ਪੰਜਾਬ

ਜਲੰਧਰ, 30 ਜਨਵਰੀ— ( ਜਸਮੇਲ ਗ਼ਾਲਿਬ ) ਬਠਿੰਡਾ ਥਰਮਲ ਪਲਾਂਟ ਉਜਾੜ ਕੇ ਹਜਾਰਾਂ ਲੋਕਾਂ ਦਾ ਰੁਜਗਾਰ ਖੋਹ ਕੇ ਅਤੇ ਥਰਮਲ ਪਲਾਂਟ ਦੀ 1750 ਏੇਕੜ ਜਮੀਨ ਕੌਡੀਆਂ ਦੇ ਭਾਅ ਕਾਰਪੋਰੇਟ ਘਰਾਨਿਆਂ ਨੂੰ ਸੌਂਪਣ ਤੋਂ ਬਾਅਦ ਸਰਕਾਰ ਰੋਪੜ ਥਰਮਲ ਪਲਾਂਟ ਦਾ ਉਜਾੜਾ ਕਰਨ ਜਾ ਰਹੀ ਹੈ।ਰੋਪੜ ਥਰਮਲ ਪਲਾਂਟ ਦੇ ਉਜਾੜੇ ਨਾਲ ਜਿਥੇ ਉਥੇ ਕੰਮ ਕਰਦੇ ਹਜਾਰਾਂ ਲੋਕ ਬੇਰੁਜਗਾਰ ਹੋ ਜਾਣਗੇ ਉਥੇ ਬਿਜਲੀ ਮਹਿੰਗੀ ਹੋਣ ਨਾਲ ਲੋਕਾਂ ਦੀ ਜੇਬਾਂ ਤੇ ਭਾਰੀ ਬੋਝ ਪਵੇਗਾ।ਇਸ ਲਈ ਸਮੂਹ ਬਿਜਲੀ ਮੁਲਾਜਮਾਂ ਅਤੇ ਇਨਸਾਫ ਪਸੰਦ ਲੋਕਾਂ ਨੂੰ ਰੋਪੜ ਥਰਮਲ ਪਲਾਂਟ ਦੇ ਉਜਾੜੇ ਵਿਰੁੱਧ 01—02—2022 ਨੂੰ ਰੋਪੜ ਥਰਮਲ ਦੇ ਗੇਟ ਅੱਗੇ ਰੱਖੀ ਰੈਲੀ ਵਿਚ ਪਰਿਵਾਰਾਂ ਸਮੇਤ ਪਹੁੰਚਣਾ ਚਾਹੀਦਾ ਹੈ।ਇਨਾਂ ਵਿਚਾਰਾਂ ਦਾ ਪ੍ਰਗਟਾਵਾ ਟੈਕਨੀਕਲ ਸਰਵਿਸਜ਼ ਯੂਨੀਅਨ ਦੇ ਜਨਰਲ ਸਕੱਤਰ ਸਾਥੀ ਪ੍ਰਮੋਦ ਕੁਮਾਰ ਅਤੇ ਸੂਬਾ ਪ੍ਰਧਾਨ ਸਾਥੀ ਭਰਪੂਰ ਸਿੰਘ ਮਾਂਗਟ ਨੇ ਸਾਂਝੇ ਪ੍ਰੈਸ ਬਿਆਨ ਰਾਹੀਂ ਕੀਤਾ ਹੈ।
ਮੁਲਾਜਮ ਆਗੂਆਂ ਨੇ ਅੱਗੇ ਕਿਹਾ ਕਿ ਇਕ ਪਾਸੇ ਚੋਣ ਦਗੰਲ ਵਿਚ ਸਾਮਲ ਸਾਰੀਆਂ ਪਾਰਟੀਆਂ ਵਿਕਾਸ ਦੀ ਗੱਲ ਕਰਦੀਆਂ ਹਨ ਦੂਸਰੇ ਪਾਸੇ ਰੋਪੜ ਥਰਮਲ ਦੇ ਉਜਾੜੇ ਵਿਰੁਧ ਉਨਾਂ ਚੁਪ ਧਾਰੀ ਹੋਈ ਹੈ।ਹਕੁਮਤੀ ਕੁਰਸੀ ਹਾਸਲ ਕਰਨ ਲਈ ਤਰਲੋ ਮੱਛੀ ਹੋ ਰਹੀਆਂ ਪਾਰਟੀਆਂ ਦੀ ਚੁੱਪ ਇਹ ਸਾਬਤ ਕਰਦੀ ਹੈ ਕਿ ਇਨਾਂ ਦਾ ਵਿਕਾਸ ਮਾਡਲ ਲੋਕਾਂ ਦਾ ਉਜਾੜਾਂ ਕਰਕੇ ਮੁੱਠੀ ਭਰ ਜੋਕਾਂ ਦਾ ਵਿਕਾਸ ਮਾਡਲ ਹੈ।ਇਸ ਲੋਕ ਧ੍ਰੋਹੀ ਵਿਕਾਸ ਮਾਡਲ ਦੀ ਹਕੀਕਤ ਬਠਿੰਡਾ ਅਤੇ ਰੋਪੜ ਵਰਗੇ ਸਰਕਾਰੀ ਥਰਮਲ ਬੰਦ ਕਰਕੇ ਰੁਜਗਾਰ ਦਾ ਉਜਾੜਾ ਕਰਨਾ ਹੈ।ਰਾਜਪੁਰਾ ਅਤੇ ਗੋਇੰਦਵਾਲ ਵਰਗੇ ਪ੍ਰਾਈਵੇਟ ਥਰਮਲਾਂ ਤੋਂ ਮਹਿੰਗੀ ਬਿਜਲੀ ਖਰੀਦ ਕੇ ਲੋਕਾਂ ਦੀਆਂ ਜੇਬਾਂ ਤੇ ਡਾਕਾ ਮਾਰਨਾ ਹੈ।
ਮੁਲਾਜਮ ਆਗੂਆਂ ਨੇ ਕਿਹਾ ਕਿ ਪਿਛਲੇ ਕਈ ਦਾਹਾਕਿਆਂ ਤੋਂ ਜਾਰੀ ਇਸ ਅਖੌਤੀ ਵਿਕਾਸ ਦਾ ਨਤੀਜਾ ਹੈ ਕਿ ਕਿਸਾਨ ਖੁਦਕਸੀਆਂ ਕਰ ਰਹੇ ਹਨ।ਬੇਰੁਜਗਾਰੀ ਸਿ਼ਖਰਾਂ ਛੋਹ ਰਹੀ ਹੈ।ਪਹਿਲਾਂ ਤੋਂ ਹੀ ਸੁੰਗੜੀ ਘਰੇਲੂ ਸਨਅਤ ਦਾ ਉਜਾੜਾ ਹੋ ਰਿਹਾ ਹੈ।ਸਰਕਾਰੀ ਅਦਾਰੇ ਖਤਮ ਹੋਣ ਨਾਲ ਪੱਕੇ ਰੁਜਗਾਰ ਦੇ ਮੌਕੇ ਅਤੇ ਲੋਕਾਂ ਨੂੰ ਮਿਲਦੀਆਂ ਬਿਜਲੀ,ਪਾਣੀ,ਵਿਦਿਆ ਅਤੇ ਸਿਹਤ ਵਰਗੀਆਂ ਨਿਗੁਣੀਆਂ ਸਹੂਲਤਾਂ ਦਾ ਭੋਗ ਪੈ ਰਿਹਾ ਹੈ।ਪਵਨ ਪਾਣੀ ਪਲੀਤ ਹੋਣ ਨਾਲ ਕੈਂਸਰ ਕਾਲਾ ਪੀਲੀਆ ਅਤੇ ਕਰੋਨਾ ਵਰਗੀਆਂ ਮਹਾਮਾਰੀਆਂ ਫੈਲ ਰਹੀਆਂ ਹਨ।ਸਾਲ 2021 ਦੌਰਾਨ ਜਿਥੇ 15 ਕਰੋੜ ਲੋਕ ਬੇੇਰੁਜਗਾਰ ਹੋਣ ਕਾਰਨ ਗਰੀਬੀ ਰੇਖਾ ਤੋਂ ਹੇਠਾਂ ਧੱਕੇ ਗਏ ਉਥੇ ਖਰਬਪਤੀਆਂ ਦੀ ਗਿਣਤੀ 120 ਤੋਂ ਵੱਧ ਕੇ 142 ਹੋ ਗਈ ਹੈ।ਸਾਫ ਹੈ ਕਿ ਰੰਗ ਬਦਲ ਬਦਲ ਕੇ ਆਉਂਦੇ ਹਾਕਮਾਂ ਵੱਲੋਂ ਲਾਗੂ ਕੀਤੇ ਜਾ ਰਹੇ ਵਿਕਾਸ ਮਾਡਲ ਕਾਰਨ ਮਜਦੂਰਾਂ,ਮੁਲਾਜਮਾਂ,ਕਿਸਾਨਾ ਅਤੇ ਹੋਰ ਮੇਹਨਤਕਸ ਲੋਕਾਂ ਦਾ ਉਜਾੜਾ ਹੋ ਰਿਹਾ ਹੈ।
ਉਨਾਂ ਅੱਗੇ ਕਿਹਾ ਕਿ ਚੋਣਾਂ ਦੇ ਇਸ ਭਖੇ ਤਪੇ ਮਹੌਲ ਅੰਦਰ ਮਜਦੂਰਾਂ ਮੁਲਾਜਮਾਂ ਅਤੇ ਕਿਸਾਨਾਂ ਦੇ ਬੁਨਿਆਦੀ ਮੁੱਦੇ ਨਦਾਰਦ ਹਨ।ਚੋਣ ਦੰਗਲ ਵਿਚ ਸਾਮਲ ਪਾਰਟੀਆਂ ਲੋਕਾਂ ਨੂੰ ਵੰਡਣ ਪਾੜਣ ਲਈ ਭਰਮਾਉ ਭਟਕਾਉ ਮੁੱਦੇ ਉਭਾਰ ਰਹੀਆਂ ਹਨ।ਲੋਕਾਂ ਨੂੰ ਲਾਰੇ ਲੱਪੇ ਲਾ ਰਹੀਆਂ ਹਨ।ਪਰ ਚੋਣਾਂ ਸਮੇਂ ਸਰਕਾਰ ਵੱਲੋਂ ਰੋਪੜ ਥਰਮਲ ਦਾ ਉਜਾੜਾ ਕਰਨਾ ਅਤੇ ਸਾਰੀਆਂ ਪਾਰਟੀਆਂ ਦਾ ਇਸ ਮਾਮਲੇ ਤੇ ਚੁੱਪੀ ਇਹ ਸਾਬਤ ਕਰਦੀ ਹੈ ਕਿ ਸਰਕਾਰੀ ਥਰਮਲਾਂ ਵਰਗੇ ਪਬਲਿਕ ਸੈਕਟਰ ਨੂੰ ਉਜਾੜ ਕੇ ਇਹ ਖੇਤੱਰ ਦੇਸੀ ਵਿਦੇਸੀ ਕਾਰਪੋਰੇਟ ਲੁਟੇਰਿਆਂ ਨੂੰ ਲੁਟਾਉਣ ਲਈ ਇਸ ਸਾਰੇ ਸਹਿਮਤ ਹਨ।ਇਹ ਇਨਾਂ ਦਾ ਸਰਬ ਸਾਂਝਾ ਪੋ੍ਰਗਰਾਮ ਹੈ।
ਮੁਲਾਜਮ ਆਗੁਆਂ ਨੇ ਸਮੂਹ ਬਿਜਲੀ ਮੁਲਾਜਮਾਂ ਅਤੇ ਇਨਸਾਫ ਪਸੰਦ ਲੋਕਾਂ ਨੂੰ ਸੱਦਾ ਦਿੱਤਾ ਕਿ ਅਪਣੇ ਰੁਜਗਾਰ ਅਤੇ ਬੱਚਿਆਂ ਦੇ ਭਵਿੱਖ ਦੀ ਰਾਖੀ ਲਈ ਸਘਰਸ਼ਾਂ ਤੋ ਬਿਨਾ ਹੋਰ ਕੋਈ ਰਾਹ ਨਹੀ ਹੈ।ਇਸ ਲਈ ਸਰਕਾਰਾਂ ਤੋਂ ਭਲੇ ਦੀ ਝਾਕ ਛੱਡ  ਕੇ ਸੰਘਰਸ਼ਾਂ ਦੇ ਮੈਦਾਨ ਵਿਚ ਨਿਤਰਨਾ ਚਾਹੀਦਾ।01—02—2022 ਨੂੰ ਰੋਪੜ ਥਰਮਲ ਦੇ ਗੇਟ ਅੱਗੇ ਹੋ ਰਹੇ ਵਿਸਾਲ ਪ੍ਰਦਰਸਨ ਵਿਚ ਸਾਮਲ ਹੋ ਕੇ ਅਪਣੇ ਰੋਹ ਦਾ ਪ੍ਰਗਟਾਵਾ ਕਰਨਾ ਚਾਹੀਦਾ ਹੈ। 
(ਪ੍ਰਮੋਦ ਕੁਮਾਰ)
ਜਨਰਲ ਸਕੱਤਰ
ਟੈਕਨੀਕਲ ਸਰਵਿਸਜ਼ ਯੂਨੀਅਨ (ਰਜਿ.)
ਪੰਜਾਬ ਰਾਜ ਬਿਜਲੀ ਬੋਰਡ
ਮੋਬਾ—9646059648

ਧੰਨ ਧੰਨ 108 ਬ੍ਰਹਮ ਗਿਆਨੀ ਸੰਤ ਬਾਬਾ ਤੁਲਸੀ ਦਾਸ ਜੀ ਝੁੱਗੀ ਵਾਲਿਆਂ ਦੇ ਜਨਮ ਦਿਹਾਡ਼ੇ ਤੇ ਪਹੁੰਚੀਆਂ ਸੰਗਤਾਂ ਨੂੰ ਮੁੱਖ ਸੇਵਾਦਾਰ ਜਥੇਦਾਰ ਬਾਬਾ ਅਵਤਾਰ ਸਿੰਘ ਜੀ ਅਤੇ ਪ੍ਰਬੰਧਕ ਕਮੇਟੀ ਗੁਰਦੁਆਰਾ ਵੱਲੋਂ ਜੀ ਆਇਆਂ ਨੂੰ

ਮੋਗਾ(ਉਂਕਾਰ ਸਿੰਘ ਦੌਲੇਵਾਲ,ਰਣਜੀਤ ਸਿੰਘ ਰਾਣਾ ਸ਼ੇਖ ਦੌਲਤ)ਅੱਜ 30 ਜਨਵਰੀ ਧੰਨ ਧੰਨ ਇੱਕ 108 ਬ੍ਰਹਮ ਗਿਆਨੀ ਸੰਤ ਬਾਬਾ ਤੁਲਸੀ ਦਾਸ ਜੀ ਝੁੱਗੀ ਵਾਲਿਆਂ ਦੇ ਜਨਮ ਦਿਹਾੜੇ ਤੇ ਉਥੋਂ ਦੇ ਮੁੱਖ ਸੇਵਾਦਾਰ ਬਾਬਾ ਅਵਤਾਰ ਸਿੰਘ ਜੀ ਨੇ ਜਾਣਕਾਰੀ ਦਿੰਦਿਆਂ ਕਿਹਾ,ਉਨ੍ਹਾਂ ਕਿਹਾ ਕਿ ਬਾਬਾ ਜੀ ਦਾ ਜਨਮ ਪਿਤਾ ਸ੍ਰੀ ਪਾਲਾ ਰਾਮ ਜੀ ਘਰ ਮਾਤਾ ਦਿਆਲ ਕੌਰ ਜੀ ਦੀ ਕੁੱਖੋਂ 30 ਜਨਵਰੀ 1915, ਨੂੰ ਪਿੰਡ ਰੰਗੀਲਪੁਰ  ਜ਼ਿਲ੍ਹਾ  ਲਾਹੌਰ  (ਪਾਕਿਸਤਾਨ)ਵਿੱਚ ਹੋਇਆ।ਛੋਟੀ ਉਮਰ ਵਿੱਚ ਹੀ ਆਪ ਜੀ ਦੇ ਪਿਤਾ ਦੇ ਚਲਾਣਾ ਕਰ ਜਾਣ ਤੇ ਮਾਤਾ ਦਿਆਲ ਕੌਰ ਜੀ ਪਰਿਵਾਰ ਸਮੇਤ ਆਪ ਜੀ ਦੇ ਨਾਨਕੇ ਪਿੰਡ ਕਾਲੇਕੇ (ਪਾਕਿਸਤਾਨ) ਲੈ ਕੇ ਆ ਗਏ।ਘਰ ਦੀ ਰੋਜ਼ੀ ਕਮਾਉਣ ਵਾਸਤੇ ਬਾਬਾ ਜੀ ਨੂੰ ਦੁਕਾਨ ਪਾ ਦਿੱਤੀ। ਪਰ ਆਪ ਜੀ ਦਾ ਮਨ ਦੁਨਿਆਵੀ ਕੰਮਾਂ ਕਾਰਾਂ ਵਿੱਚ ਨਾ ਲੱਗਾ।ਛੋਟੀ ਉਮਰ ਤੋਂ ਹੀ ਆਪ ਜੀ ਦਾ ਧਿਆਨ  ਭਗਤੀ ਵਿੱਚ ਰਹਿੰਦਾ ਸੀ।ਸੋ ਆਪ ਜੀ ਦਾ ਮਨ ਹਮੇਸ਼ਾ ਪ੍ਰਭੂ ਭਗਤੀ ਵੱਲ ਰਹਿਣ ਕਰਕੇ,ਦੁਕਾਨਦਾਰੀ ਘਾਟੇ ਵਾਲੀ ਬਣਗੀ।ਮਾਤਾ ਜੀ ਕਿਹਾ ਤੂੰ ਤਾਂ ਘਾਟਾ ਹੀ ਪਾਉਂਦਾ ਹੈ।ਦੁਕਾਨ ਬੰਦ ਕਰਵਾ ਦਿੱਤੀ ਤੇ ਕਿਹਾ,ਜਾਹ ਤੂੰ ਆਪਣਾ ਹੋਰ ਕੰਮ ਕਰ ਲੈ।ਮਾਤਾ ਜੀ ਦੇ ਕਹਿਣ ਤੇ ਆਪ ਜੀ ਨੇ ਘਰ ਛੱਡ ਦਿੱਤਾ।ਆਪ ਜੀ ਦਾ ਮਨ ਦੁਨਿਆਵੀ ਕੰਮਾਂ ਤੋਂ ਉਚਾਟ ਹੋ ਗਿਆ ਅਤੇ ਆਪ ਪ੍ਰਭੂ ਭਗਤੀ ਕਰਨ ਤੁਰ ਪਏ, ਆਪ ਜੀ ਜਿੱਥੇ ਜਿੱਥੇ ਗਏ ਕੱਖਾਂ ਦੀ ਝੁੱਗੀ ਪਾ ਕੇ ਰਹੇ।ਇਸ ਲਈ ਆਪ ਜੀ ਦੇ ਨਾਮ ਨਾਲ ਝੁੱਗੀ ਵਾਲਾ ਜੁੜ ਗਿਆ।