾ ਐਨੀਮਲਜ ਹਸਪਤਾਲ ਸੁਸਾਇਟੀ ਦੇ ਮੱੁਖ ਸੇਵਾਦਾਰ ਕੁਲਵਿੰਦਰ ਸਿੰਘ ਨੇ ਦੱਸਿਆ ਕਿ  ਹੀਰਾ ਐਨੀਮਲਜ ਹਸਪਤਾਲ ਵਿਖੇ ਬੇਸਹਾਰਾ ਜਖਮੀ ਗਊਆਂ ਤੇ ਹੋਰਨਾ ਜੀਵਾਂ ਦਾ ਨਿਸਕਾਮ ਇਲਾਜ ਕੀਤਾ ਜਾਂਦਾ ਹੈ ਤੇ ਹੁਣ ਵਾਟਰ ਟੈਂਕਰ ਦੀ ਸੂਹਲਤ ਮਿਲਣ ਨਾਲ ਹੋਰਨਾਂ ਬੇਸਹਾਰਾਂ ਗਊਆਂ ਤੇ ਜੀਵਾ ਨੂੰ ਪਾਣੀ ਮੁਹੱਈਆਂ ਕਰਵਾਇਆ ਜਾਵੇਗਾ । ਉਨਾ ਦੱਸਿਆ ਕਿ ਵਾਟਰ ਟਂੈਕਰ ਦੀ ਸੂਹਲਤ ਮਿਲਣ ਨਾਲ ਹੁਣ ਨਜਦੀਕੀ ਪੈਂਦੇ ਰਾਏਕੋਟ, ਜਗਰਾਓ,ਮੋਗਾ,ਬਰਨਾਲਾ,ਮੱੁਲਾਪੁਰ,ਬੱਦੋਵਾਲ ,ਲੁਧਿਆਣਾ ਤੇ ਹੋਰਨਾਂ ਕਸਬਿਆਂ ਵਿੱਚ ਪਾਣੀ ਪੀਣ ਵਾਲੀਆ ਖੇਲਾਂ ਬਣਾਈਆਂ ਗਈਆਂ ਹਨ ਤੇ ਉੱਥੇ ਪਾਣੀ ਭੇਜਿਆ ਜਾਵੇਗਾ ਤਾਂ ਜੋ ਕੋਈ ਵੀ ਅਵਾਰਾ ਬੇਸਾਹਰਾ ਗਊ ਜਾ ਜਾਨਵਰ ਪਾਣੀ ਦੀ ਕਿੱਲਤ ਨਾਂ ਮਹਿਸੂਸ ਕਰ ਸਕੇ । ਉਨਾ ਦੱਸਿਆ ਕਿ ਛੇਤੀ ਹੀ ਪੰਜਾਬ ਪੱਧਰ ਤੇ ਬੇਸਹਾਰਾ ਗਊਆ ਤੇ ਜੀਵਾਂ ਲਈ ਪਾਣੀ ਪੀਣ ਵਾਲੀਆ ਖੇਲਾਂ ਬਣਾ ਕੇ ਪਾਣੀ ਭੇਜਣ ਦੀ ਸੇਵਾ ਸੁਰੂ ਕੀਤੀ ਜਾਵੇਗੀ । ਉਨਾ ਵਾਟਰ ਟੈਂਕਰ ਦਾਨ ਕਰਨ ਵਾਲੇ ਦਾਨੀ ਵੀਰ ਦਾ ਧੰਨਵਾਦ ਵੀ ਕੀਤਾ ਤੇ ਦੱਸਿਆ ਕਿ ਹੀਰਾ ਐਨੀਮਲਜ ਹਸਪਤਾਲ ਵਿਖੇ  ਦਾਨੀ ਤੇ ਸਹਿਯੋਗੀ ਵੀਰਾਂ ਦੇ ਸਹਿਯੋਗ ਨਾਲ ਹੀ ਜਖਮੀ ਗਊਆ ਤੇ ਜੀਵਾਂ ਦਾ ਨਿਸਕਾਮ ਇਲਾਜ ਕੀਤਾ ਜਾਂਦਾ ਹੈ । ਇਸ ਮੌਕੇ ਉਨਾ ਨਾਲ ਬੂਟਾ ਸਿੰਘ, ਕਾਕਾ ਪੰਡਿਤ ਸੇਵਾਦਾਰ,ਦਵਿੰਦਰ ਸਿੰਘ ਢਿੱਲੋ ,ਕੁਲਵਿੰਦਰ ਸਿੰਘ ਸੂਬੇਦਾਰ ,ਸਤਪਾਲ ਸਿੰਘ ਕਾਉਂਕੇ ਆਦਿ ਵੀ ਹਾਜਿਰ ਸਨ ।

ਜਗਰਾਓਂ 30 ਅਕਤੂਬਰ (ਅਮਿਤ ਖੰਨਾ):ਡੀ.ਏ.ਵੀ.ਸੀ.ਪਬਲਿਕ ਸਕੂਲ, ਜਗਰਾਉਂ ਵਿਖੇ ਅੱਜ ਮੁਫ਼ਤ ਕਾਨੂੰਨੀ ਸਹਾਇਤਾ ਪ੍ਰਾਪਤੀ ਸੰਬੰਧੀ ਪ੍ਰੋਗਰਾਮ ਕਰਵਾਇਆ ਗਿਆ।ਇਸ ਮੌਕੇ ਸ. ਹਰਜਿੰਦਰ ਸਿੰਘ ਸਿਵਲ ਜੱਜ/ ਅਤੇ ਸ.ਸਿਮਰਜੀਤ ਸਿੰਘ ਸਿਵਲ ਜੱਜ/, ਐਡਵੋਕੇਟ ਸ੍ਰੀ ਵਿਵੇਕ ਭਾਰਦਵਾਜ,ਸ੍ਰੀ ਰੋਹਿਤ ਅਰੋੜਾ,ਸ੍ਰੀ ਮਤੀ ਕਿਰਨਜੀਤ ਕੌਰ ਜੀ ਨੇ ਕਾਨੂੰਨੀ ਸੇਵਾਵਾਂ ਸੰਬੰਧੀ ਜਾਣਕਾਰੀ ਦਿੱਤੀ। ਇਸ ਮੌਕੇ ਹਾਜ਼ਰ ਵਿਿਦਆਰਥੀਆਂ ਅਤੇ ਅਧਿਆਪਕਾਂ ਨੂੰ ਬੜੀਆਂ ਹੀ ਜ਼ਰੂਰੀ ਗੱਲਾਂ ਤੋਂ ਜਾਣੂ ਕਰਵਾਇਆ ਗਿਆ  ਜਿਵੇਂ ਕਨੂੰਨੀ ਸਹਾਇਤਾ ਦੇ ਹੱਕਦਾਰ ਕੌਣ ਹਨ, ਮੁਫ਼ਤ ਕਾਨੂੰਨੀ ਸਹਾਇਤਾ ਕਿਵੇਂ ਪ੍ਰਾਪਤ ਕੀਤੀ ਜਾ ਸਕਦੀ ਹੈ, ਕਨੂੰਨੀ ਸਹਾਇਤਾ ਨੂੰ ਪ੍ਰਾਪਤ ਕਿਵੇਂ ਕੀਤਾ ਜਾ ਸਕਦਾ ਹੈ। ਮੁਫਤ ਕਾਨੂੰਨੀ ਸਹਾਇਤਾ ਪ੍ਰਾਪਤੀ ਲਈ, ਲੋਕ ਅਦਾਲਤਾਂ ਵਿਚ ਕੇਸ ਸਬੰਧੀ ਸੁਵਿਧਾਵਾਂ ਪ੍ਰਾਪਤ ਕਰਨ ਦੇ ਢੰਗਾਂ ਤੋਂ ਵੀ ਜਾਣੂ ਕਰਵਾਇਆ ਗਿਆ। ਇਸ ਪ੍ਰੋਗਰਾਮ ਵਿੱਚ ਇਹ ਵੀ ਦੱਸਣ ਦਾ ਯਤਨ ਕੀਤਾ ਗਿਆ ਕਿ ਕਨੂੰਨੀ ਸੁਵਿਧਾਵਾਂ ਹਰੇਕ ਵਿਅਕਤੀ ਨੂੰ ਪ੍ਰਾਪਤ ਹੋ ਸਕਦੀਆਂ ਹਨ, ਹਰ ਇਕ ਨੂੰ ਆਪਣੇ ਹੱਕ ਅਤੇ ਫਰਜ਼ ਪ੍ਰਤੀ ਸੁਚੇਤ ਰਹਿਣ ਦੀ ਲੋੜ ਹੈ। ਇਸ ਪ੍ਰੋਗਰਾਮ ਦੇ ਅੰਤ ਵਿੱਚ ਪ੍ਰਿੰਸੀਪਲ ਸਾਹਿਬ ਸ੍ਰੀ  ਬ੍ਰਿਜ ਮੋਹਨ ਬੱਬਰ ,ਡੀ.ਏ.ਵੀ .ਸੀ ਪਬਲਿਕ ਸਕੂਲ , ਜਗਰਾਉਂ ਨੇ ਆਏ ਮਹਿਮਾਨਾਂ ਦਾ ਧੰਨਵਾਦ ਕਰਦਿਆਂ ਮੋਮੈਂਟੋ ਅਤੇ ਫੁੱਲਾਂ ਦੇ ਗੁਲਦਸਤੇ ਭੇਂਟ ਕੀਤੇ। ਉਹਨਾਂ ਦੁਆਰਾ ਦਿੱਤੀ ਜਾਣਕਾਰੀ  ਲਈ ਧੰਨਵਾਦ ਵੀ ਵਿਅਕਤ ਕੀਤਾ

ਜਗਰਾਓਂ 30 ਅਕਤੂਬਰ (ਅਮਿਤ ਖੰਨਾ):ਡਿਪਟੀ ਕਮਿਸ਼ਨਰ ਲੁੁਧਿਆਣਾ ਦੀਆਂ ਹਦਾਇਤਾਂ ਨੂੰ ਅਮਲੀ ਰੂਪ ਦਿੰਦਿਆਂ ਤਿਉਹਾਰਾਂ ਦੇ ਦਿਨਾਂ ਮੁੱਖ ਰੱਖਦਿਆਂ ਜਗਰਾਓਂ ਪ੍ਰਸ਼ਾਸਨ ਵੱਲੋਂ ਤਹਿਸੀਲਦਾਰ ਮਨਮੋਹਨ ਕੁਮਾਰ ਕੌਸ਼ਿਕ ਦੀ ਅਗਵਾਈ ਚ ਮਠਿਆਈ ਵਾਲੀਆਂ ਦੁੁਕਾਨਾਂ ਦੀ ਚੈਕਿੰਗ ਕੀਤੀ ਗਈ। ਇਸ ਮੌਕੇ ਤਹਿਸੀਲਦਾਰ ਕੌਸ਼ਿਕ ਅਤੇ ਜ਼ਿਲ੍ਹਾ ਸਿਹਤ ਅਫ਼ਸਰ ਵੱਲੋਂ ਕੁੁਝ ਦੁੁਕਾਨਾਂ ਦੇ ਸੈਂਪਲ ਵੀ ਭਰੇ ਅਤੇ ਲੈਬੋਰੇਟਰੀ ਟੈਸਟ ਲਈ ਭੇਜੇ। ਇਸ ਮੌਕੇ ਤਹਿਸੀਲਦਾਰ ਮਨਮੋਹਨ ਕੌਸ਼ਿਕ ਨੇ ਆਖਿਆ ਕਿ ਆਉਣ ਵਾਲੇ ਦਿਨਾਂ ਚ ਉਹ ਪਿੰਡਾਂ ਦੀਆਂ ਦੁੁਕਾਨਾਂ ਦੀ ਵੀ ਚੈਕਿੰਗ ਕਰਨਗੇ ਅਤੇ ਸੈਂਪਲ ਭਰਨਗੇ। ਇਸ ਮੌਕੇ ਐੱਸਡੀਐੱਮ ਵਿਕਾਸ ਹੀਰਾ ਤੇਤਹਿਸੀਲਦਾਰ ਕੌਸ਼ਿਕ ਨੇ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਸਿਹਤ ਨੂੰ ਧਿਆਨ ਚ ਰੱਖਦੇ ਹੋਏ ਮਠਿਆਈ ਦੀ ਵਰਤੋਂ ਘੱਟ ਕਰਨ ਅਤੇ ਉਨਾਂ੍ਹ ਦੁੁਕਾਨਦਾਰਾਂ ਨੂੰ ਵੀ ਅਪੀਲ ਕੀਤੀ ਕਿ ਸਾਫ ਸੁੁਥਰੀ ਮਠਿਆਈ ਵੇਚਣ।

ਜਗਰਾਉਂ  28 ਅਕਤੂਬਰ 2021(ਮੋਹਿਤ ਗੋਇਲ)ਪੰਜਾਬ ਸਰਕਾਰ ਵੱਲੋਂ ਦੋ ਕਿਲੋਵਾਟ ਮਨਜ਼ੂਰ ਸ਼ੁਦਾ ਲੋਡ ਤੱਕ ਦੇ ਸਾਰੇ ਘਰੇਲੂ ਬਕਾਇਆ ਬਿੱਲਾਂ ਨੂੰ ਮੁਆਫੀ ਸੰਬੰਧੀ ਕੈਂਪ ਵਾਰਡ ਨੰਬਰ 4 ਦੇ ਕੋਸਲਰ ਅਮਰਜੀਤ ਸਿੰਘ ਮਾਲਵਾ ਵਲੋਂ 29ਅਕਤੁਬਰ ਨੂੰ  ਸਵੇਰੇ 10 ਵਜੇ ਤੋਂ ਦੁਪਹਿਰ ਇੱਕ ਵਜੇ ਤੱਕ ਡੇਰਾ ਬਾਬਾ ਜਲੋਰ ਸਿੰਘ ਕੇਹਰ ਸਿੰਘ, ਨਿੰਮ ਵਾਲੀ ਗਲੀ ਅਨਾਰਕਲੀ ਬਾਜ਼ਾਰ ਵਿਖੇ ਲਗਾਇਆ ਜਾਵੇਗਾ। ਇਹ ਜਾਣਕਾਰੀ ਵਾਰਡ ਨੰਬਰ 4 ਦੀ ਵਿਕਾਸ ਕਮੇਟੀ ਦੇ ਪ੍ਰਧਾਨ ਕੁਲਦੀਪ ਸਿੰਘ ਕੋਮਲ ਨੇ ਦਿੰਦਿਆਂ ਦੱਸਿਆ ਅਤੇਕਿਹਾ ਇਸ ਮੌਕੇ ਤੇ  ਬਿਜਲੀ ਖਪਤਕਾਰਾਂ ਨੂੰ  ਬੇਨਤੀ ਹੈ ਕਿ ਉਹ ਆਪਣੇ ਬਿਜਲੀ ਬਿੱਲ ਦੀ ਕਾਪੀ ਲੇ ਕੇ ਆਉਣ। ਉਨ੍ਹਾਂ ਦਸਿਆ ਕਿ ਇਸ ਕੈਂਪ ਦਾ ਉਦਘਾਟਨ ਐਸ ਡੀ ਓ ਗੁਰਪ੍ਰੀਤ ਸਿੰਘ ਕੰਗ ਕਰਨਗੇ।