ਲੁਧਿਆਣਾ

ਜਗਰਾਉਂ (ਗੁਰਕੀਰਤ ਸਿੰਘ)ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਡਕੌਂਦਾ ਜਿਲਾ ਕਮੇਟੀ ਦੀ ਮੀਟਿੰਗ ਜ਼ਿਲਾ ਪ੍ਰਧਾਨ ਮਹਿੰਦਰ ਸਿੰਘ ਕਮਾਲਪੁਰਾ ਦੀ ਪ੍ਰਧਾਨਗੀ ਹੇਠ ਹੋਈ। ਮੀਟਿੰਗ ਵਿੱਚ ਹਾਜ਼ਰ ਸਾਰੇ ਬਲਾਕ ਪ੍ਰਧਾਨ ਅਤੇ ਸਕੱਤਰ ਹਾਜ਼ਰ ਹੋਏ। ਮੀਟਿੰਗ ਵਿੱਚ ਪੰਜ ਜੂਨ ਨੂੰ ਕਿਸਾਨ ਅੰਦੋਲਨ ਦੋਰਾਨ ਸ਼ਹੀਦ ਹੋਏ ਕਿਸਾਨਾਂ ਦੇ ਆਸ਼ਰਿਤਾਂ ਲਈ ਪੰਜ ਲੱਖ ਰੁਪਏ ਮੁਆਵਜ਼ਾ, ਸਰਕਾਰੀ ਨੋਕਰੀ, ਕਰਜ਼ਾ ਮੁਆਫ਼ੀ ਦੇ ਬਕਾਇਆ ਕੇਸਾਂ‌ ਦਾ ਨਿਪਟਾਰਾ ਕਰਨ ਦੀ ਮੰਗ ਨੂੰ ਲੈ ਕੇ ਹਲਕਾ ਵਿਧਾਇਕ ਦੇ ਦਫ਼ਤਰ ਅੱਗੇ ਧਰਨਾ ਦੇ ਕੇ ਮੰਗ ਪੱਤਰ ਦੇਣ ਦੀਆਂ ਤਿਆਰੀਆਂ ਦਾ ਜਾਇਜ਼ਾ ਲਿਆ ਗਿਆ। ਮੀਟਿੰਗ ਦੀ ਕਾਰਵਾਈ ਪ੍ਰੈੱਸ ਨੂੰ ਜਾਰੀ ਕਰਦਿਆਂ ਜਿਲਾ ਸਕੱਤਰ ਇੰਦਰਜੀਤ ਸਿੰਘ ਧਾਲੀਵਾਲ ਨੇ ਦੱਸਿਆ ਕਿ ਕਿਸਾਨ ਅੰਦੋਲਨ ਵਲੋਂ ਰਵਾਇਤੀ ਵੋਟ ਪਾਰਟੀਆਂ ਨੂੰ ਹਾਸ਼ੀਏ ਤੇ ਧੱਕਣ ਕਾਰਨ ਸੱਤਾ ਤੇ ਕਾਬਜ  ਹੋਈ ਆਮ ਆਦਮੀ ਪਾਰਟੀ ਦੀ ਸਰਕਾਰ ਨੂੰ ਵੀ ਲੋਕ ਮਸਲਿਆਂ ਦਾ ਕੋਈ ਸਰੋਕਾਰ ਨਹੀਂ ਹੈ। ਢਾਈ ਮਹੀਨੇ ਤੋਂ ਸਿਟੀ ਥਾਣੇ ਮੂਹਰੇ ਧਰਨਾ ਚਲਦਾ ਹੋਣ‌ ਦੇ ਬਾਵਜੂਦ ਅਤੇ ਕਾਤਲ ਪੁਲਸ ਅਧਿਕਾਰੀਆਂ ਖਿਲਾਫ ਪਰਚਾ ਦਰਜ ਹੋਣ‌ ਦੇ ਬਾਵਜੂਦ ਦੋਸ਼ੀਆਂ ਦੀ ਜਾਣਬੁੱਝ ਕੇ ਗ੍ਰਿਫਤਾਰੀ ਨਾ ਹੋਣੀ, ਕਿਸਾਨੀ ਦੀ ਮੂੰਗੀ ਦੀ ਫ਼ਸਲ ਤੇ ਐਮ ਐਸ ਪੀ ਐਲਾਨਣ‌ ਦੇ ਬਾਵਜੂਦ ਬੇਹੁਦਾ ਸ਼ਰਤਾਂ ਮੜ ਕੇ ਕਿਸਾਨਾਂ, ਮਜ਼ਦੂਰਾਂ, ਆੜਤੀਆਂ ਨੂੰ ਖੱਜਲਖੁਆਰ ਕਰਨਾ, ਕਿਸਾਨਾਂ ਨੂੰ ਪਿਛਲੇ ਸਮੇਂ ਚ ਫਸਲਾਂ ਦੇ ਖ਼ਰਾਬੇ ਦਾ ਮੁਆਵਜ਼ਾ ਮਾਲ ਮਹਿਕਮੇ ਦੀ ਕਾਰਵਾਈ ਮੁਕੰਮਲ ਹੋਣ‌ ਦੇ ਬਾਵਜੂਦ ਅਜੇ ਤਕ ਵੀ ਪੀੜਤ ਕਿਸਾਨਾਂ ਨੂੰ ਜਾਰੀ ਨਾ ਕਰਨਾ, ਮੁੱਖ ਮੰਤਰੀ ਦੇ ਘਰ ਅੱਗੇ ਹਰ ਰੋਜ਼ ਚਲ ਰਹੇ ਧਰਨੇ ਅਤੇ ਪੁਲਸ ਵਲੋਂ ਕੀਤੀ ਜਾ ਰਹੀ ਧੱਕਾ ਮੁੱਕੀ ਇਸ ਹਕੂਮਤ ਨੂੰ ਪਹਿਲੀਆਂ‌ ਹਕੂਮਤਾਂ ਨਾਲੋਂ ਕਿਸੇ ਵੀ ਤਰਾਂ ਵਖਰਾਉਂਂਦੀ ਨਹੀਂ ਹੈ। ਉਨਾਂ ਕਿਹਾ ਕਿ  ਰਹਿੰਦੇ ਤਿੰਨ ਸ਼ਹੀਦ ਪਰਿਵਾਰਾਂ ਦੀ ਸਰਕਾਰੀ ਮਦਦ ਦਾ ਮਸਲਾ ਹਲਕਾ ਵਿਧਾਇਕ ਦੇ ਵੀ ਕਈ ਵੇਰ ਧਿਆਨ ਚ ਲਿਆਂਦਾ ਗਿਆ ਹੈ ਪਰ ਇਸ ਅਹਿਮ‌ ਮਸਲੇ ਬਾਰੇ ਵੀ ਹਲਕਾ ਵਿਧਾਇਕ ਦੀ ਚੁੱਪੀ ਅਫਸੋਸ ਨਾਕ ਹੈ। ਉਨਾਂ ਕਿਹਾ ਕਿ ਪੰਜ ਜੂਨ ਦਿਨ ਐਤਵਾਰ ਸਵੇਰੇ 10 ਵਜੇ ਹਲਕਾ ਵਿਧਾਇਕ ਨੂੰ ਮੰਗ ਪੱਤਰ ਦੇਣ ਲਈ ਸਾਰੇ ਪਿੰਡਾਂ ਦੇ ਕਿਸਾਨ ਮਜ਼ਦੂਰ ਬਸ ਸਟੈਂਡ ਜਗਰਾਓਂ ਵਿਖੇ ਇਕੱਤਰ ਹੋ ਕੇ ਵਿਧਾਇਕ ਦੇ ਦਫਤਰ ਜਾਣਗੇ। ਅੱਜ ਦੀ ਮੀਟਿੰਗ ਵਿੱਚ ਹਲਕਾ ਵਿਧਾਇਕ ਨੂੰ ਮੂੰਗੀ ਵੇਚਣ‌ ਸਬੰਧੀ ਜਾਰੀ ਸਖਤ ਹਿਦਾਇਤਾਂ ਖਤਮ‌ ਕਰਨ, ਕਿਸੇ ਵੀ ਆੜਤ ਤੇ ਮੂੰਗੀ ਦੀ ਫ਼ਸਲ ਵੇਚਣ ਦੀ ਖੁੱਲ੍ਹ ਦੇਣ ਅਤੇ ਜਾਰੀ ਐਮ ਐਸ ਪੀ ਦੀ ਗਰੰਟੀ ਲਾਗੂ ਕਰਨ ਦੀ ਮੰਗ , ਫਸਲਾਂ ਦੇ ਖ਼ਰਾਬੇ ਦਾ ਮੁਆਵਜ਼ਾ ਦੇਣ, ਆਵਾਰਾ ਪਸ਼ੂਆਂ ਨੂੰ ਨੱਥ ਪਾਉਣ, ਝੋਨੇ ਦੀ ਬਿਜਾਈ ਹਿਤ ਅਠ ਘੰਟੇ ਬਿਜਲੀ ਸਪਲਾਈ ਯਕੀਨੀ ਬਨਾਉਣ ਸਬੰਧੀ ਵੀ ਮੰਗ ਪੱਤਰ ਸੋਂਪਣ‌ ਦਾ ਫੈਸਲਾ ਕੀਤਾ ਗਿਆ। ਮੀਟਿੰਗ ਵਿਚ ਗਾਇਕ ਕਲਾਕਾਰ ਸਿੱਧੂ ਮੂਸੇ ਵਾਲਾ ਨੂੰ ਕਤਲ ਕਰਨ ਦੀ ਸਖ਼ਤ ਨਿੰਦਾ ਦਾ ਮਤਾ ਪਾਸ ਕੀਤਾ ਗਿਆ। ਮੀਟਿੰਗ ਵਿੱਚ ਸੁਖਵਿੰਦਰ ਸਿੰਘ ਹੰਬੜਾਂ, ਕਮਲਜੀਤ ਹੈਪੀ ਸਹੋਲੀ, ਸਤਬੀਰ ਸਿੰਘ ਬੋਪਾਰਾਏ, ਤਾਰਾ ਸਿੰਘ ਅੱਚਰਵਾਲ, ਧਰਮ ਸਿੰਘ ਸੂਜਾਪੁਰ,ਜਗਤਾਰ ਸਿੰਘ ਦੇਹੜਕਾ, ਹਰਜੀਤ ਸਿੰਘ ਕਾਲਾ ਜਨੇਤਪੁਰਾ, ਬਚਿੱਤਰ ਸਿੰਘ ਜਨੇਤਪੁਰਾ, ਬੇਅੰਤ ਸਿੰਘ ਬਾਣੀਏ ਵਾਲ , ਕਰਨੈਲ ਸਿੰਘ ਹੇਰਾਂ ਆਦਿ ਹਾਜ਼ਰ ਸਨ।

ਜਗਰਾਉ 3 ਜੂਨ (ਅਮਿਤਖੰਨਾ) ਬਿਲਡਿੰਗ ਠੇਕੇਦਾਰ ਐਸੋਸੀਏਸ਼ਨ ਦੀ ਅਹਿਮ ਮੀਟਿੰਗ ਗੁਰਦੁਆਰਾ ਵਿਸ਼ਵਕਰਮਾ ਮੰਦਰ ਵਿਖੇ ਜਿਸਵਿਚ ਬੀਤੇ ਦਿਨੀਂ ਲੇਹ ਲੱਦਾਖ ਚ ਸ਼ਹੀਦ ਹੋਏ ਫੌਜੀਆਂ ਨੂੰ ਸ਼ਰਧਾਂਜਲੀ ਭੇਟ ਕੀਤੀ ਅਤੇ ਰਾਮਗਡ਼੍ਹੀਆ ਵੈੱਲਫੇਅਰ ਕੌਂਸਲ ਦੇ ਸੈਕਟਰੀ ਹਰਜਿੰਦਰ ਸਿੰਘ ਮੁੱਧੜ ਭਾਰਤ ਆਟੋ ਵਾਲਿਆਂ ਦੀ ਮਾਤਾ ਦੇ ਅਕਾਲ ਚਲਾਣੇ ਤੇ  ਪਰਿਵਾਰ ਨਾਲ ਦੁੱਖ ਸਾਂਝਾ ਕੀਤਾ ਤੇ  2  ਮਿੰਟ ਦਾ ਮੌਨ ਧਾਰ ਕੇ ਸ਼ਰਧਾਂਜਲੀ ਭੇਟ ਕੀਤੀ ਗਈ  ਇਸ ਮੌਕੇ ਠੇਕੇਦਾਰਾਂ ਦੀਆਂ ਆ ਰਹੀਆਂ ਸਮੱਸਿਆਵਾਂ ਮੁਸ਼ਕਿਲਾਂ ਸਮੱਸਿਆਵਾਂ ਵੀ ਸੁਣੀਆਂ ਗਈਆਂ ਅਤੇ ਮੌਕੇ ਤੇ ਹੱਲ ਕੀਤੀਆਂ ਗਈਆਂ  ਇਸ ਮੌਕੇ ਪ੍ਰਧਾਨ ਗੁਰਦੇਵ ਸਿੰਘ ਮੱਲ੍ਹਾ, ਸਰਪ੍ਰਸਤ ਜਗਦੇਵ ਸਿੰਘ ਮਠਾੜੂ, ਹਰਦਿਆਲ ਸਿੰਘ ਮੁੰਡੇ, ਜਿੰਦਰ ਸਿੰਘ ਵਿਰਦੀ, ਭਵਨਜੀਤ ਸਿੰਘ ਉੱਭੀ ,ਰਾਜਿੰਦਰ ਸਿੰਘ ਰਿੰਕੂ, ਹਾਕਮ ਸਿੰਘ ਸੀਹਰਾ, ਤਰਲੋਚਨ ਸਿੰਘ ਪਨੇਸਰ, ਗੁਰਚਰਨ ਸਿੰਘ ਘਟੋਡ਼ੇ, ਗੁਰਮੇਲ ਸਿੰਘ ਮਠਾੜੂ , ਜਸਬੀਰ ਸਿੰਘ ਧਾਲੀਵਾਲ, ਬਲਵਿੰਦਰ ਸਿੰਘ ਪੱਪਾ ,ਤਰਲੋਚਨ ਸਿੰਘ ਸੀਹਰਾ, ਸੁਖਦੇਵ ਸਿੰਘ ਸੁਧਾਰਿਆ ਗੁਰਪ੍ਰੀਤ ਸਿੰਘ ਕਾਕਾ ,ਤੇ ਹਰਵਿੰਦਰ ਸਿੰਘ ਬੋਤਲ ਵਾਲਾ ਆਦਿ ਹਾਜ਼ਰ ਸਨ
 

ਜਗਰਾਉ 2 ਜੂਨ(ਅਮਿਤਖੰਨਾ)ਜਗਰਾੳ ਸ਼ਹਿਰ ਨੂੰ ਬੇਹਤਰ ਮੈਡੀਕਲ  ਸੁਵਿਧਾਵਾਂ ਦੇਣ ਦੇ ਮਕਸਦ ਨਾਲ ਜਗਰਾੳ ਦੇ ਪ੍ਰਸਿੱਧ ਸਮਾਜ ਸੇਵੀ ਤਨੇਜਾ ਪਰਿਵਾਰ  ਵਲੋਂ ਸਵ:ਸੋਹਣ ਸਿੰਘ ਤਨੇਜਾ ਮੈਮੋਰੀਅਲ ਹੱਡੀਆ ਅਤੇ ਬੱਚਿਆ ਦੇ ਹਸਪਤਾਲ ਦਾ ਨੀਂਹ  ਪੱਥਰ  ਮੇਹਰਬਾਨ ਸਿੰਘ ਤਨੇਜਾ, ਹਰਮੀਤ ਕੌਰ ਤਨੇਜਾ ਅਤੇ ਨਗਰ ਕੌਂਸਲ ਜਗਰਾੳ ਦੇ ਪ੍ਰਧਾਨ ਜਤਿੰਦਰ  ਰਾਣਾ ਨੇ ਜੀ.ਟੀ ਰੋਡ(ਲੁਧਿਆਣਾ ਸਾਈਡ) ਤੇ ਅਪਣੇ ਕਰ ਕਮਲਾ ਨਾਲ ਰੱਖਿਆ। ।ਇਸ ਮੋਕੇ ਸਭ ਤੋ ਪਹਿਲਾ ਭਾਈ ਜੀ ਨੇ ਅਰਦਾਸ ਕਰਦੇ ਹੋਏ ਗੁਰੂ ਮਹਾਰਾਜ ਤੋਂ ਇਹ ਸ਼ੁਭ  ਕਾਰਜ ਸ਼ੁਰੂ ਕਰਣ ਦੀ ਆਗਿਆ  ਮੰਗੀ।।