ਆਪ ਜੀ ਨੇ ਬਹੁਤਾ ਸਮਾਂ ਚੱਕ ਨੰ:15 ਪਾਕਿਸਤਾਨ ਵਿੱਚ ਹੀ ਗੁਜ਼ਾਰਿਆ ਅਤੇ ਸੱਚੇ ਗੁਰੂ ਦੀ ਭਾਲ ਵਿੱਚ ਤੁਰ ਪਏ,ਆਪ ਜੀ ਦੀ ਭਗਤੀ ਨੂੰ ਫਲ ਲੱਗਿਆ।ਆਪ ਜੀ ਨੇ ਗੁਰੂ ਰਾਮ ਲਾਲ ਤੰਬੂ ਵਾਲੇ ਜੀ ਨੂੰ (ਫ਼ਿਰੋਜ਼ਪੁਰ) ਗੁਰੂ ਧਾਰਨ ਕੀਤਾ,ਆਪ ਜੀ ਸੰਗਤਾਂ ਨਾਲ ਪਾਕਿਸਤਾਨ ਵਿਚੋਂ ਪਿੰਡ ਬਿਹਾਰੀਪੁਰ ਆ ਗਏ।ਫਿਰ ਕੱਖਾਂ ਦੀ ਝੁੱਗੀ ਪਾ ਕੇ ਭਾਰੀ ਤਪੱਸਿਆ ਕਰਨ ਲੱਗ ਪਏ,ਆਪ ਜੀ ਦੀ ਤਪੱਸਿਆ ਸੁਣ ਕੇ ਸੰਗਤਾਂ ਵੱਡੀ ਗਿਣਤੀ ਵਿਚ ਜੁੜਨ ਲੱਗੀਆਂ।ਜਿੱਥੇ ਵੀ ਸੰਗਤ ਯਾਦ ਕਰਦੀ ਆਪ ਜੀ ਉੱਥੇ ਹੀ ਪਹੁੰਚ ਜਾਂਦੇ।ਆਪ ਜੀ ਦੀ ਯਾਦ ਵਿੱਚ ਪਿੰਡ ਬਿਹਾਰੀਪੁਰ ਮਰੋੜੀ,ਸੌਂਕੜਾ,ਤੋਤੀ,ਮਰਾਡ਼ ਕਲਾਂ,ਸੈਦਾ ਖੇੜੀ (ਤਹਿ ਰਾਜਪੁਰਾ)ਆਦਿ ਵਿੱਚ ਸਕੂਲ ਅਤੇ ਗੁਰਦੁਆਰੇ ਬਣਾਏ ਗਏ।ਇਸ ਉਪਰੰਤ ਧੰਨ ਧੰਨ 108ਬ੍ਰਹਮਗਿਆਨੀ ਸੰਤ ਬਾਬਾ ਤੁਲਸੀ ਦਾਸ ਜੀ ਝੁੱਗੀ ਵਾਲੇ ਪਿੰਡ ਦੌਲੇਵਾਲਾ ਮਾਇਰ ਵਿੱਚ ਕੱਖਾਂ ਦੀ ਝੁੱਗੀ ਪਾ ਕੇ 28 ਸਾਲ ਮਹਾਨ ਤਪੱਸਿਆ ਕੀਤੀ ਅਤੇ ਲੋਕਾਂ ਨੂੰ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੇ ਲੜ ਲਾਉਣਾ,ਕਿਰਤ ਕਰਨਾ ਵੰਡ ਛਕਣਾ ਅਤੇ ਨਾਮ ਜਪਣ ਦਾ ਉਪਦੇਸ਼ ਦਿੰਦੇ ਹੋਏ,20 ਮੱਘਰ 4 ਦਸੰਬਰ1974 ਨੂੰ ਸਵੇਰੇ 6 ਵੱਜ ਕੇ 32 ਮਿੰਟ ਤੇ ਜੋਤੀ ਜੋਤ ਸਮਾ ਗਏ।ਦੌਲੇਵਾਲਾ ਅਤੇ ਇਲਾਕਾ ਨਿਵਾਸੀਆਂ ਦੇ ਮਨਾਂ ਵਿੱਚ ਉਨ੍ਹਾਂ ਦੀ ਨਿੱਘੀ ਯਾਦ ਅੱਜ ਵੀ ਉਸੇ ਤਰ੍ਹਾਂ ਕਾਇਮ ਹੈ।ਸੰਗਤਾਂ ਸੱਚੇ ਮਨ ਨਾਲ ਬਾਬਾ ਜੀ ਦੀ ਝੁੱਗੀ ਤੇ ਜੋ ਵੀ ਸੁੱਖ ਜਾਂ ਮਨੋਕਾਮਨਾ ਸੁੱਖ ਲਵੇ ਧੰਨ ਧੰਨ ਬਾਬਾ ਤੁਲਸੀ ਦਾਸ ਜੀ ਝੁੱਗੀ ਵਾਲਿਆਂ ਦੀ ਕ੍ਰਿਪਾ ਨਾਲ ਪੂਰੀ ਹੁੰਦੀ ਹੈ।

ਭਾਰਤੀ ਜਨਤਾ ਪਾਰਟੀ, ਸ਼੍ਰੋਮਣੀ ਅਕਾਲੀ ਦਲ ਸੰਯੁਕਤ , ਪੰਜਾਬ ਲੋਕ ਕਾਂਗਰਸ ਦੇ ਸਾਂਝੇ ਉਮੀਦਵਾਰ ਕੁੰਵਰ ਨਰਿੰਦਰ ਸਿੰਘ ਨੇ ਅੱਜ ਪੰਜਾਬ ਵਿਧਾਨ ਸਭਾ ਚੋਣਾਂ ਹਲਕਾ ਜਗਰਾਉਂ ਤੋਂ ਆਪਣੇ ਕਾਗਜ਼ ਭਰੇ

ਪੱਤਰਕਾਰ ਜਸਮੇਲ ਗ਼ਾਲਿਬ ਦੀ ਵਿਸ਼ੇਸ਼ ਰਿਪੋਰਟ 

ਫੇਸਬੁੱਕ ਵੀਡੀਓ ਲਿੰਕ ; https://fb.watch/aRf95kvsZn/

ਦੁਨੀਆਂ ਦੇ ਕੋਨੇ ਕੋਨੇ ਤੋਂ ਲੇਖਕ ਕਲਾਕਾਰ ਗਾਇਕ ਅਤੇ ਸਾਹਿਤ ਨਾਲ ਜੁੜੀਆਂ ਅਨੇਕਾਂ ਸਤਿਕਾਰਯੋਗ ਸ਼ਖ਼ਸੀਅਤਾਂ ਨੇ ਦੇਵ ਥਰੀਕਿਆਂ ਵਾਲੇ ਨੂੰ ਸ਼ਰਧਾ ਦੇ ਫੁੱਲ ਭੇਟ ਕੀਤੇ 

ਜਨਸ਼ਕਤੀ ਨਿਊਜ਼  ਪੰਜਾਬ ਦੀ ਟੀਮ ਪੱਤਰਕਾਰ ਹਰਦੀਪ ਸਿੰਘ ਕੌਸ਼ਲ ਮੱਲਾ ਅਤੇ ਮਨਜਿੰਦਰ ਗਿੱਲ ਨੇ ਦੇਵ ਥਰੀਕਿਆਂ ਦੇ ਸਤਿਕਾਰ ਲਈ ਸ਼ਰਧਾ ਦੇ ਫੁੱਲ ਭੇਟ ਕਰਨ ਉਮੜੀਆਂ ਅਨੇਕਾਂ ਸ਼ਖ਼ਸੀਅਤਾਂ ਨਾਲ ਗੱਲਬਾਤ ਕੀਤੀ ਉਨ੍ਹਾਂ ਦੇ ਜੀਵਨ ਬਾਰੇ ਜਾਣਿਆ ਤੁਸੀਂ ਵੀ ਦੇਖ ਲਵੋ  

ਫੇਸਬੁੱਕ ਵੀਡੀਓ ਲਿੰਕ ; https://fb.watch/aRdzoFERNP/ 

ਬਰਨਾਲਾ /ਮਹਿਲਕਲਾਂ- 29 ਜਨਵਰੀ- (ਗੁਰਸੇਵਕ ਸੋਹੀ)  ਵਿਧਾਨ ਸਭਾ ਹਲਕਾ ਮਹਿਲ ਕਲਾਂ ਤੋਂ ਸ਼੍ਰੋਮਣੀ ਅਕਾਲੀ ਦਲ ਅਤੇ ਬਸਪਾ ਦੇ ਸਾਂਝੇ ਉਮੀਦਵਾਰ ਚਮਕੌਰ ਸਿੰਘ ਵੀਰ ਸ਼ੇਰਪੁਰ ਵਿਖੇ ਵੋਟਰਾਂ ਦੇ ਰੂਬਰੂ ਹੋਏ ।ਇਸ ਮੌਕੇ ਚਮਕੌਰ ਸਿੰਘ ਵੀਰ ਨੇ ਕਿਹਾ ਕਿ ਸਾਫ ਸੁਥਰੀ ਰਾਜ਼ਨੀਤੀ ਦੇ ਚਲਦਿਆਂ ਤੇ ਤੁਹਾਡੇ ਵੋਟਰਾਂ ਦੇ ਸਹਿਯੋਗ ਨਾਲ ਇਹ ਚੋਣ ਜਿੱਤ ਕੇ ਤੁਹਾਡੇ ਦੁੱਖਾਂ ਸੁੱਖਾਂ ਵਿੱਚ ਹਮੇਸ਼ਾਂ ਹਾਜ਼ਰ ਰਹਾਂਗਾ ।ਇਸ ਮੌਕੇ ਦਰਸ਼ਨ ਸਿੰਘ ਜਲੂਰ ਨੇ ਕਿਹਾ ਕਿ ਪਿੰਡ ਪਿੰਡ ਪੱਧਰ ਤੇ ਵੋਟਰਾਂ ਦੇ ਮਿਲ ਰਹੇ ਅਥਾਹ ਪਿਆਰ ਸਦਕਾ ਉਮੀਦਵਾਰ ਚਮਕੌਰ ਸਿੰਘ ਵੀਰ ਇਤਿਹਾਸਕ ਜਿੱਤ ਪ੍ਰਾਪਤ ਕਰਨਗੇ।ਇਸ ਮੌਕੇ ਉਨ੍ਹਾਂ ਨਾਲ  ਹਵਾ ਸਿੰਘ ਹਨ੍ਹੇਰੀ, ਚਮਕੌਰ ਸਿੰਘ ਬਾਦਸ਼ਾਹਪੁਰ,ਹਰਬੰਸ ਸਿੰਘ ਛੀਨੀਵਾਲ ਖੁਰਦ ਆਦਿ ਹਾਜ਼ਰ ਸਨ ।

ਖਾਲੀ ਖਾਨੇ,ਖਾਨੇ ਦੇ ਵਿੱਚ
     ਗੱਲ ਮੈਂ ਪਾਉਣੀ ਚਾਹੁੰਦਾ ਹਾਂ
ਮੂੰਹ ਛੋਟਾ ਗੱਲ ਵੱਡੀ
     ਪਰ ਸਮਝਾਉਣੀ ਚਾਹੁੰਦਾ ਹਾਂ।।

ਮੈਂ ਤੇ ਮੈਂ ਵਿੱਚ ਚੋਣਾਂ ਕਰੀਏ
     ਆਪਣੇ ਅੰਦਰ ਵੋਟਾਂ ਪਾਈਏ
ਆਪਣੀ ਅਕਲ ਦੀ ਕੁਰਸੀ ਉੱਤੇ
     ਸੂਝਵਾਨ ਇਨਸਾਨ ਬਿਠਾਈਏ।।

ਮੂੰਹ ਹਨ੍ਹੇਰੇ ਲਾ ਸਪੀਕਰ
     ਜਿਹੜੇ ਮੈਨੂੰ ਸੌਣ ਨਹੀਂ ਦਿੰਦੇ
ਮੈਨੂੰ ਕਹਿੰਦੇ ਰੱਬ ਮਲਾਈਏ
     ਆਪਣੇ ਨੇੜੇ ਆਉਣ ਨਹੀਂ ਦਿੰਦੇ।।

ਰੱਬ ਨੂੰ ਬੰਦਿਆ ਨੌਕਰ ਸਮਝੇਂ
     ਨਾਲ ਤੂੰ ਖੜਕੇ ਕਰੇਂ ਗਰਾਈਂਆਂ
ਸੋਹਣੀ ਗੱਡੀ, ਰੱਬ ਦੇ ਪੱਠੇ
      ਪਿੱਛੇ-ਪਿੱਛੇ ਭੇਡਾਂ ਆਈਆਂ।।