ਇਸ ਮੋਕੇ ਪ੍ਰਧਾਨ ਜਤਿੰਦਰ ਰਾਣਾ ਨੇ ਤਨੇਜਾ ਪਰਿਵਾਰ ਨੂੰ ਮੁਬਾਰਕਬਾਦ ਦਿੰਦੇ ਹੋਏ ਕਿਹਾ ਕਿ ਡਾ:ਤਰੁਣਦੀਪ ਸਿੰਘ ਤਨੇਜਾ ਅਤੇ ਡਾ:ਰੁਪਿੰਦਰ ਤਨੇਜਾ ਪਹਿਲਾ ਹੀ ਹੱਡੀਆ ਦੇ ਸਪੈਸ਼ਲਿਸਟ ਅਤੇ ਬੱਚਿਆ ਦੇ ਸਪੈਸ਼ਲਿਸਟ ਦੇ ਰੂਪ ਵਿੱਚ ਇੰਨੀਆ ਵਧੀਆ  ਮੈਡੀਕਲ  ਸੇਵਾਵਾਂ ਦੇ ਰਹੇ ਨੇ। ਉਨਾਂ ਇਸ ਮੋਕੇ ਨਵੇਂ ਤਨੇਜਾ ਮਲਟੀ ਸਪੈਸ਼ਲਿਸਟ ਹਸਪਤਾਲ ਦੇ ਜਲਦੀ ਹੀ ਕੰਪਲੀਟ ਹੋਕੇ ਸਮਾਜ ਨੂੰ ਵਧੀਆ ਸੇਵਾਵਾਂ ਦੇਣ ਦੀ ਕਾਮਨਾ ਕੀਤੀ।ਇਸ ਸਾਰੀ ਕਾਰਵਾਈ ਦੋਰਾਨ ਮੰਚ ਸੰਚਾਲਕ ਦੀ ਡਿਉਟੀ ਪ੍ਰਿਸੀਂਪਲ ਕੈਪਟਨ ਨਰੇਸ਼ ਵਰਮਾ ਨੇ ਬਾਖੁਬੀ ਨਿਭਾਈ।ਇਸ ਮੌਕੇ ਮੇਹਰਬਾਨ ਸਿੰਘ ਤਨੇਜਾ ਨੇ ਇਸ ਸਹਿਯੋਗ ਲਈ ਸਭ ਦਾ ਪਰਿਵਾਰ ਵੱਲੋ ਧੰਨਵਾਦ ਕੀਤਾ।।ਇਸ ਮੋਕੇ ਜਤਿੰਦਰ ਰਾਣਾ(ਪ੍ਰਧਾਨ ਨਗਰ ਕੋਂਸਲ), ਹਰਵਿੰਦਰ ਚਾਵਲਾ,ਅਜੀਤ ਸਿੰਘ ਠੁਕਰਾਲ ,ਦੀਪਇੰਦਰ ਸਿੰਘ ਭੰਡਾਰੀ,ਹਰਦੇਵ ਬੋਬੀ,ਸੁਨੀਲ ਸ਼ਰਮਾ ਜਸਵਿੰਦਰ ਸਿੰਘ ਸੰਧੂ,ਮਠਾੜੂ ਸਾਹਿਬ, ਮੇਹਰਬਾਨ ਸਿੰਘ ਤਨੇਜਾ,ਮੈਡਮ ਹਰਮੀਤ ਤਨੇਜਾ,ਡਾ:ਤਰੁਣਦੀਪ ਸਿੰਘ ਤਨੇਜਾ,ਡਾ: ਰੁਪਿੰਦਰ ਤਨੇਜਾ,ਐਡਵੋਕੇਟ ਅਮਰਜੀਤ ਸਿੰਘ ਤਨੇਜਾ,ਡਿੰਪਲ ਤਨੇਜਾ ਅਤੇ ਤਨੇਜਾ ਪਰਿਵਾਰ ਦੇ ਰਿਸ਼ਤੇਦਾਰ ਸ਼ਾਮਿਲ ਸਨ।