ਤੂੰ ਦਰ-ਦਰ ਜਾ ਕੇ ਲੱਭਦਾ ਏਂ
     ਪਰ ਚੈਣ ਤਾਂ ਘਰ ਵਿੱਚ ਮਿਲਦਾ ਏ
ਮੱਥਾ ਆਪਣੇ ਬੂਹੇ ਟੇਕਿਆ ਕਰ
     ਕਿਉਂ ਹੋਰ ਕਿਤੇ ਜਾ ਵਿਲਦਾ ਏਂ।।

ਬਾਹਰ ਚੀਖ-ਚਿਹਾੜਾ ਇਹਨਾਂ
     ਨਾ ਸੁਣੀ ਆਵਾਜ਼ ਮੈਂ ਅੰਦਰ ਦੀ
ਓਵੀ ਰੱਬ ਦੀ ਅੱਖ ਤੋਂ ਓਹਲੇ
     ਜੋ ਪੋੜੀ ਬੈਠੇ ਮੰਦਿਰ ਦੀ।।

ਰਮੇਸ਼ ਵੇ ਦਿਲ ਦਾ ਦਰਦ ਨਾ ਮਿਟਿਆ
     ਜੀਉਂਦੀ ਜਾਨੇ ਨਰਕ ਹੰਢਾਵਾਂ
ਮਰਨ ਪਿੱਛੋਂ ਜੇ ਮਿਲਦਾ ਜਾਨੂੰ
     ਐਸੇ ਸਵਰਗ ਨੂੰ ਚੁੱਲ੍ਹੇ ਡਾਵਾਂ।।

              ਲੇਖਕ-ਰਮੇਸ਼ ਕੁਮਾਰ ਜਾਨੂੰ
             ਫੋਨ ਨੰ:-98153-20080

ਰਾਹੁਲ ਗਾਂਧੀ ਨਾਲ ਆਏ ਅਧਿਕਾਰੀਆਂ ਨੇ ਮੰਨਿਆ ਜੇਬ ਕਤਰਾ ਰਾਹੁਲ ਦੀ ਗੱਡੀ ਤਕ ਬਿਨਾਂ ਕਿਸੇ ਡਰ ਪੁੱਜਾ ਤੇ 14000 ਰੁਪਈਆ ਲੈ ਹੋਇਆ ਰਫੂਚੱਕਰ  

ਪੱਤਰਕਾਰ ਹਰਜੀਤ ਸਿੰਘ ਗਰੇਵਾਲ ਦੀ ਵਿਸ਼ੇਸ਼ ਰਿਪੋਰਟ  

Facebook Video Link ; https://fb.watch/aP-agRVYtG/

ਬਾਬਾ ਹਰਭਜਨ ਸਿੰਘ ਸੈਨਿਕ ਵਿੰਗ ਵੱਲੋਂ ਪਿੰਡ ਕੋਕਰੀ ਕਲਾਂ ਮੋਗਾ ਵਿਖੇ ਗਿਆਰਾਂ ਮੈਂਬਰੀ ਕਮੇਟੀ ਦਾ ਗਠਨ ਕੀਤਾ ਗਿਆ  

ਪੱਤਰਕਾਰ ਬਲਵੀਰ ਬਾਠ ਦੀ ਵਿਸ਼ੇਸ਼ ਰਿਪੋਰਟ  

Facebook Video Link ; https://fb.watch/aP_Yv10HEf/

ਜਗਰਾਓ,ਹਠੂਰ,28,ਜਨਵਰੀ-(ਕੌਸ਼ਲ ਮੱਲ੍ਹਾ)-ਪਿਛਲੇ ਸੱਤ ਦਹਾਕਿਆ ਤੋ ਆਪਣੀ ਮਿਆਰੀ ਕਲਮ ਰਾਹੀ ਪੰਜਾਬੀ ਸੱਭਿਆਚਾਰ ਦੀ ਸੇਵਾ ਕਰਦੇ ਆ ਰਹੇ ਪ੍ਰਸਿੱਧ ਗੀਤਕਾਰ ਬਾਪੂ ਦੇਵ ਥਰੀਕੇ ਵਾਲੇ ਉਰਫ ਹਰਦੇਵ ਦਿਲਗੀਰ ਕੁਝ ਦਿਨ ਪਹਿਲਾ ਇਸ ਦੁਨੀਆ ਨੂੰ ਸਦਾ ਲਈ ਅਲਵਿਦਾ ਆਖ ਗਏ ਸਨ।ਉਨ੍ਹਾ ਦੀ ਵਿਛੜੀ ਰੂਹ ਦੀ ਸ਼ਾਤੀ ਪਿਛਲੇ ਤਿੰਨ ਦਿਨਾ ਤੋ ਪ੍ਰਕਾਸ ਕੀਤੇ ਸ੍ਰੀ ਆਖੰਡ ਪਾਠ ਸਾਹਿਬ ਦੀ ਲੜੀ ਦੇ ਭੋਗ ਅੱਜ ਸ੍ਰੀ ਗੁਰਦੁਆਰਾ ਸਾਹਿਬ ਪਿੰਡ ਥਰੀਕੇ ਵਿਖੇ ਪਾਏ ਗਏ।ਇਸ ਮੌਕੇ ਰਾਗੀ ਜੱਥੇ ਨੇ ਵੈਰਾਗਮਈ ਕੀਰਤਨ ਕੀਤਾ।ਇਸ ਸਰਧਾਜਲੀ ਸਮਾਗਮ ਮੌਕੇ ਪਹੁੰਚੇ ਪਦਮ ਸ੍ਰੀ ਐਵਾਰਡ ਪ੍ਰਾਪਤ ਡਾ:ਸੁਰਜੀਤ ਪਾਤਰ,ਸੰਗੀਤ ਸਮਰਾਟ ਚਰਨਜੀਤ ਅਹੂਜਾ,ਫਿਲਮੀ ਅਦਾਕਾਰ ਸੁਰਿੰਦਰ ਛਿੰਦਾ,ਗੀਤਕਾਰ ਅਮਰੀਕ ਸਿੰਘ ਤਲਵੰਡੀ,ਗੀਤਕਾਰ ਬਾਬੂ ਸਿੰਘ ਮਾਨ ਮਰਾੜਾ ਵਾਲੇ,ਪ੍ਰੋਫੈਸਰ ਗੁਰਭਜਨ ਸਿੰਘ ਗਿੱਲ,ਵਿਧਾਇਕ ਦਰਸਨ ਸਿੰਘ ਸਿਵਾਲਿਕ,ਵਿਧਾਇਕ ਕੁਲਦੀਪ ਸਿੰਘ ਵੈਦ ਆਦਿ ਨੇ ਕਿਹਾ ਕਿ ਗੀਤਾਕਾਰ ਦੇਵ ਥਰੀਕੇ ਵਾਲੇ ਬਹੁਤ ਹੀ ਉੱਚ ਕੋਟੀ ਦੇ ਗੀਤਕਾਰ ਸਨ,ਉਥੇ ਉਹ ਇਨਸਾਨ ਵੀ ਬਹੁਤ ਵਧੀਆ ਸਨ।ਉਨ੍ਹਾ ਨੇ ਆਪਣੀ ਕਲਮ ਨਾਲ ਆਪਣਾ ਅਤੇ ਆਪਣੇ ਪਿੰਡ ਥਰੀਕੇ ਦਾ ਨਾਮ ਦੁਨੀਆ ਦੇ ਨਖਸੇ ਤੇ ਸਥਾਪਿਤ ਕੀਤਾ।ਉਨ੍ਹਾ ਕਿਹਾ ਕਿ ਜਦੋ ਵੀ ਗੀਤਕਾਰੀ ਦੀ ਗੱਲ ਚੱਲੇ ਗੀ ਤਾਂ ਗੀਤਕਾਰ ਦੇਵ ਥਰੀਕੇ ਵਾਲਿਆ ਦਾ ਨਾਮ ਸਭ ਤੋ ਪਹਿਲਾ ਸਤਿਕਾਰਿਆ ਜਾਵੇਗਾ।ਉਨ੍ਹਾ ਦੇ ਲਿਖੇ ਗੀਤ ਸਦਾ ਲਈ ਅਮਰ ਹੋ ਗਏ ਅਤੇ ਹਰ ਘਰ ਦਾ ਸਿੰਗਰ ਬਣੇ ਰਹਿਣਗੇ।ਇਸ ਮੌਕੇ ਸੱਭਿਆਚਾਰਕ ਪ੍ਰੇਮੀਆ ਵੱਲੋ ਪਿੰਡ ਥਰੀਕੇ ਵਿਖੇ ‘ਗੀਤਕਾਰ ਬਾਪੂ ਦੇਵ ਥਰੀਕੇ ਵਾਲੇ’ਦੇ ਨਾਮ ਤੇ ਲਾਇਬਰੇਰੀ ਬਣਾਉਣਾ ਦਾ ਵਾਅਦਾ ਕੀਤਾ ਗਿਆ।ਇਸ ਮੌਕੇ ਸੰਤ ਦਰਬਾਰਾ ਸਿੰਘ ਆਸਰਮ ਲੋਪੋ ਦੇ ਮੁੱਖ ਸੇਵਾਦਾਰ ਸੰਤ ਬਾਬਾ ਜਗਜੀਤ ਸਿੰਘ ਲੋਪੋ ਵਾਲਿਆ ਵੱਲੋ ਬਾਪੂ ਦੇਵ ਥਰੀਕਿਆ ਵਾਲੇ ਦੇ ਸਪੁੱਤਰ ਜਗਵੰਤ ਸਿੰਘ ਥਰੀਕੇ ਨੂੰ ਪਰਿਵਾਰਕ ਜਿਮੇਵਾਰੀਆ ਦੀ ਦਸਤਾਰ ਭੇਂਟ ਕੀਤੀ ਗਈ।ਇਸ ਮੌਕੇ ਸਟੇਜ ਸਕੱਤਰ ਦੀ ਭੂਮਿਕਾ ਉੱਘੇ ਮੰਚ ਸੰਚਾਲਿਕ ਗੀਤਕਾਰ ਸਰਬਜੀਤ ਸਿੰਘ ਵਿਰਦੀ ਨੇ ਨਿਭਾਈ।