। ਫੋਟੋ।।। ਨਗਰ ਕੋਂਸਲ ਜਗਰਾੳ ਦੇ ਪ੍ਰਧਾਨ ਜਤਿੰਦਰ ਰਾਣਾ ਵਲੋਂ ਤਨੇਜਾ ਹਸਪਤਾਲ ਦਾ ਨੀਂਹ ਪੱਥਰ ਰੱਖਣ ਤੋਂ ਬਾਅਦ ਉਹਨਾ ਦਾ ਸਨਮਾਨ ਕਰਦੇ ਹੋਏ  ਮੇਹਰਬਾਨ ਸਿੰਘ ਤਨੇਜਾ,ਹਰਮੀਤ ਕੌਰ ਤਨੇਜਾ,ਡਾ: ਤਰੁਣਦੀਪ ਸਿੰਘ ਤਨੇਜਾ,ਡਾ:,ਰੁਪਿੰਦਰ ਤਨੇਜਾ ਤੇ ਕੈਪਟਨ ਨਰੇਸ਼ ਵਰਮਾ।।

ਜਗਰਾਉਂ ਜੂਨ (ਕੁਲਦੀਪ ਸਿੰਘ ਕੋਮਲ ਮੋਹਿਤ ਗੋਇਲ)
ਜਗਰਾਉਂ ਟ੍ਰੈਫਿਕ ਪੁਲਿਸ ਵੱਲੋਂ ਨਾਕੇ ਦੌਰਾਨ ਟ੍ਰੈਫਿਕ ਨਿਯਮਾਂ ਅਨੁਸਾਰ ਨਹੀਂ ਚੱਲਦੇ ਵਾਹਨਾਂ ਦੀ ਚੈਕਿੰਗ ਦੌਰਾਨ ਅੱਜ ਇੱਥੇ ਤਹਿਸੀਲ ਚੋਂਕ ਵਿੱਚ ਕਰੀਬ 10 ਚਲਾਨ ਕੱਟੇ ਗਏ, ਜਿਨ੍ਹਾਂ ਵਿੱਚ ਚਾਰ ਦੇ ਕਰੀਬ ਨਕਦ ਜ਼ੁਰਮਾਨਾ ਵਸੂਲਿਆ ਤੇ ਬਾਕੀ 6 ਉਹ ਚਲਾਨ ਸਨ ਜਿਨ੍ਹਾਂ ਨੂੰ ਕੋਰਟ ਵਿੱਚ ਪੇਸ਼ੀ ਦੌਰਾਨ  ਭੁਗਤਾਉਣ ਹੋਵੇਗਾ, ਟ੍ਰੈਫਿਕ ਪੁਲਿਸ ਵੱਲੋਂ ਇਹ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਬੁੱਲਟ ਮੋਟਰਸਾਈਕਲ ਦੇ ਪੁੱਠੇ ਸਿੱਧੇ ਸਿਲੇਨਸਰ ਲਗਾ ਕੇ ਘੁੰਮ ਰਹੇ ਚਾਲਕ, ਜਾਂ ਬਿਨਾਂ ਹੈਲਮਟ ਘੁੰਮਣ ਵਾਲੇ ਮੋਟਰਸਾਈਕਲ ਸਵਾਰਾਂ ਨੂੰ ਰੋਕ ਕੇ ਉਨ੍ਹਾਂ ਤੇ ਕਾਰਵਾਈ ਕਰਦਿਆਂ ਕਿਹਾ ਕਿ ਲੋਕ ਆਪਣੇ ਵਾਹਨਾਂ ਦੇ ਕਾਗਜ਼ ਪੱਤਰ ਪੂਰੇ ਰੱਖਣ ਤੇ ਉਲਟੇ ਸਿੱਧੇ ਢੰਗ ਨਾਲ ਬਣਾਏ ਮੋਟਰਸਾਈਕਲ ਜਦੋਂ ਵੀ ਰੋਡ ਤੇ ਆਉਣਗੇ ਉਨ੍ਹਾਂ ਸਭ ਦੇ ਚਲਾਨ ਕੱਟੇ ਜਾਣ ਗੇ।