ਇਸ ਮੌਕੇ ਉਨ੍ਹਾ ਨਾਲ ਗੁਰਦੇਵ ਸਿੰਘ ਥਰੀਕੇ,ਜਗਵੰਤ ਸਿੰਘ ਦੀਨਾ,ਗੀਤਕਾਰ ਜੱਗਾ ਸਿੰਘ ਗਿੱਲ ਨੱਥੋਹੇੜੀ ਵਾਲਾ,ਪ੍ਰੋਫੈਸਰ ਨਿਰਮਲ ਜੌੜਾ,ਗੀਤਕਾਰ ਗੀਤਾ ਦਿਆਲਪੁਰੇ ਵਾਲਾ,ਗੀਤਕਾਰ ਬੰਤ ਰਾਮਪੁਰੇ ਵਾਲਾ, ਲੋਕ ਗਾਇਕ ਰਣਜੀਤ ਮਣੀ,ਲੋਕ ਗਾਇਕ ਬਲਵੀਰ ਬੋਪਾਰਾਏ,ਗੀਤਕਾਰ ਕਰਨੈਲ ਸਿੰਘ ਸਿਵੀਆ,ਗੀਤਕਾਰ ਸਵਰਨ ਸਿੰਘ ਸਿਵੀਆ,ਗੀਤਕਾਰ ਮੇਵਾ ਸਿੰਘ ਨੌਰਥ,ਗੀਤਕਾਰ ਭੁਪਿੰਦਰ ਸਿੰਘ ਸੇਖੋਂ,ਗੀਤਕਾਰ ਬਲਵੀਰ ਮਾਨ,ਗੀਤਕਾਰ ਮੀਤ ਸਕਰੌਦੀ ਵਾਲਾ,ਲੋਕ ਗਾਇਕ ਯੁਧਵੀਰ ਮਾਣਕ,ਬੀਬੀ ਸਰਬਜੀਤ ਮਾਣਕ,ਗੀਤਕਾਰ ਗੋਗੀ ਮਾਨਾ ਵਾਲਾ,ਗੀਤਕਾਰ ਭੱਟੀ ਭੜੀਵਾਲਾ,ਲੋਕ ਗਾਇਕ ਸੁਖਵਿੰਦਰ ਪੰਛੀ,ਲੋਕ ਗਾਇਕਾ ਰਜਿੰਦਰ ਰੂਬੀ, ਗਾਇਕ ਜੋੜੀ ਹਾਕਮ ਬਖਤੜੀ ਵਾਲਾ-ਬੀਬਾ ਦਲਜੀਤ ਕੌਰ,ਲੋਕ ਗਾਇਕ ਪਾਲੀ ਦੇਤਵਾਲੀਆਂ,ਲੋਕ ਗਾਇਕ ਗੁਰਮੀਤ ਮੀਤ, ਲੋਕ ਗਾਇਕ ਦਲਵਿੰਦਰ ਦਿਆਲਪੁਰੀ, ਲੋਕ ਗਾਇਕ ਕੇਵਲ ਜਲਾਲ,ਲੋਕ ਗਾਇਕ ਤਨਵੀਰ ਗੋਗੀ, ਗਾਇਕ ਸੁਖਵਿੰਦਰ ਸੁੱਖੀ,ਬੀਬਾ ਗੁਲਸਨ ਕੋਮਲ,ਗੀਤਕਾਰ ਭੁਪਿੰਦਰ ਸਿੰਘ ਸਿੱਖਾਵਾਲਾ,ਗਾਇਕ ਬਿੱਟੂ ਖੰਨੇਵਾਲ,ਲੋਕ ਗਾਇਕ ਨਜੀਰ ਮੁਹੰਮਦ,ਲੋਕ ਗਾਇਕ ਦਲੇਰ ਪੰਜਾਬੀ,ਲੋਕ ਗਾਇਕ ਅਵਤਾਰ ਬੱਲ,ਭਾਈ ਜੋਗਿੰਦਰ ਸਿੰਘ ਰਿਆੜ,ਗਾਇਕ ਪ੍ਰਗਟ ਖਾਨ,ਗਾਇਕ ਜਗਦੇਵ ਖਾਨ,ਲੋਕ ਗਾਇਕ ਜਸਬੀਰ ਜੱਸ,ਕਿੱਕਰ ਡਾਲੇ ਵਾਲਾ,ਮੇਸੀ ਮਾਣਕ,ਸੁੱਖ ਚਮਕੀਲਾ,ਸੁਰੇਸ ਯਮਲਾ,ਪ੍ਰਧਾਨ ਬਿੱਟੂ ਅਲਬੇਲਾ,ਗਾਇਕ ਮਾਣਕ ਸੁਰਜੀਤ,ਉੱਘੇ ਸਮਾਜ ਸੇਵਕ ਇਕਬਾਲ ਮਹੁੰਮਦ ਮੀਨੀਆ,ਗਾਇਕ ਦੇਵੀ ਮਕਸੂਸਪੁਰੀ,ਗੀਤਕਾਰ ਬਚਨ ਬੇਦਿਲ,ਲੋਕ ਗਾਇਕ ਗੁਰਦਿਆਲ ਸਿੰਘ ਨਿਰਮਾਣ ਧੂਰੀ,ਲੋਕ ਗਾਇਕ ਲਵਲੀ ਨਿਰਮਾਣ ਧੂਰੀ,ਲੇਖਕ ਗੁਰਦਿਆਲ ਸਿੰਘ ਸੌਂਕੀ ਧੂਰੀ, ਗਾਇਕ ਹੈਪੀ ਰਾਏਕੋਟੀ, ਗਾਇਕ ਵੀਰ ਸੁਖਵੰਤ,ਜਸਵੰਤ ਸਿੰਘ ਜੋਧਾ,ਚਰਨਜੀਤ ਸਿੰਘ,ਪੱਤਰਕਾਰ ਹਰਦੀਪ ਕੌਸ਼ਲ ਮੱਲ੍ਹਾ,ਰਵਿੰਦਰ ਸਿੰਘ ਰਵੀ ਦਾਖਾ,ਚਰਨ ਸਿੰਘ ਥਰੀਕੇ,ਰਵਿੰਦਰ ਦੀਵਾਨਾ,ਗੁਰਭਜਨ ਸਿੰਘ ਗਿੱਲ,ਲੇਖਕ ਚਰਨ ਸਿੰਘ ਬੰਬੀਹਾ,ਗੁਰਮੁੱਖ ਸਿੰਘ, ਮਲਕੀਤ ਮਾਣਕ,ਚਮਕ ਚਮਕੀਲਾ,ਗੀਤਕਾਰ ਹਰੀ ਸਿੰਘ ਝੰਜ ਟੂਸਿਆ ਵਾਲਾ,ਰਣਬੀਰ ਸਿੰਘ ਟੂਸੇ,ਲੇਖਕ ਅਜਮੇਲ ਸਿੰਘ ਮੋਹੀ,ਸੁਖਵਿੰਦਰ ਸਿੰਘ ਮੁੱਲਾਪੁਰ,ਅਸੋਕ ਮਾਨਸਾ,ਅਸੋਕ ਖੁਮਾਣੋ,ਚੇਅਰਮੈਨ ਰਾਜਾ ਸੰਗਤਮੰਡੀ,ਕੇ ਕੇ ਬਾਵਾ,ਕਮਲ ਸਿੰਘ ਬਾਬਾ, ਹਰਵਿੰਦਰ ਥਰੀਕੇ,ਰਜਿੰਦਰ ਸਿੰਘ ਤੱਖਰ ਹਿਸੋਵਾਲ,ਗੁਰਮੇਲ ਸਿੰਘ ਪ੍ਰਦੇਸੀ,ਬਾਦਲ ਸਿੰਘ ਸਿੱਧੂ,ਨੰਬਰਦਾਰ ਇਕਬਾਲ ਸਿੰਘ,ਸਰਪੰਚ ਹੈਪੀ ਹਿਸੋਵਾਲ,ਸੁਰਿੰਦਰ ਭਗਵਾਨ ਰਕਬਾ,ਨੇਵੀ ਮਾਣਕ,ਬਲਤੇਜ ਸਿੰਘ ਸਰਾਂ,ਬਲਵਿੰਦਰ ਸਿੰਘ ਮੋਹੀ,ਮੋਨੂੰ ਲੁਧਿਆਣਾ ਤੋ ਇਲਾਵਾ ਵੱਡੀ ਗਿਣਤੀ ਵਿਚ ਕਲਾਂ ਪ੍ਰੇਮੀ ਹਾਜ਼ਰ ਸਨ। 

ਫੋਟੋ ਕੈਪਸਨ:-ਗੀਤਕਾਰ ਬਾਪੂ ਦੇਵ ਥਰੀਕੇ ਵਾਲੇ ਨੂੰ ਸਰਧਾਜਲੀਆ ਭੇਟ ਕਰਦੇ ਹੋਏ ਗੀਤਕਾਰ ਅਮਰੀਕ ਸਿੰਘ ਤਲਵੰਡੀ ਅਤੇ ਹੋਰ